للأسف يا جماعة الواحد لما بيركب عربية ألماني و ينزل منها لحاجة مختلفة بيبقي مش حاسس بالإحساس الجميل اللي في الألماني علشان كدة قررت أغير ال508 بعد 25000 كم بغض النظر إنها أحسن عربية في فئتها و الوحيدة اللي بدون مشاكل و الperformance بتاعها مرضي جداً و لكن أنا عايز أحسن ... أنا محتار بين الأودي A4 prestige 1.8 و الBMW 320i F30 2.0 و ال Mercedes C180 1.6 AMG و ال3 بنفس السعر 465000 ... أنا محتار بين ال3 لأن أي واحدة فيهم good bargain بس اللي هيجنني أكتر إن الأودي مميزة و مهما كان موديل الأودي اللي بتشوفه بتعجب بيه بس في نفس الوقت الوحيدة فيهم اللي FWD و البي ام طبعاً performance رياضي بحت لا يعلي عليه بس في نفس الوقت كلها سنتين 3 و بتحس إن شكلها قدم بدليل مثلاً اللي يشوف e90 دلوقتي هيحسها عربية عادية مش BMW و المرسيدس طبعاً أكتر brand محببة لقلبي من ساعة ما امتلكت الE63 AMG و لولا الجمارك الفظيعة ماكنتش ترددت في مرة إني أنزلها من برة ... ساعدوني أنا في حيرة شديدة و يا ريت الآراء تبقي محايدة أرجوكم لمساعدتي في الاختيار
المفضلات