شارك وكيل ولا خليجي ضروررررررى عشان نازل اجيبها الصبح

**raklove** · 13-05-2015 06:12 AM

السلام عليكم

ايه رائيكم اجيب شارك وكيل ولا خليجي وهل فعلا توكيل دايموند وحش ؟؟

**abojana1** · 13-05-2015 05:20 PM

انا نازل بكرة ان شاء الله اجيبها خليجي واشتري الضمان لو حتي سنة

**د.هشام** · 13-05-2015 07:26 PM

مبروك مقدما
العربيتين واحد
ميزة الخليجي انك بتختار الكماليات اللي انت عايزها

**ENG.MaRk** · 13-05-2015 07:46 PM

نفس الموتور و الشاسيه و لو هاي لاين يبقي فرق الكماليات لصالح الخليجي و مادام كدة كدة عندك نية إنك تشتري ضمان يبقي استفيد بالكماليات و خليك في الخليجي

**M.Elwan** · 14-05-2015 12:03 AM

في فئة اسمها شرق اوسط دي فيها شاشة الوان بين العدادات وفي معارض بتقول ان فيها ٨ ايرباج والكاسيت بتاعها مختلف وفيها كاميرا خلفية ومواصفات مختلفة بس معنديش تفاصيل كتير عنها للاسف
حاول تسئل عليها

**ENG.MaRk** · 14-05-2015 07:18 AM

انزل سمير ريان اتفرج عنده هتلاقي كل فئات الشارك مركونين جنب بعض ... اعرف مواصفات كل واحدة و شوف أكتر واحدة مناسبة ليك كمواصفات و سعر و ربنا يوفقك

**M.Elwan** · 14-05-2015 02:16 PM

دى كانت موجودة على جروب ملاك شارك على الفيسبووك

**د.هشام** · 14-05-2015 04:59 PM

فيه خليجي (سعودي ) زي عربيات التوكيل
وفيه شرق أوسط بتبقى نازلة للأردن

**ابو هنا** · 15-05-2015 01:06 AM

عربية خبطة في الباب الخلفي لعبيتي الانسر البومة . جبت باب استعمال نفس الون علشان مرشش العربية .
كان بتاع عريية خليجي لو تشوف الفارق بين الدعامات الداخلية في الباب الجديد وباب سيارتي الوكيل حتعرف اد اه الوكلاء في مصر بيستغفلونا في ابسط الاشياء الي منخدش بالنا منها
طبعان الخليجي افضل .

**عﻻء سالمان** · 15-05-2015 01:27 AM

دياموند ليهم مركز صيانة فى قليوب بيسفح بدون داعى مثﻻ على صيانى ال 30 الف غيرلى البوجيهات وفلتر الهوا قبل معادهم بكتير وكان عاوز يفتح شغل اكتر.. بس رفضت طبعا واعمل حسابك ان الصيانات وقطع الغيار مش رخيصة .. الى عجبتنى فى الشارك كانت فئة اولى مواصفات بحرينية لون ابيض فرش اسود تابلوة اسود مخادع امامية وخلفية ومن غير abs بس خد بالك ان شنطة الشارك ضيقة حبتين ودى مشكلها الرئيسية ..العدادات لو لونها ابيض بتبقى اجمل من اﻻحمر والكاسيت اﻻصلى العريض اجمل من الكاسيت البايونير الكنز بس مش موجود غير وكيل ..بص هو موضوع محير شوية بس استخير انا جبتها شرق اوسط وﻻ اشتريت ضمان وﻻ غيرة وماشية الله اكبر حمالة قسية وربنا يرزقك خيرها ويكفيك شرها