الموضوع: اقتراحات لشراء سيارة suv في حدود 200 الف او اكثر

فورد الجديده

المشاركة الأصلية كتبت بواسطة abokoko

فورد الجديده

المشاركة الأصلية كتبت بواسطة ENG.MaRk

لو حضرتك تقصد الكوجا فهي خارج الميزانية بفرق 55000 لأول فئة

اعتقد انك وصلت ل200 فممكن تزود ل250
لو مش هتفكر فى اعادة البيع
العربيه مواصفتها وشكلها تحفة
وجايز لو روحت معرض هتلاقي نفسك حاجزها
ووقتها ابقي احكى لنا عليها

https://www.facebook.com/FordEgyptOf...type=1&theater

منقول من نفس الرابط

=============

إعجاب · منذ 4 ساعات · تم تعديله

Mouhyee Eldin Rashad
بعض المميزات والعيوب البسيطة الغير مذكورة فى البروشور من تجربتى البسيطة بعد الشراء وتتمثل فى النقط : الزجاج والمرايات
1- زجاج خلفى وجانبى فاميه من اول الفئة الثانية
2- وحدات رفع بجميع الابواب تعمل بالضغط 5 ثوانى على زر اللوك فى الريموت
3- الفتح والغلق بلمسه واحدة اوتوماتيك لزجاج الاربع ابواب
4- نظام غلق مانع للاطفال
5- ارتداد الزجاج عند غلقه على يد طفل لوضع الفتح للامان
6- مرايات ضم بها اشارات جانبية مضيئة واخرى سفلية لاظهار الارض تحت الباب الامامى عند فتح السيارة
7- جزء من المرايات الجانبية محدب لاظهار النقط العمياء
8- منع تكون شبورة على المرايات بالتسخين
9- مساحات رؤية فى نظرى متوسطة السعة لصغر حجم المرايات وصغر حجم زجاج الابواب

الموتور واستهلاك البنزين والسحب والفتيس
1- الموتور ايكو بوست 1500 سى سى وقوى بقوة سحب فى التخطى فوق الممتازة
2- عدم ارتفاع الار بى ام اعلى من 3 حتى على السرعات العالية فى حالة القيادة المستمرة يختلف وسط المدينة والكيك داون اللى اصلا مش زى العربيات الاخرى
3- تعمل ببنزين 92 وتم تجربة اوكتان بوستر عمل على تقليل كفاءة السحب نسبيا فيفضل عدم اضافته
4- العربية جر امامى وتعمل جر رباعى فى وجود رمل او طريق ترابى او زلق اوتوماتيك واحيانا تظهر كدفع خلفى فى المطالع والمطبات لتزويد العزم
5- الثبات ممتاز وامكانية التخطى فوق ال100 كيلومتر بكفاءة بدون الشعور باى خطورة ااو صعوبة كأن العربية على سرعه اقل
6- تم التجربة على سرعه لا تتعدى ال 150 كم/س والفتيس على الغيار الرابع و3,2 ار بى ام وهى 6 سرعات اصلا يعنى لسه فيه وده بيظهر لما تحول للمانيوال بالزرار فى الفتيس شيفت اب بيظهر انه كان على الرابع
7- النقل مابين الغيارات مش بياخد وقت ومش بتحس بيه بشكل واضح وسريع نسبيا
8- خاصية توقف المحرك عند الضغط على الفرامل والتوقف بعد وضع حركة فى الاشارات والزحمة ويعمل تلقائى عند رفع القدم من على الفرامل فى لحظة بدون ما تحس وبدون تاخير ولو مش مريحك عايز تتخطى بسرعه من وضع الثبات فى مكان ضيق لانه بيكلبش الدركسيون كان العربية واقفة ممكن يغلق لكن يعمل ثانية عند اعادة تشغيل السيارة
9- صوت الموتور ملحوظ فى بداية التشغيل نوعا بيختفى بعد دقيقة او اقل
10- عزل العربية ممتاز بجوانين تقريبا يمنع الاتربة والصوت بشكل كويس وصوت العجل والموتور
11- استهلاك البنزين ممتاز فى حالة المسافات الطويلة بدون توقف يزداد مع الحرق او الكيك داون ووسط المدينة ولكنه ايضا مقبول
12- تانك البنزين مالهوش قفل ولا غطاء مجرد بلف وله بوابه قبله وده مش مريحنى شوية حاسس انه غريب جدا
الجسم والتقفيل والعزل والتابلوه والاجزاء البلاستيك
1- الجسم قوى ومحترم جدا عضمها ناشف
2- الروف ريل
3- الابواب ممتازة ولكن يحذر فتحها بجوار الرصيف ممكن تحك بالرغم من ارتفاع العربية ولكن الباب مباشرة هو حد العربية من تحت نفيش تحته اطار او عتب ويفضل الاحتياط عند الفتح بجوار رصيف على ميغركش ارتفاع العربية عن الارض
4- الاوكر الداخلية ومقبض الباب طرية شوية فاعتقد مش عايزة معاملة عنيفة
5- التابلوة جميل وفتحات التكييف ممتازة وتوزيعها للهواء هادئ مش مزعج فى اتجاهين كانهم فتحتين العادى ولاسفل وده جديد
6- الاطار الفضى على الابواب والاطار الاسود عند الرووف ريل او رووف راك مش عاجبنى تثبيتهم حاس انهم فاكين شوية
7- الشنطة واسعه وجميله جدا وبها اضاءة يعيبها عدم وجود اماكن للتخزين تحت الغطاء ويوجد فقط كومبريسور ومادة لصق الثقوب ملحقة به ولا يوجد استبن !!!! كارثى شوية لكن ممكن تشترية والمكان على مقاسه بيعمل فوق الالفين الى 2500 تثريبا لو نفس الجنط
8- بلاستيك الاكصدام الامامى وهيكله شكلة جميل لكن حاسس انه مش قوى برضه بيتهز لو دوست عليه فيه مرونه زيادة شوية
9- المقاعد قلبلة للطى و مريحة وواسعه سواء الامامية او الخلفية ومينفعش تركب عليها جلد علشان اليرباج اللى فى كتف المقاعد الامامية وكذلك سجاد جلد لانك هتفك الكراسى وممكن تبوظ او تعطل وصلة الايرباج و ممكن تفصل حوالية افضل
10- احزمة الامان مريحة جدا وسلسة جدا جدا فى شدها
اعتقد دى معظم الحاجات اللى التوكيل مش بيعرضها للعميل اوى الا لو سألته والباقى طبعاً موجود فى البروشور بالكامل
إعجاب · رد · 26 · منذ 21 ساعة · تم تعديله
عرض 6 من الردود الإضافية

FordEgypt-OfficialPage السيارة يوجد بها جهاز ضبط العجل داخلة مادة تعالج سبب اختلال الكاوتش - Repair Kit - يمكنك استعمالة حتى تكون على مقربة من أقرب محطة بنزين للمساعدة ...
إعجاب · منذ 2 ساعتين