استفسار عن دايون 6 للشراء

**ibrahiiim** · 11-05-2015 12:41 AM

اولا : انا تقريبا اجدد عضو فى نايل موتورز بس فعلا لانه عجبنى ومع احترام الناس وردودهم حبيت اكون واحد منهم
ثانيا بقى: انا عاوز اشترى بايك يكون شكل الريس وطبعا زى ناس كتير دايون 6 هى المتاحه ادامى لان سعرها مش كبير وانا كل اللى معايا 6100 بالظبط ميزيدوش غير 20 جنيه بتوع المواصلات يمكن
بس انا معرفش مميزاتها ولا عيوبها ف يا ريت من الناس اللى زى الفل اللى شوفتهم دول حد يرد عليا ويفهمنى كل حاجه فيها ولو فى حاجه احسن وتكون برضو سعرها فى الرينج ده تمام بس برضو يكون بالشكل الانسيابى بتاع الريس كده لان من وانا ف اعدادى نفسى اجيب ريس واهو خلاص قربت اخلص جامعه ولسه مجبتش بس الحمد لله نويت اهو بس عاوز حاجه ع الاقل تكون قريبه من حلمى علشان اكون مبسوط بيها
واسف لو كنت طولت عليكم

**ibrahiiim** · 12-05-2015 01:37 AM

ايه يا جماعه كل ده ومفيش رد واحد حتى
دا انا حتى كنت عاوز اعرف الفرق بين دايون 6 والدايون 22 انهى الاحسن فيهم كمان هو اللى اعرفه ان ال6 مساعد واحد ومارش ومنافله وب 7150 جنيه اما ال22 2مساعدين ومارش بس وب 7100جنيه
ايه بقى الكلام يعنى اعمل ايه حد يفيدنى يا باشمهندسين

**Adel.Nasr** · 12-05-2015 10:28 AM

انا شوفت دايون 6 وشكلها حلو زي ستريت فيتر كده و بعدين كل الصيني موتور واحد 150 سي سي يعني ميفرقش بينهم غير الشكل بس ف خد الشكل اللي بتحبه و متصدقش اي حد يقولك المكنه دي احسن من دي لانه كلهم نفس الموتور

**Adel.Nasr** · 12-05-2015 10:30 AM

ده الموقع الرسمي لموتوسيكلات دايون شوف واختار اللي يعجبك
http://www.gzdayang.com/en/list_cms.aspx?classid=90

**ibrahiiim** · 14-05-2015 02:58 PM

المشاركة الأصلية كتبت بواسطة adel.nasr

ده الموقع الرسمي لموتوسيكلات دايون شوف واختار اللي يعجبك
http://www.gzdayang.com/en/list_cms.aspx?classid=90

تسلم يا استاذى على الرد وشكرا فعلا هى اللى عاجبانى بس انا عاوز اعرف لو جبتها كويس ولا ايه انا من يومين سالت عليها ب 7150 جنيه بس لو عاوز اسافر بيها ينفع ولا لا ولو مينفعش المفروض انى اريحها كل كام كيلو علشان متسخنش كده يعنى

**ibrahiiim** · 14-05-2015 03:08 PM

كمان فى حاجه دايون 22 نفس شكل دايون 6 بس الفرق بقى
22,,مارش بس فى 2 مساعدين
6,, مارش ومنافله بس مساعد واحد
ايه الفرق بينهم وايه الافضل وتقريبا الاتنين الفرق بينهم 50 جنيه مش كتير بس المهم انهى الاحسن ؟

**Adel.Nasr** · 14-05-2015 11:47 PM

اولا موضوع السفر طول ما المكنه جديده مش هتخاف من حاجه المهم انك تريحها اول ما تحس نفسك تعبت من السواقه او ان المكنه سخنت جامد و الحاجات دي بتعرفها لما تتعود عليه اكتر
ثانيا موضوع المساعدين انا بفضل انه يكون 2 مساعد لانه في الاول و الاخر دا صناعه صيني يعني موضوع مساعد واحد ميطمنش لو في اي وزن زياده عليها و تحت امرك في اي استفسار