الموضوع: مقابلة المنتدي الاسرية في حدائق جاردينا الجمعه 29 مايو

المشاركة الأصلية كتبت بواسطة karim_monir

السادة الاعضاء الافاضل
السلام عليكم ورحمه الله

عاوزين نتقابل ونتجمع كلنا بمناسبة ان الاجازات بدات والامتحانات خلصت
والاجازة متحلاش الا بلمة اهل نايل موتورز
الميعاد الجمعه 29 مايو القادم الساعة 10 صباحا
المكان حدائق جارينيا التابعه للقوات المسلحة بطريق السويس (بعد كوبري الجيش مباشرة وجنب بنزينة وطنية اللي في مطلع الطريق الدائري من طريق السويس وانت متجه للرحاب
نفس مكان المقابلة اللى فاتت واللى قضينا فيها يوم جميل جدا وكلنا الحمدلله اتبسطنا وخاصة الاطفال اللى شرفونا بالحضور مع اسرهم
الدخول هايكون مقابل تذكرة ب 10 جنيهات فقط شاملة الجلوس سواء علي حمام السباحة او الحدائق او القاعة الداخلية
بالنسبة للغدا في مطاعم هناك وكمان اللى يحب يجيب اكل معاه مفيش مشكلة المكان بيسمج بدخول الاطعمة بدون اى موانع
يعنى لو حابين تكون ديش بارتى المكان مناسب جدا
وممكن نتجمع ونقعد مع بعض شوية هناك وبعدين نطلع على صبحى كابر :)

في انتظاركم جميعا وان شاء الله يكون يوم جميل ونتشرف بحضور الناس اللى مشوفنهاش من زمان
ونتشرف بالتعرف على اعضاء جدد محضورش مقابلات قبل كده

واللى مش عارف المكان ممكن يرجع لموضوعات المقابلة الماضية

http://www.nilemotors.net/nile/392296-22-2013-a.html

http://www.nilemotors.net/nile/389291-22.html

http://www.nilemotors.net/nile/392296-22-2013-a.html

كريم بك

استفسار بالنسبة لنظام الدخول مسموح للمنتقبات .....لانى اعرف ان دار المشاة والمدرعات وكدة ممنوع الدخول للمنتقبات ....برجاء الافادة لان الحكومة عاوزة تيجى المقابلة ....وشكرا ليك