الموضوع: محتاج راي المختصين واللى راكبين هيونداي اكسل 98

المشاركة الأصلية كتبت بواسطة bosssamasemo

بسم الله الرحمن الرحيم
معاكم اخوكم هيثم محمود
بصوا يا شباب انا ان شاء الله ناوي اشترى هيونداي اكسل 98 1300cc بس دي اول عربيه ليا هركبها انا اول علامى كان على فرنا 2012 ومازلت بروح واجي بيها بس انا محتار شويتين لان صاحب الفيرنا بيقولى متشتريش مستعمل لانه هيتعبك وانا بصراحه ممعاييش اجيب المستعمل علشان اشترى جديد بس قلت لازم اسال حضراتكم لان انا عارف انكم هتدلونى على الراي الصح لان انا ربنا يعلم انا هجيب فلوسها منين وعجبتنى قوي الاكسل كانت مع واحد صاحبي مستعمله وربنا كرمه وجاب فرنا حاليا وشكرلى فيها كتير بس انا متخوف ايضا لانى مش عايز ادخل فى شجره واضحك الناس عليا المهم كنت عايز اعرف عنها بعض الحاجات زى:-
1- اسعار قطع الغيار ومدي انتشارها
2- العربيه ايه ظروفها لو حالتها حلوة يعنى مريحه زيها زي الفيرنا ولا محتاجه صحه زي اللادا وال128
3- العربيه دي لو حالتها حلوه ومفيهاش غلطه تعمل فلوس قد ايه ويبقى قد ايه اخرها علشان ميدحكش عليا فى الشراء
4- عمرتها تكلف كام علشان لو لاقدر الله حصل فيها حاجه
5- هل هي موفرة فعلا للبنزين ولا لا
وياريت يا شباب لو اللى يعلق يكون مختص او ركب العربية دي يعني فاهم فعلا لان الموضوع ده عامل زي البطيخه وانا ان شاء الله هاخد منكم الخلاصه وعلى اساسه هقرر
ومعلش اخر حاجه ايه الفرق بين الهاتشباك والسيدان وايهم احسن ولماذا
وشكرا لكل اللى هيشارك واحترامي للجميع وتقبولوا مروري

كانت معى من الزيرو 1500 موديل 95 .. و استمرت معى 14 سنه و ندمت انى بعتها

1- قطع غيار ببلاش .. و انواع و اسعار متعدده .. يعنى زى ما انت عايز .. و كلهم بيشتغلوا كويس

2- عربيه اكثر من رائعه ( بس انا كان معى ال 1500 .. و انصحك ب ال 1500 علشان الباور و الفرق حيكون ممكن 3000 جنيه.. و الموديل 95 المصرى ممتازه )

3- البنزين .. على الطوالى لل 1500 بتعمل 315 كم فى الصفيحه سرعه ثابته من 90 الى 100
وسط البلد بدون تكييف ممكن 170 او 180 او 190

المشاركة الأصلية كتبت بواسطة tasaka

كانت معى من الزيرو 1500 موديل 95 .. و استمرت معى 14 سنه و ندمت انى بعتها

1- قطع غيار ببلاش .. و انواع و اسعار متعدده .. يعنى زى ما انت عايز .. و كلهم بيشتغلوا كويس

2- عربيه اكثر من رائعه ( بس انا كان معى ال 1500 .. و انصحك ب ال 1500 علشان الباور و الفرق حيكون ممكن 3000 جنيه.. و الموديل 95 المصرى ممتازه )

3- البنزين .. على الطوالى لل 1500 بتعمل 315 كم فى الصفيحه سرعه ثابته من 90 الى 100
وسط البلد بدون تكييف ممكن 170 او 180 او 190

شكرا لاهتمامك يعني لو عربيه اساسيات سليمة ونظيفة 1500 موديل 95 تعمل مبلغ قد ايه وانا النهارده قرات فى احد المنتديات ان ممكن يحصل شروخ فى العربيه بالنسبه للشاسيه فهل ده بياثر على العربيه ولا ايه النظام وهل فعلا الخوص اللى بتتعمل من تحت العربية اللى بتمسك الشمال باليمين ده بيحل موضوع الشروخ دي ولا ايه لان العربية هتقعد معايا فتره جامده عقبال اما اغير واجيب حاجه احدث فهل مع طول الزمن هتتاثر واعذرنى انا مش ملم بالسيارات من ناحيه الميكانيكا والعفشه والشاسيه والحاجات الكتير دي وشكرا لمرورك الكريم

