مشكلة رعشة او رجة ف الياريس ...

**Ayman MonZzz** · 16-05-2015 12:03 PM

يا جماعة انا عندي مشكلة ف الياريس 2007 في طلعة العربية بس بيكون في رعشة او رجة بس لكن لما بجيب التانى العربية بتبقي تمام ف رحت لميكانيكى قالي العربية عايزة طقم دبرياج ف انا مش عارف كلامه صح و الا لا ؟ و كمان عايز اعرف سعر الاصلى كام تقريبا ؟!!
و عندى مشكلة كمان في المساعدين اللي ورا نزلو زيت بس انا مش حاسس بأي حاجة في العربية و بيقولي لازم يتغيرو برده فهل الكلام ده صحيح و الا هو بيعمل شغل عليا ؟ و برده سعرهم كام تقريبا ؟!

اسف جدا علي الاطالة بس محتاج مساعدتكم و ارجو الرد

**Ayman MonZzz** · 17-05-2015 11:04 PM

هو محدش بيرد لية يا جماعة !!!!

**ahmed_eng2001** · 18-05-2015 12:30 AM

اجاوب حضرتك على ما احد خبراء الياريس يفيدنا اكتر ....

فيه سوست بتكون فى الديسك .... الصرة الى راكب عليها السوست دى بتكون وسعت و بتلق ... و دى الى بتعمل رجة فى الطلعة ... و فى الغالب ده بيحصل من انتهاء العمر الافتراضى .... او عيب فى الفتيس

و طالما الميكانيكى حينزل الفتيس علشان يغير الديسك .... فمن الاحسن ان حضرتك تغير طقم الدبرياج كله ( ديسك و اسطوانة و بلية ) ... و بالمرة ياريت تبص على الاويل سيلات

المساعدين لما يجيبو زيت .. ده معناه ان فيه اورنج بدأ يبوظ فى المساعدين ... و هى مسألة وقت قبل ان يتلف المساعد بالكامل ... فحضرتك حط فى ميزانيتك القادمة تغييرهم

**احمد فهمى** · 18-05-2015 04:22 AM

محتاجه طقم دبرياج اسطوانه وديسك والمساعد جاب زيت يعنى باظ ولازم يتغير والاسعار هتنزل تلف على بتوع قطع الغيار تاخد فكره وتشوف الأنواع بنفسك افضل

**ahmed_eng2001** · 08-02-2016 11:51 PM

موضوع الصوت ... لازم حد يجرب العربية و يسمع الاصوات دى .... بس التشخيص المبدأى .... مشكلة فى العفشة .. و يجب النظر و الفحص لمعرفة مكان المشكلة بالظبط
صوت العجلة الشمال ممكن يكون الكوبلن .... و ممكن يكون بلى العجل
و الحاجات دى كلها معرضة للتلف نتيجة سير السيارة على ارض غير ممهدة لفترة طويلة

**أبو آدم2662014** · 09-02-2016 08:57 AM

المشاركة الأصلية كتبت بواسطة ahmed_eng2001

موضوع الصوت ... لازم حد يجرب العربية و يسمع الاصوات دى .... بس التشخيص المبدأى .... مشكلة فى العفشة .. و يجب النظر و الفحص لمعرفة مكان المشكلة بالظبط
صوت العجلة الشمال ممكن يكون الكوبلن .... و ممكن يكون بلى العجل
و الحاجات دى كلها معرضة للتلف نتيجة سير السيارة على ارض غير ممهدة لفترة طويلة

الف شكر يا هندسة على اهتمامك وردك

انا غيرت المساعدين وعمودين التوازن والمقصات ولازالت الخربطة موجودة
الخربطه دى باسمعها لمجرد ان السيارة تمشى على اسفلت قديم مش مكسر.. مثلا لو مشيت على الحديد الصغير او فواصل الحارات فى الطريق

هل فى حاجه تعمل الخربطه دى غير المساعدين والمقصات وعمدة التوازن؟

الصوت فى العجله كشفت عليه وقالوا رمان البلى برضه

**nannah** · 10-03-2016 10:49 AM

بالنسبة للرعشة فى الطلعة الاولى طبعا دة دسك واسطوانة ولازم يتغيروا لانى معايا نفس العربية وكان فيها نفس المشكلة والطقم عامل الف جنية تقريبا ومصنعية 200 جنية تقريبا وبتاخد 3 ساعات ولو حضرتك من سكان القاهرة حدلك على واحد بيغيرهملك استاذ بمعنى الكلمة فى الشغل وطبعا بالنسبة للمساعدين مفيش مفر لازم يتغيرو اعتقد انهم ب 700 جنية ماركة محترمة وبالتوفيق