تجربة الv5 في السفر الي شرم الشيخ

**lestat1978** · 25-05-2015 02:35 PM

السلام عليكم ورحمة الله وبركاته
انا العربية عندي ماشية 40000 كيلومنتر وقررت اجربها فى السفر من القاهرة الي شرم الشيخ وقد وجدتها افضل مما توقعت فبالنسة للبنزين فولت قبل مطلع علي الطريق وفعلا محطيتش بنزين تاني الا لمل وصلت هناك ودخلت شرم مع العلم اني كنت مشغل التكييف طول الرحلة بسبب حرارة الجو ومتوسط السرعة كان من 120 الى 150 وكان معايا علي الطريق مازدا 3 فولت مرة زيادة علي الطريق خلال نفس الرحلة

وقد وجدتها افضل مما توقعت فى السفر فوسعها خلاني احط اربع اطفال سن 10 سنوات فى الكنبة الخلفية وبيلعبو من غير شكوي ان المكان ضيق والشنطة الخلفية شايلة كل الشنط ومساحتها كويسة وبالنسبة لنظام العزل خلاك مش حاسس باي اصوات خارج السيارة وبالنسبة للثبات علي الطريق وفى الملفات الصعبة بتاعة طريق شرم كانت السرعة من 90 الي 100 بدون احساس بملف فيه خطورة

وكررت نفس رحلة العودة خلال اربعة ايام من الوصول وبنفس الظروف التفويل مرة واحدة فى الرجوع بس فولت تاني قبل دخلت القاهرة علي طول
الحاجة الوحيدة الي كانت معكننة علي فى الموضوع ان وصلت ال aux الصراحة سيئة وبتطرد اي وصلة تتحط فيها فبتخلي الصوت زبالة عشان الوصلة مش راكبة صح لو حد عنده نصيحة يا ريت للموضوع ده اعمل فيه ايه

الخلاصة التجربة كانت مفيدة والعربية اثبتت كفاءة فى مشوار طويل زي ده ونصيحتي متسمعوش كلام من حد يعيبلك فى العربية قبل متجرب بنفسك اسف انى طولت ولكن حبيت افيدكم وياريت الموضوع لو يتثبت للافادة وتحت امركم وشكرا

**failasouf** · 08-08-2015 02:19 AM

ممكن نعرف منك استهلاك البنزين قد ايه من غير تكييف وايضا بالتكييف
لانى سمعت ان التكييف بتعها قوى وبيحرق بنزين كتير

وياريت كمان لو عندك فكرة عن اسعار قطع الغيار