الموضوع: مازدا 3 هاي لاين ولا اوبل كوزمو

من فضلكم كنت حابب اسأل اهل الخبرة كام سؤال:

اولاً انا مراتي معاها النترا 2013 ومحتارة تجيب مازدا 3 الهاي لاين ولا اوبل استرا كوزمو اللي هي تعتبر هاي لاين برضه

هي طبعاً موهومة بشكل المازدا وده اكيد ميمنعش اني كمان موهوم بشكلها الداخلي والخارجي بس انا في كذا حاجة مقلقاني،

اولهم موضوع الفتيس ال 4 سرعات بس لأن ده هيخللي صوت العربية يعلي مش زي مثلاً عربيتي الاوكتافيا اللي فيها 6 سرعات فبتريح الموتور وصوتها الي حد ما واطي

ثاني حاجة ان المازدا الريسيل بتاعها مش أوي وخصوصاً انها هتجيبها بالقسط علي 5 سنوات ياعني لما تجيبها دلوقتي بـ 210،000 يبقي بعد خمس سنين هتبعها بكام؟

اللي مخوفني من الاسترا بقي واللي انا شخصياً كنت هجيبها قبل ما اجيب عربيتي موضوع الكومبيوتر اللي كل شوية لازم يتعمله ابديت واما بيدي ايرور لازم تروح التوكيل ده طبعاً غير قطع غيارها الغالية ونفس موضوع الريسيل برضه ينطبق علي الاسترا

والحاجة اللي انا مستغربلها جدا جدا جدا

ان العربيتين دول بالذات مرطرطين وبيعمل عليهم تخفيض كمان في حين ان مثلاً الاوكتافيا تاني فئة بقيت بـ 233،000 ومش موجووووووووووودة ...... والسبورتاج نفس الكلام ..... ده حتي السوزوكي سويفت الصغيرة حجز 9 شهور في التوكيل يا اما تجبه اوفر بريس 15،000 وسيبكم من اللي يقول فترة التخفيض علي المازدا والاسترا دي فترة وبس عشان انا من ساعة ما جبت عربيتي من 15 شهر وهما بيقولوا نفس الكلام بالظبط.

ارجو الافادة وشكراً