استطلاع

**د.اسماعيل النجار** · 28-05-2015 06:23 PM

احبائى واصدقائى اعضاء نايل موتورز المحترمين
من فترة كبيرة لم اكتب فى منتدانا العظيم ولكنى متابع جيد له ومستفيد من اراء وخبرات الاعضاء الصائبة وايضا على اتصال وتواصل مع رئيس منتدانا المحترم
والان احتجت الى مساعدتكم بالراى فانا بصدد شراء سيارة او بمعنى اخر هاعلى على العبية اللى معايا ومما سمعت من مدح فى السيارات الالمانية ومن منطلق ان عشقت اعشق قمر فقد حصرت اختياراتى فى القمرين مرسيدس و bmw وعندى تساؤلات اود معرفة الردود عليها
1-مرسيدس ولا بى ام
2-وقع اختيارى على بعض السيارات وسوف اطرحها فى صورة استطلاع
3 اود معرفة سبب اخيار سيارة بعينها واسباب استبعاد الاخرى 4هناك بعض الموديلات تبدو رخيصة الثمن مثل بى ام الفئة السابعة واخرى ماسكة سعرها مثل الفئة سى و اى من مرسيدس
4-احتياجاتى من السيارة الجودة والبيستيج والاداء والراحة والرفاهية5- انا فى الفئة العمرية فوق 50 سنة
6-يهمنى النعومة والراحة والاداء وتحمل مطبات الطرق السيئة والارتفاع عن الارض وتوافر قطع الغيار والصيانة
7-لايهمنى نوع البنزين ولا استهلاكه حيث ان تحركاتى محدودة وارجو ان يقوم رجال نايل موتورز كالعهد بهم فى المساعدة والشرح والتحليل للوصول الى اختيار موفق ولكم خالص حبى وتقديرى
ايهم تختار
1- 320 عاملة 16000 كم موديل 2013 ب 365 الف جنيه
2- بى ام 328 عامله 19000 كم موديل 2013 ب 375 الف
3-بى ام 523 2011 87000 كم ب 350
4- بى ام 525 17000 كم 2010 ب 380 الف
5-بى ام 740 70000 كم 2008 ب 375 الف
6-x3 بى ام عامله 36000 كم 2010 ب 330 الف
7- مرسيدس سى 180 22000 كم 2012 ب380 الف
8- سى 250 81000 كم 2012 ب 35000 الف
9- اى 200 120000 2010 380 الف
10- جى ال كاى 67000 كم 2011 ب 375
وكما هو ملحوظ فان رينج السعر من 330 الف الى 380 الف
كل السيارات اعلى موديل فى فئتها
الحالات كلها نظيفة
والان الى الردود الوافية المستفيضة

**د.اسماعيل النجار** · 28-05-2015 07:07 PM

فين المشاركات يارجاله انا قاعد حاطط ايدى على خدى فى انتظار التكرم بالمشاركة

**ENG.MaRk** · 28-05-2015 07:35 PM

الفئة السابعة بي ام طبعا لأنها أقوي موتور و أكثر عربية فيهم فيها كماليات و أكتر واحدة فيهم مناسبة لسن حضرتك يا فندم لأن الفئة التالتة شايفها شبابي شوية و الخامسة مادام بسعر السابعة يبقي تجيب السابعة أحسن :)
ديه وجهة نظري المتواضعة أما بالنسبة للمرسيدس ف هي بالنسبالي مادام دخلت في الموضوع يبقي هي الاختيار اللي مش بأقدر أشوف غيره بس برضه ماينفعش نقارن C class بالفئة السابعة
السر في انخفاض سعر الفئة السابعة مقارنة بما تم ذكره في المشاركة هي إن قطع غيارها غالية و كمان أقل واحدة فيهم انتشاراً
لو أنا مكان حضرتك هأجيب الفئة السابعة لأن سني متقارب من سن حضرتك و مش بأجري كتير و محتاج حاجة تريحني ... ربنا يوفقك لما فيه الخير يا فندم و إن شاء الله نبارك لحضرتك قريب

