عربية ب 350 الف

**د.اسماعيل النجار** · 30-05-2015 04:16 PM

فى رايكم ايه افضل عربية فى رينج 350 الف جنيه جديده او مستعمله كسر زيرو واى بلد منشا بس تكون مناسبه لمصر بكل ظروفهاوارجو ان تفيدونى لانى محتار بجد ومش عارف استقر على حاجة
شكرا مقدما

تم تعديل لون الكتابة لراحة القراءة
م ع 7

**ENG.MaRk** · 30-05-2015 04:44 PM

أودي Q3 يا دكتور أو Mercedes GLA200 :) و بالتوفيق إن شاء الله لكن عندي فضول أعرف ليه حضرتك صرفت نظر عن ال5-series أعتقد كانت متصدرة المقارنة بعد ال7-series ؟!

**د.اسماعيل النجار** · 30-05-2015 05:10 PM

انا ماصرفتش نظر ياباشمهندس لكن ماخبيش عليك مازلت متردد وبالنسبه للاودى a3 اومرسيدس gla فانا نسيت اقول انى عايزها دفع خلفى وليس جر امامى له طعم مختلف

**ENG.MaRk** · 30-05-2015 06:29 PM

المشاركة الأصلية كتبت بواسطة د.اسماعيل النجار

انا ماصرفتش نظر ياباشمهندس لكن ماخبيش عليك مازلت متردد وبالنسبه للاودى a3 اومرسيدس gla فانا نسيت اقول انى عايزها دفع خلفى وليس جر امامى له طعم مختلف

مادام عايز حاجة دفع خلفي يبقي هات ال GLK اللي كانت معروضة عليك و ديه 4matic و عايز أقول لحضرتك إن الدفع الرباعي طعمه أحلي من الخلفي و الأمامي

أو ممكن تفكر في ال3-series زيرو بس مش أقل من ال320i علشان تبقي استفدت بكماليات و بقوة موتور و أعتقد سعرها هيكسر ال400 بشوية و إن كنت لسة أفضل إنك تجيب ال7-series أو ال5-series و بالنسبة لأسعار قطع الغيار ف حضرتك هتلاقيها كلها غالية و متقاربة من بعضها و قلة الانتشار في الفئة ديه تميز مش حاجة تخوفك ... ال7-series فيها كماليات ل 10 سنين قدام لحد ماتتعمم في العربيات العادية يعني مش هتقدم لحد ماتزهق منها

**new_man2010** · 30-05-2015 11:13 PM

فولكس فاجن تيجوان ... أنسب عربيه ف السعر ده ومناسبه لكل طرق مصر

**د.اسماعيل النجار** · 31-05-2015 02:22 AM

المشاركة الأصلية كتبت بواسطة ENG.MaRk

مادام عايز حاجة دفع خلفي يبقي هات ال GLK اللي كانت معروضة عليك و ديه 4matic و عايز أقول لحضرتك إن الدفع الرباعي طعمه أحلي من الخلفي و الأمامي

أو ممكن تفكر في ال3-series زيرو بس مش أقل من ال320i علشان تبقي استفدت بكماليات و بقوة موتور و أعتقد سعرها هيكسر ال400 بشوية و إن كنت لسة أفضل إنك تجيب ال7-series أو ال5-series و بالنسبة لأسعار قطع الغيار ف حضرتك هتلاقيها كلها غالية و متقاربة من بعضها و قلة الانتشار في الفئة ديه تميز مش حاجة تخوفك ... ال7-series فيها كماليات ل 10 سنين قدام لحد ماتتعمم في العربيات العادية يعني مش هتقدم لحد ماتزهق منها

انت ذكرت ياباشمهندس 3 عربيات احلى من بعض الفئة التالتة والخامسة والسابعة من الاولى فى متعة القيادة بى ام دبليو ودا يخلينى اسال سؤال فى مداخلتك السابقة لما سالت مين افضل قلتلى بشكل مطلق مرسيدس ومع ذلك لم تضمنها فى اختياراتك وبالذات الفئة سى والفئة اى ياترى اية السبب ولتانى مرة بقول لحضرتك انا متفق معاك تماما فى ختيار الخامسة والسابعة مع ان 320 كانت بتداعب خيالى تقريبا كنت بحلم بيها زيرو طبعا ولكن ردك انها غير مناسبه لسنى خلانى ماتكلمش عنها بس النهاردة حسيت براحة وسعادة لما جت سيرتها قطع غيارها غالية صحيح بس عارف الامكانيات والكماليات المهولة اللى فيها وطبعا اداءها الذى لايقارن الا بسيارات فارهة مثلها من فضلك رد على تساؤلاتى وماتحيرنيش اكتر لان مخى ورم من قراءة الريفيوهات والمقارنات وت

