الموضوع: بيجو ٣٠١ هاي لاين

متابع

المشاركة الأصلية كتبت بواسطة mkozaq

ازيكم يا شباب . من فتره حجزت لوجان هاي لاين اوتو بس قررت الغي الحجز بعد انتظار تلات شهور ورفع السعر مرتين مع المانوال و بصراحه حسيت انها قله ادب . فقررت بعد تفكير عميق اني احجز بيجو ٣٠١ هاي لاين بعد ما عرفت ان سعرها نزل موديل ٢٠١٦ و بقت ب ١٣٠ و خصوصا اني ملقتش في الفئه دي غير ستروين اختها مع عز العرب و سيات توليدو و نيسان و بصراحه مقدرش ارفع و اجيب شارك . . مع العلم اني متضامن مع استاذ اشرف واللي حصل معاه و متابع اللي بيحصل معاه .
الناس بقي اللي استلمت موديل ٢٠١٦ اخبار الكاسيت الجديد ايه بصراحه القديم اجمل واشيك . و السيلز قالي لو مش عاجبك في شاشه جي بي اس ب ٤٠٠٠ ايه مدي صحه كلامه
كمان حاجه المفتاح واحد ريموت و التاني عادي ولا الاتنين ريموت

ربنا يبارك في حضرتك و فى مساندتك و يوفقك لحسن الإختيار, بس برجاء تاخد من وقتك تراجع على اللينكات دى لإن إتضح إن مشكلة الفرامل فى البيجو 301 مش فردية و لا خاصة بيا لوحدى زى ما التوكيل حاول يظهرها و حاول يقنعنى, و إتضح إن التوكيل بيستفرد بالعملاء و بيتم التغطية على الحوادث اللى بتحصل بالعربية من قبل الكثيرين و إظهار كل حالة على إنها حالة فردية, مع العلم إن لا يمنع وجود عربيات بدون مشاكل و الحمد لله و ربنا يبارك فيهم لأصحابهم, لكن بقى من المؤكد أمام الجميع إن برضه فى عدد لا يستهان به من عربيات البيجو 301 بها مشاكل فى الفرامل, و ده فى أخر 3 شهور لما بدأنا ندور مع كل محاولات التغطية المستميتة و المنظمة من قبل التوكيل, و مش باتكلم على مشكلة التيل اللى القاصى و الدانى يعرفها, أنا باتكلم عن ناس بتشتكى من مشاكل فى منظومة الفرامل و وحدة الإيه بى إس:

مجموعة من ملاك البيجو 301 اللى إتعرضوا لحادث بسبب خلل فى وحدة الفرامل
https://www.facebook.com/permalink.p...04661146289025

http://www.nilemotors.net/Nile/466133-301.html


http://www.nilemotors.net/Nile/427077-301.html

عملت حادثة بسبب تهريب فرامل البيجو 301
http://www.nilemotors.net/Nile/3875896069-post42.html

https://www.facebook.com/photo.php?f...4455290&type=1

https://www.facebook.com/permalink.p...04661146289025

https://www.facebook.com/NileMotors/...e=1&permPage=1

























أرجو إن أصحاب المشاكل فى فرامل البيجو 301 إنهم يتضامنوا و لا يتنازلوا عن حقوقهم و يقدموا شكاوى لجهاز حماية المستهلك - و إن كان مش هايعملهم حاجه - و طلب تحويل شكوتهم للنيابة و يكتبوا مشاكلهم هنا على نايل موتورز أمام الجميع, و ده أقل شئ تقدمه دفاعاً عن الحق, مش فى الأماكن اللى بتحذف كلام أى شكوى من أحد مالكى العربية لو الشكوى خاصة بالفرامل أو الفتيس و يتم ترهيب أصحاب المشاكل, حياتنا و حياة أسرنا مش رخيصة عشان توكيل جشع عديم الأمانة كل همه يكسب كام الف زيادة على حساب حياتنا و حياة أسرنا. و زى ما التوكيل ماشى يروج لعربيته فى كل حتة و بيستعين بإمكانياته للإستفراد بينا يبقى إحنا كمان أقل شئ نظهر لكل الناس اللى لسه بعيد عن خطره و خطر جشعه حقيقته. و لسه هانشوف مصايب أكثر من العربيات البيجو طالما وراها توكيل لا يحمل أى إحترام للقانون للمصرى و لا يحمل أى إحترام لعملائه, من رفض كتابة شكاوى الفتيس و الفرامل, و مخالفة شروط الضمان اللى واخد فلوسه مقدم, و مماطلة و تسويف لأبعد مدى فى حالة اللجوء للجهات القانونية المختصة.