**ali ashraf** · 28-05-2015 08:29 PM

متابع ....ربنا يوفقك

**د.اسماعيل النجار** · 28-05-2015 08:51 PM

اشكرك شكرا جزيلا مهندس مارك على الرد المختصر المفيد وانا متابع مشاركات حضرتك وخاصة المشاركة الاخيرة بخصوص تغييرك من بيجو 508 2015 الى مرسيدس او بى ام وحسيت منها انك تفضل تركب عربية فخمة تعجبك بغض النظر عن السعر ومصاريف الصيانة والضريبة السنوية ولكن هذه العوامل اضعها محل اعتبار
وبناء عليه مع اتفاقى الكامل مع حضرتك ان الفئة السابعه سيارة مدججة بكل عوامل الراحة والرفاهية والتكنولوجيا الا ان العوامل السابقة بالاضافة كما قلت الى قلة انتشارها يجعلنى مترددا بعض الشىء فلو تكرمت بمواصلة الحوار للوصول الى اختيار يرضى جمبع الاطراف خاصة وان الاستعمال ليس شخصى بحت ولكن اسرى ايضا بالاضافة الى عدم توضيح رايك بشكل قاطع مرسيدس ام بى ام وتقبل شكرى وتقديرى لشخصكم الكريم

**ENG.MaRk** · 28-05-2015 09:24 PM

المشاركة الأصلية كتبت بواسطة د.اسماعيل النجار

اشكرك شكرا جزيلا مهندس مارك على الرد المختصر المفيد وانا متابع مشاركات حضرتك وخاصة المشاركة الاخيرة بخصوص تغييرك من بيجو 508 2015 الى مرسيدس او بى ام وحسيت منها انك تفضل تركب عربية فخمة تعجبك بغض النظر عن السعر ومصاريف الصيانة والضريبة السنوية ولكن هذه العوامل اضعها محل اعتبار
وبناء عليه مع اتفاقى الكامل مع حضرتك ان الفئة السابعه سيارة مدججة بكل عوامل الراحة والرفاهية والتكنولوجيا الا ان العوامل السابقة بالاضافة كما قلت الى قلة انتشارها يجعلنى مترددا بعض الشىء فلو تكرمت بمواصلة الحوار للوصول الى اختيار يرضى جمبع الاطراف خاصة وان الاستعمال ليس شخصى بحت ولكن اسرى ايضا بالاضافة الى عدم توضيح رايك بشكل قاطع مرسيدس ام بى ام وتقبل شكرى وتقديرى لشخصكم الكريم

أولاً ده شرف كبير لي يا دكتور إني أقدم مساعدة لحضرتك و أنا تحت أمرك في أي وقت
ثانياً المثل بيقول "خير الأمور هو الوسط" ف مادامت العربية أسرية مش شخصية يبقي الفئة الخامسة أفضل خيار و ده لأن فيها الكثير من مميزات الفئة السابعة بالإضافة إلي الإحساس الرياضي و إن كنت أفضل ال525i بدلاً من ال523i لقوة الموتور
ثالثاً الفئة الخامسة منتشرة و ديه نقطة تحتسبلها عن السابعة
رابعاً القول الفاصل في Mercedes و BMW هو Mercedes طبعاً لكن لكل فئة corresponding من الBMW يعني لو C class تتقارن ب 3-series و الE class تتقارن بال 5-series و هكذا لأن حضرتك ماينفعش تقارن فئة بفئة أعلي لأن النتيجة بتكون محسومة من قبل
لو كانت المقارنة بين الC class و ال3-series فقط كنت اخترت Mercedes طبعاً و عموماً يا فندم كلها عربيات ممتازة و أي واحدة فيهم هتبقي صفقة رابحة و في نقطة لازم حضرتك تبقي واخد بالك منها و هي إن أسعار قطع غيار الألماني كله غالية بس الموضوع نسبي ... ربنا يوفقك لما فيه الخير إن شاء الله و نبارك لحضرتك قريب :) ... تحياتي

**د.اسماعيل النجار** · 28-05-2015 11:01 PM

الله عليك ياباشمهندس اوجزت فانجزت وابنت فبينت وشرحت فوضحت
هو دا الرد المتوقع من واحد بخبرتك وحكم امتلاكك لكلا السيارتين وكل كلمة قولتها انا معاك فيها ومقتنع بيها جدا
اكرر شكرى وتقديرى لكم على سرعة الردوالتوضيح والامانة فى النصيحة
وفى انتظار اراء اخرى لاعضاء اخرين حتى تكتمل الصورة
تحياتى للجميع