المشاركة الأصلية كتبت بواسطة bosssamasemo

شكرا لاهتمامك يعني لو عربيه اساسيات سليمة ونظيفة 1500 موديل 95 تعمل مبلغ قد ايه وانا النهارده قرات فى احد المنتديات ان ممكن يحصل شروخ فى العربيه بالنسبه للشاسيه فهل ده بياثر على العربيه ولا ايه النظام وهل فعلا الخوص اللى بتتعمل من تحت العربية اللى بتمسك الشمال باليمين ده بيحل موضوع الشروخ دي ولا ايه لان العربية هتقعد معايا فتره جامده عقبال اما اغير واجيب حاجه احدث فهل مع طول الزمن هتتاثر واعذرنى انا مش ملم بالسيارات من ناحيه الميكانيكا والعفشه والشاسيه والحاجات الكتير دي وشكرا لمرورك الكريم

انا كنت كتبت فى المنتدى هنا انه بيحصل شرخ فى الركبه اليمين .. و كل الناس بتعتبره طبيعى ..

بس انا بعت عربيتى و ما كانش فيها الشرخ ده .. و اعتقد انه بسبب الكاوتش المصرى السيئ اللى كانت نازله بيه .. انا غيرت الكاوتش على طول من الزيرو و العربيه فرقت كتير جدا فى الاتزان و المطبات .. و طبعا اكيد هو ده اللى خلى الشرخ ما يحصلشى عندى .. بعت العربيه عامله 185 الف كيلو

لم افعل اى شيئ من اللى بتقول عليه ( الخوص و العك ده ) ..

انصحك ب 1500 بدلا من 1300 علشان الباور .. اما لو كانت ال 1300 فيها بور كامل ..يبقى براحتك

اقوى موديل هو ال 95 المصرى لان ده كان اول انتاج المصرى برقابه كورى .. و انت عارف ان احنا كل سنه بعد كده فيه حد حا يعك فى العربيه علشان يوفر

المشاركة الأصلية كتبت بواسطة tasaka

انا كنت كتبت فى المنتدى هنا انه بيحصل شرخ فى الركبه اليمين .. و كل الناس بتعتبره طبيعى ..

بس انا بعت عربيتى و ما كانش فيها الشرخ ده .. و اعتقد انه بسبب الكاوتش المصرى السيئ اللى كانت نازله بيه .. انا غيرت الكاوتش على طول من الزيرو و العربيه فرقت كتير جدا فى الاتزان و المطبات .. و طبعا اكيد هو ده اللى خلى الشرخ ما يحصلشى عندى .. بعت العربيه عامله 185 الف كيلو

لم افعل اى شيئ من اللى بتقول عليه ( الخوص و العك ده ) ..

انصحك ب 1500 بدلا من 1300 علشان الباور .. اما لو كانت ال 1300 فيها بور كامل ..يبقى براحتك

اقوى موديل هو ال 95 المصرى لان ده كان اول انتاج المصرى برقابه كورى .. و انت عارف ان احنا كل سنه بعد كده فيه حد حا يعك فى العربيه علشان يوفر

بصراحه انا مش عارف اشكر حضرتك ازاي انا ارتحت لشكل العربيه كتير وكلامى مع حضرتك وتعليقاتك المحفزه خلتنى فعلا ان شاء الله هشتريها وهيبقى كلامك ده دافع ليا لان فعلا الواحد لازم ياخد المعلومة من حد جرب مش حد عنده معلومة وخلاص وانا شاكر لحضرتك كتير ويارب الاقى حاجه نظيفة مفيهاش شروخ ولا حاجه تزعلنى منها لان بصراحه انا بفضلها عن انواع تانيه كتير كنت ناوي اجيب سكودا فليشيا بس خوفت من حوار السخونية وفيومين الحر اللى فاتوا دول لاقيت اتنين من السكودا واقفه على الطريق وفاتحه الكبوت وفنفس اليوم لاقيت الاكسل على الطريق بكميات كتيره وماشيه اسد على الطريق بس كنت عايز اعرف لو حضرتك عندك خلفيه عن سعر السيارة دلوقتى بقى كام لو سليمه وده هيبقى كرم من حضرتك لان انا بشوف ارقام مهوله على مواقع بيع السيارات ومش عارف السعر هيبقى كام او ميزدش عن كام ويبقى انضحك عليا وشكرا لمرورك مرة ثاني