و دائماً هاتلاقى التوكيل بيضحك على الناس بالجملة السخيفة بتاعة "ياباشا انا مش هادفع من جيبى لو صلحتلك العربية تبع الضمان لو فيها عيب صناعة" و الناس مش عارفة إن التوكيل بيوفر موضوع عيوب الصناعة لحبايبه و للناس اللى بيخاف منها حتى لو العيوب اللى ظهرت عندهم عيوب إستخدام مش عيوب صناعة, لإن مش كل واحد بيظهر عنده قطعه فيها عيب صناعة بياخدها معاه و هوا ماشى بعد ما يدفع فلوسها, و هنا بقى القطعة المعيبوبة دى بتتشال على جنب لحبايب التوكيل, و عشان كدا بنأكد على الناس أى قطعة تتغير على حسابك - حتى لو مسمار مساعد - تاخدها معاك و إنت ماشى مش تسيبهالهم.



و أحب أفكر الجميع بإن التوكيل شال غطا الكنترول من العربية بنية بيعة لينا زى توكيل سيتروين ما بيعمل, لولا - بعد فضل ربنا عز و جل - وقوفنا جنب بعض من سنة ماضية وتقديمنا لشكاوى جماعية (بالإضافة لأمانة بعض العاملين بتوكيل بيجو, لإن مش كلهم زى بعض و ربنا عالم بكل واحد), و لغاية ماتركب الغطا, وحدة الكنترول أسلاكها بتكون مشكوفة, يعنى لو فار أو عرسه دخلت عند المحرك و قطعت السلوك الله أعلم ممكن يحصل إيه للى سايق.

ياريت الناس ماتنخدعش و تفرح بنزول سعر العربية و تنخدع فى إسم بيجو و تفرح بالإتنين إيرباجز (لإنى كنت من الناس اللى وقعت فى نفس الفخ و كان أحد أسباب إختيارى للعربية), و إنها شركة أوروبية عريقة مستحيل تقبل تقلل من جودة منتجاتها عشان تنزل السعر و تنافس المنتجات الأسيوية و إن أكيد هايكون ليها رقابة قوية على توكيلها, لإن من الواضح إن بيجو من الشركات الأوروبية اللى فقدت إحترامها لإسمها اللى كلنا وثقنا فيه و إشترينا العربية على أساسه و إئتمناها على حياتنا و حياة أسرنا.

و ياترى إيه أخر أخبار القطعة 13 و 14 اللى بيتم تركيبهم ورا الإكصدام لتقليل الاصابة فى حالة الإصطدام بحد ماشى على رجليه؟ و اللى توكيل بيجو قال القانون المصرى مش بيفرض تركيبها و بالتالى مش هايركبها, علماً بإن تصميم مقدمة البيجو 301 أحد أسباب نزولها نجمة فى إختبارات الأمان الأوروبية لإنه بيسبب إصابات جسيمة فى حالة الإصطدام بالمشاه, و طبعاً دى مش مشكلة عند كثير من الناس, مش مهم اللى برا العربية, المهم اللى جوا العربية.

