اسعار التوكيللنيسان اصلاح وقطع غيار مبالغ فيها قوى

**ppiitt** · 29-05-2015 10:34 PM

الاسعار لقطع الغيار والاصلاح بالتوكيل مبالغ فيها جدا جدا يعنى انا لسه مطلع على اسعار المصنعيات للسياره n 16 نيسان صنى الشكل القديم على الموقع هنا بالنسبه للمصنعيات يعنى معقوله كشف ميكانيكا عام ١٨٠ جنيه كهرباء عام ١٨٠ جنيه تغير فلتر هواء ٢٤ جنيه معقوله مصنعيه تغير فلتر هواء بالثمن ده ناهيك عن باقى الاسعار وكمان انا سالت على تيل الفرامل الامامى لقيته داخل فى ال٥٠٠ جنيه مش فاكر او اكثر
يعنى والله انا عاوز اقول للتوكيلات ليه ماتخلوا اسعاركم معقوله يعنى فى المعقول شويه سواء بالنسبه لقطع الغيار اوالمصنعيه وشوفوا الاقبال هيبقي عامل ازاى عندكم فى ناس كثير قوى عاوزه تيجى التوكيل لكن بسبب اسعاركم وقطع الغيار كله بيروح يصلح بره صحيح مش بنفس الخبره بتاعتكم بس الخبره ماتكونش بالاسعار دى كلها
واخيرا والله مش عشان حاجه المصنع بتاعنيسان شغال فى مصر يعنى حافظوا على انتاجه وبيعه انما مش نخلى الناس تحجم عنكم وعن شراء العربيه كمان
واخيرا ارجو ان تتقبلوا كلامى هذا بصدررحب والله عشان بلدنا دايما تبقي فى الامام

**ppiitt** · 29-05-2015 11:27 PM

وعلى فكره الاسعار دى بتاعه الصيانه انا قراءتها عندكم فى الموقع هنا تحت عنوان اسعار مصنعيات التوكيلات لسنه ٢٠١٥ وليس نقلا عنى انا انما الفرامل دى انا بنفسي اللى سالت عليها وخدت بعضى ومشيت وجبت تيل جولد كورى امامى بمائه جنيه واهو شغال ممتاز ومفيش اى شكوى اطلاقا منه معايا كذا شهر

**Abo_Mazen** · 30-05-2015 09:54 AM

وحتى حتة الخبره اللي حضرتك بتقول عليها واللي بتخلي الناس تروحلهم ..حتى الحته دي بيضيعوها بحكاية إنهم يصلحوا حاجه ويتلفوا حاجه تانيه ..يعني زيهم زي أي ميكانيكي بره