المشاركة الأصلية كتبت بواسطة bosssamasemo

بصراحه انا مش عارف اشكر حضرتك ازاي انا ارتحت لشكل العربيه كتير وكلامى مع حضرتك وتعليقاتك المحفزه خلتنى فعلا ان شاء الله هشتريها وهيبقى كلامك ده دافع ليا لان فعلا الواحد لازم ياخد المعلومة من حد جرب مش حد عنده معلومة وخلاص وانا شاكر لحضرتك كتير ويارب الاقى حاجه نظيفة مفيهاش شروخ ولا حاجه تزعلنى منها لان بصراحه انا بفضلها عن انواع تانيه كتير كنت ناوي اجيب سكودا فليشيا بس خوفت من حوار السخونية وفيومين الحر اللى فاتوا دول لاقيت اتنين من السكودا واقفه على الطريق وفاتحه الكبوت وفنفس اليوم لاقيت الاكسل على الطريق بكميات كتيره وماشيه اسد على الطريق بس كنت عايز اعرف لو حضرتك عندك خلفيه عن سعر السيارة دلوقتى بقى كام لو سليمه وده هيبقى كرم من حضرتك لان انا بشوف ارقام مهوله على مواقع بيع السيارات ومش عارف السعر هيبقى كام او ميزدش عن كام ويبقى انضحك عليا وشكرا لمرورك مرة ثاني

ان لا اعتبر هذا الشرخ طبيعى .. برغم ان الناس من كتر ما شافته اعتبروه طبيعى

السبب حسب ظنى الكاوتش .. او انهم فى الموديلات بعد 95 عملوا حاجه غلط فى التجميع .. ادى لهذا الشرخ

افضل موديل 95 المصرى 1500 .. السعر فى حدود من 27 الى 30 الف يقل او يزيد قليلا حسب حاله السياره

انا لم ادرس السعر طبعا لانى لن اشتريها و لكن دى معلوماتى و توقعاتى

والله انت احسن واحد اتكلمت معاه فى شان هذه السيارة احساس جميل اما تكلم واحد فاهم والله بجد انا متشكر ليك خالص وكلامك ده تاج فوق دماغى

المشاركة الأصلية كتبت بواسطة bosssamasemo

والله انت احسن واحد اتكلمت معاه فى شان هذه السيارة احساس جميل اما تكلم واحد فاهم والله بجد انا متشكر ليك خالص وكلامك ده تاج فوق دماغى

بالتوفيق

و ده رد لى فى المنتدى عن تجربتى الشخصيه مع العربيه دى

المشاركة الأصلية كتبت بواسطة tasaka

اكسل من غير ما تفكر بشرط الحاله ( بص على الركبه الاماميه للمساعد يمين داخل الحوض .. ممكن يكون فيه عيب .. لسوء الاستعمال ) .. و ال95 و 96 ممتازه

اشترى ال 1500 الكامله او عايز ارخص و اقل فى الكماليات يبقى هونداى هاتشباك او البرايد

السبب للاختيار : كانت معى من الزيرو و قعدت معى 14 سنه موديل 95 اول نسخه مصرى .. على كبالنها الاصليه حتى وقت البيع على 180 الف كم ( انا موش بأهدى فى المطبات الا لو كان جامد جدا ) .. بدون اى اعطال نهائى لمده 100 الف .. بعدها اعطال خفيفه فى الكهرباء فقط .. و لم اغير فيها اى شيى رئيسى للكهرباء ( دنامو او مارش ) حتى بعتها عامله 180 الف .. المكيف استعمال مستمر يومى و سليم حتى وقت البيع .. نفس الشيى للبور ( لم ينقص 1 سم نهائيا ) و غيرت زيت الباور بعد 7 سنوات بدون سبب فقط قلت كفايه كده

تغيير البطاريه بعد 7 سنين ( لسه كانت بتدورنى ) ..