فياترى بيجو فرنسا وصلت لغاية فين بخصوص إن فى حالة الإصطدام - اللى بيتم تطبيقة فى إختبارات الأمان الأوروبية على كل العربيات - تابلوه البيجو 301 بيتكسر و يطلع شظايا قويه فى وجة و رقبة الركاب الأماميين و يسبب إصابات جسيمة بسبب تصميمه و الخامات المصنع منها, و ده كان أحد أسباب سحب نجمة أخرى من العربية فى إختبارات الأمان الأوروبية.

و لما تعرف إن النسخة الأوروبية اللى فيها وسائد هوائية جانبية و نظام حفظ توازن العربية واخده 3 نجوم, تبقى عارف إن النسخة المصرية اللى هاتسقط فى إختبارات الإصطدام الجانبية و مافيهاش نظام حفظ التوازن هاتاخد نجمة واحدة فى إختبارات الأمان الأوروبية, ده لو أخدتها بنظام الفرامل اللى بيركب عندنا.

علماً بإنى لما سألت المهندسين فى التوكيل قالولى بإن البيجو 301 مافيهاش حساسات إصطدام أمامية مسؤلة عن فتح الإيرباجز (أقسم بالله ماكنت مصدقهم), و إنها ممكن تتفتح لو كبست فرامل بقوة على سرعة عالية (و الكلام ده إتقالى لما عرفوا إن فيه شباب بيحب يطلع بالعربية على سرعة عالية و يكبس فرامل عشان يثبت إن فرامل عربيته مافيش زيها وخايفين يحصلهم حاجه لو الإيرباجز فتحت فى وشهم), لإن البيجو 301 بتحسب معدل إنخفاض سرعة العربية مع قوة إستخدام الفرامل و معدل إستواء العربية, يعنى لو أكلت مطب على سرعة و إنت دايس فرامل الإيرباجز ممكن تطلع. و ده متوقع لإن ثمن الحساسات الأمامية أغلى بكتير من برنامج الكمبيوتر اللى هاينزل فى كل العربيات.





و بالمناسبة, لو حاولت تدخل على صفحة بيجو فرنسا على الفيسبوك دلوقتى هاتلاقى صفحة بيجو فرنسا بتحولك إجبارى لصفحة بيجو مصر ( وده بعد الشكاوى المتكررة من المصريين على صفحتها) يعنى من الأخر مش هاممهم اللى بيحصل لعملائهم فى مصر, معلش, أصلنا شعب من شعوب العالم الثالث اللى حياته لا تقارن بحياة الرجل الأبيض الأوروبى, السيد الذى يحكم و باقى الشعوب عبيد عنده و حياتهم لا تحمل قيمة الحصان اللى بيركب عليه:

https://www.facebook.com/Peugeot

لكن تقدر تدخل على صفحتهم بإستخدام اللينك ده:

https://www.facebook.com/Peugeot?brandloc=DISABLE

المشاركة الأصلية كتبت بواسطة volociximab

انا دخلت على الرابط من هنا السعوديه الرابطين يدخلون على بيجو الانجليزية
فهل المسألة متعلقة بالداخلين على الصفحة من مصر؟
و كيف يتم التحويل من صفحة لصفحة فى الفيس على حسب الدولة(الى اعرفه ان ده شيء فى تصميم الويب بتاع الصفحة نفسها)؟!
و لو ده حقيقي يمكن لان ال301 لا تباع فى الدول المتقدمة و بالتالى مفيش داعى يتكلم عنها فى الصفحة الرئيسية
فى رأيي عدم بيع السيارة فى غرب اوروبا مع ان تصنيعها فرنساوى و تجميعها اسبانى فيما اعلم عيب كبير جدا فى السيارة لان فى حالة العيوب محدش هيعترف لان الرقابة فى الدول النامية ضعيفة

