مطلوب سمكري وبتاع دوكو قريب من سيدي بشر اسكندرية

**Ahmed_Gad** · 23-05-2015 01:00 AM

السلام عليكم ورحمة الله وبركاته
ناوي ان شاء الله اشد العربية واظبطها بحيث ترجع جديدة من تاني وعشان كدا لفيت اسبوع لحد ماجبت اكصدامات وفوانيس وشبكة وعتب فبر ومرايات وكله الحمد لله اصلي استيراد وبحالة الزيرو بس طالب بقي من احلي شباب في اجمد منتدي لو حد فيكم جرب يشد سمكرة وبوية عند حد من اسكندرية ياريت يفيدني بتجربته والاسعار ايه؟ انا سمعت عن واحد في سيدي بشر قبلي اسمه علام لو حد منكم جربه يفيدني الله يكرمكم واسف للاطاله
وجزاكم الله خيرا

**oracle_trainin** · 23-05-2015 01:08 AM

صباح الخير أستاذ أحمد
انا مثلك نفس الوضع بأبحث مثلك - لكنى سوف أسأل عن علام فى سيدى بشر قبلى
ولوكان كويس ومحترم سوف أقول لك -

**Ahmed_Gad** · 23-05-2015 01:41 AM

بص هو انا روحتله النهاردة الصراحة لاقيت عنده عربيات موديلات عالية كلها ومطلع شغل حلو اوي بس هو بيقولي بياخد العربية سمكرة وبوية مع بعض وقاللي 5 الاف جنيه وانا مش عارف كدا كتير ولا ايه خاصة ان عربيتي الحمد لله مافيهاش خبطات ولا عليها معجون ولكن عندي برومة بس في داير الزجاج الخلفي والامامي مثل جميع الاوبل وبرومة تحت العتب الفبر فمش عارف كدا كتير ولا ايه
ولو عاوز تروحله هو في او شارع الصداقه من عالقطر علي يمينك علي طول
بس عاوزين حد يكون اتعامل معاه يفيدنا وانا بحكم اني من سيدي بشر هعسعس في المنطقه علي ناس اشتغلوا معاه وهنقلك كلامهم ان شاء الله

**tasaka** · 23-05-2015 10:16 PM

منعم .. صنايعى محترم .. و عشره على عشره .. و بيدى الشغل حقه و زياده حبتين
بجوار مؤمن اللى فى سيدى بشر على البحر ( ابو هيف ) .. هو فى الشارع الضيق اللى بين خالد ابن الوليد و العيسوى ..

**Ahmed_Gad** · 24-05-2015 12:50 AM

المشاركة الأصلية كتبت بواسطة tasaka

منعم .. صنايعى محترم .. و عشره على عشره .. و بيدى الشغل حقه و زياده حبتين
بجوار مؤمن اللى فى سيدى بشر على البحر ( ابو هيف ) .. هو فى الشارع الضيق اللى بين خالد ابن الوليد و العيسوى ..

طب لو حضرتك جربته احكيلنا عملت ايه عنده والاسعار ايه والخامات ايه

**tasaka** · 24-05-2015 01:30 AM

المشاركة الأصلية كتبت بواسطة ahmed_gad

طب لو حضرتك جربته احكيلنا عملت ايه عنده والاسعار ايه والخامات ايه

الاسطى منعم سمكرى .. العربيه بتدخل بميعاد و تأخذ حقها فى الشغل يعنى الصنعه هى الاساس موش الفلوس ( ممكن يشتغل فى عربيتين مثلا حسب تنظيم عمله ) .. انا اعرفه من اربعين سنه

صنايعى 10/10 .. مصنعيه موش كتيره و موش ببلاش .. لكن بيفهم و ما بيدمرش العربيه عك .. انا لو عندى عربيه زيرو .. اقدر اوديها و انا مطمئن انه حينصحنى النصيحه المظبوطه او حيعمل اللازم لو فيه حاجه تتعمل

ممكن يدلك على بتاع دوكو لو انت طلبت منه فقط ( من الصنايعيه القدام المحترمين ) .. دلنى على واحد عمللت عنده اكصدامين فقط ( ناس محترمين .. لكن لا استطيع الحكم لانى لم ارش العربيه كامله ) .. الاكصدامات اترشت كويس و السعر وسط