تغيير البوجيهات بعد 4 او 5 سنين ( كل ما اقول للميكانيكى غير .. يكشف و يقول لى لسه كويسين ) .. و بعدين غيرتهم زهق و هم لسه شغالين كويس .. استعملت بوجيهات 4 شمعه

تغيير المساعدين بعد 5 سنين و فى التوكيل قال لى كويسين .. قلت له غير .. قال لى خد القدام معاك لسه شغالين كويس .. و اخذتهم

لم اعطل بها مره واحده فى الشارع طوال ال 14 سنه

فى السفر 315 كم \ للصفيحه .. بنزين 80 سيجعل السياره تسك ( انا كنت باستعمل 90 )

الشيئ الوحيد الذى انصح به هو تغيير الكاونش ان كان مصرى بكاوتش عريض .. جبت مشلان 185\60 او 65 موش فاكر .. العربيه بتبقى حاجه تانيه خالص فى المطبات و فى الثبات ( اول ما اشتريتها كنت سابيعها بسبب عدم العربيه كانت بتعوم .. و بعدين لما غيرت الكاوتش عرفت ان العيب كان من الكاوتش المصرى و ليس السياره ) .. و اعتقد و الله اعلم ان سبب شرخ ركبه المساعد عند بعض الناس هو الكاوتش المصرى .. انا بعتها سليمه )

كانت اصيله و بعتها و انا حزين عليها كأنى فقدت عزيز .. و لكن كان معى عربيتين غيرها و كنت مرضت و لا استطيع قياده الفتيس المانوال

اخترت راجل محترم ( لانى كنت عايز ابيعها لواحد يستاهلها ) و ريحته فى السعر علشان يأخذها مستريح

تحياتى

بص يا اخ هيثم انا هقولك تجربتى معاها
انا كان معايا موديل 95 كورى 1500 اشتريتها مستعملة وهقولك ميزاتها وعيوبها وانت تقرر
نبدأ بالمزايا :
1 - السيارة ناعمة وواسعة وشكلها مقبول واقرب للسيارات الحديثة وتقبل الترويش
2 - قطع الغيار ومتوفرة ورخيصة واى ميكانيكى يفهم فيها وانا عملتلها عمرة كاملة كلفتنى تقريبا 2000 جنيه
3 - طبعا لو جبت هات ال 1500 طبعا السيدان علشان شكلها افضل من الهاتش باك وكاربراتير وباور وهاتها فول اوبشن 4 ازاز كهربا وفاتحة شنطة وتانك وrpm والنضيفة بالمواصفات دى مش هتعدى 35 الف جنية وطبعا مش هتلاقى عربية بالمواصفات دى وبالسعر ده ويكون قطع غيارها رخيصة ولو عايز عربية نفس السعر والكماليات دى بس قطع غيارها غالية ممكن ادلك
4 - استهلاكها للبنزين معقول يعنى ممكن تعمل 200 كيلو للصفيحة بدون تكييف داخل البلد وده ممتاز بالنسبة لعمر العربية
5 - بأمانة ربنا العربية دى بالنسبة لى انضف من الفيرنا من ناحية الراحة فى الركوبة بس الفيرنا موتورها جبار


نيجى للعيوب :
1- العربية خفيفة جدا ومتزودش عن ال100 كم علشان تبقى فى الامان
2 - عفشة العربية سيئة بكل المعانى والعربية واطية ودايما كان بيحصل شروخ فى الركب وبترجع بعد اللحام
3 - العربية قعدت معايا حوالى 3 سنين غيرت كبالن حوالى 5 مرات ومعظم الكبالن الموجودة ليها فى السوق مضروبة والحل الوحيد ليها كان الكبالن اليابانى ودى مش موجودة وعلى فكرة مشكلة الكبالن دى مشهورة جدا فى الاكسيل
لدرجة ان فى واحد بتاع قطع غيار قالى هى الاكسيل كده والعيب ده اتعدل فى الاكسنت

دى العيوب والميزات واتمنى ما اكونش طولت عليك بس نصيحة لو تقدر تكمل وتجيب اكسنت 99 هيبقى افضل