العربية بتسخن لما امشي بالراحة (اكسنت ار بي 2012)

**zeeka** · 25-05-2015 02:55 AM

لو سمحت انا النهاردة العربية اول مرة تسخن مني فجأة و انا ماشي و مكنتش ماشي بسرعة و لا حاجة لاني كنت بمشي في شارع جانبي جنب البيت على الضهر كدة المهم روحت و بطلتها و بالليل شغلتها و سيبتها لغاية ما تسخن خالص تبقى قبل النص و انا بصراحة مش عادتي انا في العادي بقعد دقيقة او اتنين بالكتير و بمشي لاني بمشي بالراحة في شوارع جانبية باخد حوالي 10 دقايق لما اطلع على طريق رئيسي
المهم المرة دي سيبتها تسخن لغاية العادي بتاعها قبل النص بشرطة و طلعت بيها لاحظت ان انا طول ما انا ماشي بالراحة العربية بتقعد شوية و بتجيب النص و ده مش طبيعي و لو كملت بتعلى لكن لما بمشي بسرعة نسبيا المؤشر بيبقى طبيعي اللي هو قبل النص بشرطة وجربت فعلا مشيتها على 60 و محصلش حاجة زودت لغاية 110 و محصلش حاجة بردو لكن لما مشيت هادي شوية اللي هو 20 او 10 العربية بتقعد شوية و بترفع و طبعا لو شغلت التكييف بترفع اسرع بس بصراحة مجربتش اشغل التكييف و انا ماشي بسرعة خوفت الصراحة

**zeeka** · 25-05-2015 03:08 AM

**tasaka** · 25-05-2015 06:54 AM

بصفه عامه
السخونه على سرعه بسيطه بقى تراجع على سرعه المراوح و حالتها
اما اذا السخونه بتحصل على سرعه عاليه فقط .. يبقى تراجع على الرادياتير

نظف دوره الميه و حط مياه مبرده .. جس الرادياتير فى اكثر من مكان و يجب يكون كله فيه سخونه ( لا يوجد جزء بارد ) .. و اتأكد ان مروحه التكييف بتقوم مع التكييف و سرعتها مظبوطه .. و برده اتأكد من اتجاه الهوا اللى بتضخه المراوح ( ممكن يكون معكوس ) .. و لو الميه بتنقص بيط جدا يبقى راجع على رباط الخراطيم

**crazy car** · 25-05-2015 02:34 PM

موش عارف ليه حاسس ان دى مشكلة في حساس او المؤشر بيهيس

**crazy car** · 25-05-2015 02:36 PM

وايه اللى فى الصورة ده قميص المراوحة

**zeeka** · 25-05-2015 08:26 PM

لا العداد مش بيهيس لاني لقيت فعلا مية الرادياتير فاضية تماما بس مش لاقي اي خراطيم او مواسير مفكوكة على الرغم انا مغيرها من اسبوعين بس و المفروض انها بتقعد معايا بال30 الف كيلو
السؤال هل ممكن المية تفضى يدون ما يكون فيه تسريب يعني بسبب مشكلة تانية و انا بردو هدور تاني اذا كان فيه حاحة مخرومة او مفكوكة المهم حطيت ايدي على العيب بس يارب مايكونش عمل حاجة تاني لما سخنت

**zeeka** · 25-05-2015 08:27 PM

لا اللي في الصورة ملوش علاقة بالمروحة خالص ده انا لافيته مفكوك ناحية الرادياتير من برة و مش عارف بتاع ايه

**crazy car** · 25-05-2015 08:35 PM

امم كده الامر اختلف بس حضرتك راجعت على الرادياتير لان ممكن يكون التسريب منه طالما غيرت الخراطيم والوصلات وهل لما بتنزل بتلاقي اثار المياه الخضراء تحت العربية

**john55** · 26-05-2015 01:45 AM

لازم تشوف حل للمشكله بسرعه ومتمشيش بلعربيه خالص علشان تحافظ علي الموتور العربيه ممكن تضرب وش سلندر فخلي بالك كويس وشكرا

**zeeka** · 26-05-2015 03:33 AM

انا هحاول احط مية تاني عشان اشوف التسريب منين بس سؤال ممكن يكون غبي شوية هو انا ممكن احط مية عادية بس لغرض اشوف التسريب جاي منين

الموضوع: العربية بتسخن لما امشي بالراحة (اكسنت ار بي 2012)

LinkBack

أدوات الموضوع

عرض

المواضيع المتشابهه

العربية بتسخن مع السحب عالطريق ومش بتسخن فى الزحمة

العربية عندي مؤشر الحرارة بيرفع عن النصف لما امشي مشوار واقف أو اهدي وبعدين يرجع تاني

العربية رخصتها تنهي النهاردة !! ينفع امشي بيها لغاية ما اجدد الرخص ؟؟؟

العربية بتسخن جامد لما اشغل التكييف (العربية كريستالة 98)

عايز اعرف امشي على كام كيلو العربية زيرو

الكلمات الدلالية لهذا الموضوع

المفضلات

المفضلات

ضوابط المشاركة