1- بالظبط كدا, زى ماذكرت فوق متعلقة باللى بيدخلوا على صفح بيجو فرنسا من مصر, عشان مايكتبوش شكوتهم على صفحة بيجو فرنسا, و ده حصل من فترة قريبة - أقل من شهر - بعد ما بدأت شكاوى المصريين على صفحتهم تزيد بخصوص مشكلة الفرامل, من الأخر الشركة عايزه تشيل إيدها من الموضوع و تسيبنا للتوكيل و للإجراءات القانونية اللى أكيد حاضرتك عارف ممكن تاخد سنين فى المحاكم. أما بالنسبة لده بيحصل إزاى, فده بيتم بناءً على طلب و بمعرفة الشركة صاحبة الصفحة. و عشان تتغلب عليه بتستخدم الإضافة اللى فى أخر اللينك:

https://www.facebook.com/Peugeot?brandloc=DISABLE

المشاركة الأصلية كتبت بواسطة volociximab

فين النسخة الاوروبية؟
الويكبيديا بتقول انها مش بتنزل اوروبا اصلا


تباع فى تركيا و شرق اوروبا و غرب اسيا و افريقيا (الاسواق الناشئة) و لا تباع فى غرب اوروبا بما فيها فرنسا و انجلترا

اختبار التصادم واخده 3 نجوم
https://www.youtube.com/watch?v=susv_isx7ta

باعتذر عن عدم الدقة و إستخدام تعبير "النسخة الأوروبية" و اللى ممكن يوصل إنطباع إنها بتنزل أوروبا الغربية, لإنها فعلاً مابتنزلش دول أوروبا الغربية بما فيها فرنسا و إنجلترا و كان فيه لينك قام أحد الأعضاء الكرام بتوفيره على موقع ويكيبيديا بيؤكد ذلك.

أنا قصدت بالتعبير "النسخة الأوروبية" النسخة اللى بتدخل إختبارات الأمان الأوروبية (بالرغم من عدم توزيعها فى دول أوروبا الغربية), و النسخة دى بتحتوى على وسائد هوائية جانبية, و زى ما إحنا عارفين إن من ضمن إختبارات الأمان الأوروبية محاكاة الإصطدام الجانبى, و بيتم تقييم العربية أيضاً إذا ما كانت تحتوى على نظام حفظ التوازن الإليكترونى أم لا, و فى حالة عدم تواجدهم بيتم الإنتقاص من تقييم العربية للإصابات الجسيمة بالرأس نتيجة عدم وجود وسائد هوائية جانبية و لعدم قدرة العربية على الحفاظ على توازنها فى الملفات الحادة و المناورات المفاجئة لعدم وجود نظام حفظ التوازن الإليكترونى, و الوسائد الهوائية الجانبية و نظام حفظ التوازن الإليكترونى مش موجودين فى النسخة المصرية.

المشاركة الأصلية كتبت بواسطة mkozaq

عارف المشكله في ايه يا استاذ اشرف . اني فعلا مش لاقي بديل بنفس الامكانيات غير سيات وما ادراك ما السيات . انا قريت مشكلتك من اول يوم يمكن تفتكر كومنتاتي عند حضرتك و فعلا بعد ما كنت هحجز لغيت الفكره بسبب حضرتك . لكن فعلا البديل مش علي قد المستوي و من وجهه نظري المحدوده اعرف كذا واحد مرتاحين معاها فهجيب زيهم وخلاص

بالتأكيد فاكرك و باتمنالك التوفيق فى إختيارك, و بإذن الله تكون من المجموعة اللى مايظهرش معاها أى مشكلة, و ألف مبروك مقدماً و ربنا يرزقك خيرها و يكفيك شرها :)

بالنسبة لأسألتك, مفتاح واحد ريموت و مفتاح عادى --- موضوع الكاسيت الدى فى دى, لغاية موديل 2015 التوكيل مانع تركيبه و إلا العربية كاملة تخرج من الضمان لإنك بتوصل بكهربة العربية, و كاقاعدة عامة, ماتخدش كلام من أى حد إلا إذا كان رسمى و موثق من التوكيل, يعنى لو مهندس فى التوكيل قالك شفاهية ينفع, قولة عايز ورقة مختومة إن ينفع أركب الشاشة الدى فى دى, إلا إذا كانت مش هاتفرق فى إختيارك. للمرة الثانية ألف مبروك.