طلب مساعدة في شراء سيارة

**adam0202** · 11-05-2015 10:43 PM

السلام عليكم و رحمة الله

أخيرا قررت اشتري عربية ترحمني من قرف المواصلات
بس المشكلة إن معنديش خبرة و دي أول مرة اشتري فيها عربية مفمش عارف اجيب ايه !!!

ميزانيتي أول عن آخر 20 ألف ، و حابب اجيب حاجة تتحمل و يكون شكلها كويس من برا و من جوا يعني فيها كيرفات ( من الآخر مش حجيب فيات و لا لادا ولا أي حاجة شبههم ) و تكون سهلة في البيع بعد كده

السيارة مش حستخدمها في سفر نهائي ، بس مشاوير يومية حسبة 20 كيلو بالكتير

فياريت تشاركوني بآرائكم في حدود ميزانيتي
وهل في سوق مفتوح للسيارات في اسكندرية
و هل صحيح ان فترة الصيف بتنزل فيها اسعار السيارات المستعملة ؟؟؟

**احمد فهمى** · 12-05-2015 03:27 AM

شوف الشاريد 1991 دى فحدود ال20 الف وعربيه يابانى ممتازه والصيف العربيات بتغلى فى مش بترخص وربنا يوفقك

**adam0202** · 12-05-2015 10:37 PM

شكرا على تجاوبكم

بصراحة مش مقتنع اوي بالشاريد أو الأونو ( من الناحية الجمالية )

شفت النهارده فورد اسكورت 98 و دايو ماتيز 2000 و اسعارهم (23 و 20)

وكنت حابب اعرف رأيكم في الاثنين خاصة في موضوع قطع الغيار "في اسكندرية" و إعادة البيع ؟
و امتى انسب وقت بتنزل في اسعار السيارات ؟