واحد كسرلى المراية و دفعته تمنها

**Hacker5** · 20-05-2015 08:00 PM

السلام عليكم ورحمة الله وبركاته
النهاردة و انا جاى من شغلى كنت راكن ناحية سيتى ستارز و طبعا حضراتكم عارفين الشوارع هناك ضيقة و كله راكن يمين و شمال
و انا مستنى فى العربية لقيت مرة واحدة عربية طايرة من جمبى و طراااااخ و رايح شايل المراية الشمال و مكسرها
طبعا وقف و نزل قالى انا اسف جدا و اللى تؤمر بيه قولتله ماليش دعوة هاتلى مراية
قالى طب انا دلوقتى مش معايا فلوس هاروح اسحب فلوس من الماكنة و اجيلك قولتله انت و ضميرك
مافيش ربع ساعة لقيته جايلى و بيدينى 250 جنيه و بيقولى انا متأسف جدا اعذرنى قولتله مافيش مشاكل المشكلة انى هازف صاحبى بكرة بالعربية و مش هاينفع امشى بيها كدة و انا حقيقى مش معايا فلوس عشان اغيرها
المهم روحت اشتريت المراية و ركبتها
بس و انا جاى عمال افكر و اقول المفروض ماكنتش اخدت منه فلوس و بعدين اقول لاء انا كنت واقف فى حالى و هو جيه كسرهالى يبقى يدفع تمنها و هو غلطان بيجرى فى شارع ضيق

مش عارف بقى بس انا حقيقى ناس كتير بوظتلى حاجات كتير و كنت بعديها لحد ماتخنقت بقى و طلعت غلى فى الراجل دة

**Ahmed emad has** · 20-05-2015 08:05 PM

انتا غلطان الصراحة . المفروض مكنتش تاخد منه فلوس .

**Elkordy2000** · 20-05-2015 08:11 PM

انا ناس كتير بتخبط لي حاجات كتير ومش باخد منهم حاجه مش عارف ليه !!!! علي الرغم من انهم برضوا بيعرضوا علي فلوس ، بس مش عارف ده خيابه مني ولا المسامح كريم زي ما بيقولوا ، علي الرغم اني بقول في قرار نفسي لو انا اللي خبطه كان قال لي هتسمكر وترش لي العربيه كلها بكل اللي فيها

**wael6** · 20-05-2015 08:19 PM

بصراحة مش عارف
ناس تقولك من اتلف شئ فعليه اصلاحه
وناس تانيه تقولك مبنقبلش عوض والمسامح كريم

انا فعلا كل اللى بقلق منه اكتر من التلفيات هو حل المشكلة نفسها

ربنا يسترها ويجيب العواقب سليمه

**fares_311** · 20-05-2015 08:23 PM

حسب مزاجك والشخص اللي قدامك ساعتها يعني لو واحد محترم وأتأسف ممكن تطنش أما لو واحد بجح يبقى من أتلف شيئا فعليه اصلاحه.

**فتح الباب** · 20-05-2015 09:05 PM

الراجل ده حد محترم ونظيف جدا بدليل انه كان ممكن يروح وما يرجعش تانى او على الاقل توقف وقال انا اسف كان ممكن يجرى وما يقفش فبكل الاحوال هو راجل كويس وده عمله نادره اليومين دول وانا شايف ان صاحب المرايه المكسوره معليهوش ملامه باى وضع ولا اخد عوض ولا حاجه اولا الراجل دفع ٢٥٠ جنيه بمزاجه وهو راضى عن حاجه كسرها وصاحب المرايه مش هيجيب حشيش يعنى ال٢٥٠ جنيه هو هيجيب مرايه ويركبها ويمكن يدفع خمسين جنيه كمان وتظل قيمه جوهريه مفقوده اللى هى المرايه الاوريجنال لا يمكن تتكرر كما احترم كل الاراء ٠ دمتم بود

**hugan** · 20-05-2015 09:13 PM

من حقك تاخد ثمنها
خاصه انه شبه متعمد بسبب السرعه

**adel1212** · 20-05-2015 11:05 PM

عمري ما اخدت من حد اي تعويض يمكن يكون غلط بس بحس براحة نفسه كبيرة رغم اني بكون زعلان جدا لانى بحب حاجتي جدا جدا
حكمة قالهالي واحد كبير زمان ان ربنا اختصك انت بالذات بالبلاء ده و ده رزقك ماتحولش تغيره لان ممكن اللي بعده يكون اشد
يعني ارضي بنصيبك و احمد و احتسب عند الله الذي لا تضيع ودائعة

**Zing0** · 20-05-2015 11:13 PM

عمري ما اخدت من حد اي تعويض يمكن يكون غلط بس بحس براحة نفسه كبيرة رغم اني بكون زعلان جدا لانى بحب حاجتي جدا جدا
حكمة قالهالي واحد كبير زمان ان ربنا اختصك انت بالذات بالبلاء ده و ده رزقك ماتحولش تغيره لان ممكن اللي بعده يكون اشد
يعني ارضي بنصيبك و احمد و احتسب عند الله الذي لا تضيع ودائعة

أثلجت صدرى من اللى بيحصل فى العربية عمداً, و أفوض أمرى إلى الله و أحتسبه عنده يوم القيامة, بس مش مسامح فى أى واحد يأذينى متعمد.

الموضوع: واحد كسرلى المراية و دفعته تمنها

LinkBack

أدوات الموضوع

عرض

واحد كسرلى المراية و دفعته تمنها - انشر الموضوع فى :

-

-

-

-

-

المواضيع المتشابهه

واحد مؤذي بوظلى المراية

الواد الن التييت كسرلى اريال العربية

محتاج مثلث المراية الشمال اللي شايل المراية سيفيك 92

إقفل الeco و استمتع بكل مليم دفعته فى عربيتك !

عايز مقدم الحجز اللى دفعته

الكلمات الدلالية لهذا الموضوع

المفضلات

المفضلات

ضوابط المشاركة