جارب الاداء لملاك السيارات اشكرك على وقتك ومجهودك اللى بتساعدنى بيهم

**د.اسماعيل النجار** · 31-05-2015 02:30 AM

المشاركة الأصلية كتبت بواسطة new_man2010

فولكس فاجن تيجوان ... أنسب عربيه ف السعر ده ومناسبه لكل طرق مصر

الزميل quoteاللى خلانى مافكرش فى التيجوان وفى كل الفولكس فاجن موضوع الفيس الفاشل اللى لسة محتارين فيه والسعة1.4 دا زائد انها يدوية ودا مستبعد تماما اشكرك على مساهمتك وابداء رايك

**mohamed-ahlawy** · 31-05-2015 03:00 AM

لو حضرتك عايز عربية بتاعة جري و سحبها ممتاز و سريعة جدا يبقي خليك في ال320
بس عفشتها ناشفة شوية
اما لو عايز حاجة ناعمة بس سحبها اقل شوية من ال320 يبقي المرسيدس c180 بس انت ممكن تشتري الشكل القديم لان الشكل الجديد فية مشاكل فية الموتور
او ممكن توفر و تشتري ببجو 508 هاي لاين ب 300 الف و دية فيها مميزات ال320 و ال180

**د.اسماعيل النجار** · 31-05-2015 04:12 AM

المشاركة الأصلية كتبت بواسطة mohamed-ahlawy

لو حضرتك عايز عربية بتاعة جري و سحبها ممتاز و سريعة جدا يبقي خليك في ال320
بس عفشتها ناشفة شوية
اما لو عايز حاجة ناعمة بس سحبها اقل شوية من ال320 يبقي المرسيدس c180 بس انت ممكن تشتري الشكل القديم لان الشكل الجديد فية مشاكل فية الموتور
او ممكن توفر و تشتري ببجو 508 هاي لاين ب 300 الف و دية فيها مميزات ال320 و ال180

والله انت اخترت 3 عربيات يعتبروا القمة فى فئاتهم
شوقتنى للبى ام لكن ناشفه شويه وانا نازل من يابانى حرير
حببتنى فى المرسيدس لكن فيها عيب مواتير دا غير ينزين 95 وسعرها المبالغ فيه
واخيرا ذكرت طيبة الذكر وحسنة السير والسلوك البيجو اللى قعدت معايا 18 سنة من 1984 الى 2002 ومازعلتنيش فى يوم لكن ايه رايك فى بنزينها ال 95 وتعقيدها وصعوبة صيانتها غير فى التوكيل بالاضافة لسعر اعادة
البيع وعدم انتشارها اشكرك وفى انتظار ردودك على هذه التساؤلات

**عم جحا** · 31-05-2015 08:59 AM

امام سيادتك ايضا سيارتين (من وجهة نظرى) مناسبتين للطرق فى مصر الاولى bmw-x3 والثانية فورد كوجا ، وما يميز هاتين السيارتين انهما دفع رباعى ومرتفعتين عن الارض ارتفاع مناسب بالنسبة للمطبات الصناعية والطبيعية على الطرق فى مصر بما يمنع الاحتكاك بها ، وتمتاز السيارة الاولى bmw-x3 بقوة موتورها -حوالى 3000 cc- الا ان الضريبة بالنسبة لها مرتفعة واستهلاك البنزين عالى ، وتمتاز السيارة الثانية فورد كوجا بموتور 1500 cc توربو بقوة 180 حصان وعزم 240 نيوتن/ متر ، اى موفرة فى استهلاك البنزين ، وبالنسبة للكماليات فالسيارتين غنيتين بالكماليات ، الا ان السيارة bmw-x3 تزيد عنها ، ابحث عن مواصفاتهما ربما تعجبك احداهما ، والله الموفق .

الموضوع: عربية ب 350 الف

LinkBack

أدوات الموضوع

عرض

عربية ب 350 الف - انشر الموضوع فى :

-

-

-

-

المواضيع المتشابهه

ازاز بيبقى شاشة و عربية بتختفي و عربية بتغير لونها بالفيديو

قدامى عربية نسيان صنى 2004 عربية فبريكة بالكامل اشتريها ولا لا

حادثة: عربية نقل بتاعت بيبسى دخلت فى عربية اخويا بهدلتها

عربية عربية ( قصدي سيارة عربية من المغرب )

الكلمات الدلالية لهذا الموضوع

المفضلات

المفضلات

ضوابط المشاركة