**Ahmed_Gad** · 24-05-2015 02:14 AM

المشاركة الأصلية كتبت بواسطة tasaka

الاسطى منعم سمكرى .. العربيه بتدخل بميعاد و تأخذ حقها فى الشغل يعنى الصنعه هى الاساس موش الفلوس ( ممكن يشتغل فى عربيتين مثلا حسب تنظيم عمله ) .. انا اعرفه من اربعين سنه

صنايعى 10/10 .. مصنعيه موش كتيره و موش ببلاش .. لكن بيفهم و ما بيدمرش العربيه عك .. انا لو عندى عربيه زيرو .. اقدر اوديها و انا مطمئن انه حينصحنى النصيحه المظبوطه او حيعمل اللازم لو فيه حاجه تتعمل

ممكن يدلك على بتاع دوكو لو انت طلبت منه فقط ( من الصنايعيه القدام المحترمين ) .. دلنى على واحد عمللت عنده اكصدامين فقط ( ناس محترمين .. لكن لا استطيع الحكم لانى لم ارش العربيه كامله ) .. الاكصدامات اترشت كويس و السعر وسط

طيب الله يكرمك علي الافادة لو كدا هروحله يوم الاتنين واتكلم معاه واوريله العربية واشوف كلامه ايه

**tasaka** · 24-05-2015 03:04 AM

مصنعيه موش كتيره و موش ببلاش

للتوضيح اكثر .. المصنعيه ممكن تكون اعلى من الطبيعى حاجه بسيطه او السعر الطبيعى .

بس ده بالنسبه لى افضل من العك .. و مره كنت مستعجل و عملت شويه توافه عند سمكرى بالصدفه جنب الميكانيكى بتاعى .. و قعد يخبط و يرزع و برجل العربيه .. و رحت لمنعم و ظبط كل حاجه فى ثوانى

ده الفرق بين اللى فاهم صنعته و العكاكين دلوقتى .. و ممكن تطلب حاجه يفهمك غلطها و ايه الاصح لشغل الفابريكه .. و ايه اللى يضر العربيه برغم انه شئ تافه فى نظرى .. و هكذا

. برضه الافضل اتفق معاه قبل الشغل ( انا عاده لا اكلمه فى الفلوس .. يعنى يعمل الشغل و بعدين احاسبه )

**Ahmed_Gad** · 24-05-2015 01:32 PM

المشاركة الأصلية كتبت بواسطة tasaka

للتوضيح اكثر .. المصنعيه ممكن تكون اعلى من الطبيعى حاجه بسيطه او السعر الطبيعى .

بس ده بالنسبه لى افضل من العك .. و مره كنت مستعجل و عملت شويه توافه عند سمكرى بالصدفه جنب الميكانيكى بتاعى .. و قعد يخبط و يرزع و برجل العربيه .. و رحت لمنعم و ظبط كل حاجه فى ثوانى

ده الفرق بين اللى فاهم صنعته و العكاكين دلوقتى .. و ممكن تطلب حاجه يفهمك غلطها و ايه الاصح لشغل الفابريكه .. و ايه اللى يضر العربيه برغم انه شئ تافه فى نظرى .. و هكذا

. برضه الافضل اتفق معاه قبل الشغل ( انا عاده لا اكلمه فى الفلوس .. يعنى يعمل الشغل و بعدين احاسبه )

طيب الله يباركلك
لو كدا ان شاء الله هسقط عليه بكرة

**Ahmed_Gad** · 26-05-2015 03:41 PM

الحمد لله روحت للحاج منعم وفعلا هو راجل اولا ملتزم ثانيا فاهم ثالثاً خبرة وقديم رابعا ودي الاهم ذوق جدا غي مقابلته وتحس انه مش هيخذلك وان شاء الله بكرة العربية هتدخل عنده وان شاء الله هوافيكم بتقارير اول بأول بس عندي مشكلة في رفع الصور ودعواتكم بقي وبشكر جدا الأستاذ tasaka اللي عرفني علي عم منعم ونفسي ان شاء الله نعمل مقابلة للاسكندرانية عشان أتعرف عالناس الحلوة دي