الفيرنا و الحرارة

**ahmed .soliman** · 31-05-2015 01:12 AM

عربيتى فيرنا 2008 -1600 مانيوال
العربية بتسخن . روحت للميكانيكى قالى جوان وش السليندر . الجوان اتغير من غير خرط
وبعد التجربة العربية لسة بتسخن . روحت لميكانيكى تانى . قالى ممكن الجوان الى ركب مش تمام . غيرت الجوان تانى بدون خرط
وبعد التجربة لسة بتسخن . روحت لميكانيكى تالت . طلع يجرب العربية سخنت جابت عمود كرنك :(

روحت لواحد تانى عملت عندة عمرة(تغيير بساتم وخرط الشمايز) و غيرت عمود الكرنك و بالمرة طلمبة الزيت و طلمبة المياة
وغيرت الردياتير وبردة لسة بتسخن رجعتله تانى فك وش السلندر و وداه للخراط طلع كان محتاج ييقشط و غيرت الجوان للمرة الثتاثة وبردة بتسخن
تم الكشف عند اكتر من كهربائى على المراوح و الحساسات بالكمبيوتر وكلهم بيئولوا الدنيا تمام ز صوت المتور مظبوط ظبطة ولا فى الاحلام وبرده بتسخن

افيدونى افادكم الله
انا جبت اخرى

**Abo_Mazen** · 31-05-2015 09:26 AM

هي لما بتسخن معاك ..بتلاقي المياه فايره في القربه ..يعني بتلاقي المياه ماليه القربه ؟؟؟؟؟؟

**pepo2011** · 31-05-2015 10:40 AM

ياباشا بتسخن يعني لحد كام؟؟ غليان وكده ولا علي حساب المؤشر؟؟
شوف الريداتير

**ahmed .soliman** · 31-05-2015 11:27 AM

المؤشر سليم . الحرارة بتعلى والمياه مظبوطه فى القربة و الردياتير مفيش فوران . مفيش اى حاجة تقول انو وش سلندر
تم تغيير صباع الحرارة ونفس الكلام

**AHMEDCAR** · 31-05-2015 11:44 AM

بتسخن معاك و انت بتجرى و مشغل التكييف غير كه بتبقى طبيعيه

**ahmed .soliman** · 31-05-2015 12:19 PM

بتكييف او من غير بتسخن لما اعدى ال 100 5 دقايق
يعنى على طريق مفتوح مش فى الزحمة صبح ليل مش فارقة

**Abo_Mazen** · 31-05-2015 04:05 PM

طيب أخبار ثرموستات الكوع إيه ؟.؟؟؟أنا ما سألتش في الأول عشان قلت أكيد الميكانيكي شالها لما عمل جوان وش السلندر ...بس برضه إيه نظامها معاك ..اللي هي ثرموستات الكوع يعني ؟؟؟؟الميكانيكي شايلها ولا سايبها ومبصش عليها أصلا ولا إيه النظام ؟؟؟؟

**ahmed .soliman** · 01-06-2015 11:13 AM

ثرموستات الكوعة اتشالت لفترة و مكنش فى فرق و بعديين اتغيرت وركبت تلنى

**Abo_Mazen** · 01-06-2015 02:10 PM

المشاركة الأصلية كتبت بواسطة ahmed .soliman

ثرموستات الكوعة اتشالت لفترة و مكنش فى فرق و بعديين اتغيرت وركبت تلنى

بص ..أنا لو مكانك هعمل الآتي ..

1- هروح لميكانيكي يكون كويس
2- هفك الوش وهقيسه
3- هقيس البلوك ..خلي بالك عشان في ناس ما بتقيسش البلوك ولا بيخطر على بالها تبص عليه
4- هشتري جوان أصلي ..بلاش الجنجريد ..في كلام عليه إنه ما بيتحملش الحرارة
5- آخر حاجه بقى ودي مهمة قوي ..لازم أعرف الوش إتقشط منه قد إيه ..عشان الوش لو إتقشط منه كتير يبقى كده خلاص ..يترمى ويتجاب غيره ..ودي اللي يقولك عليها بتاع المخرطه ..خلي بالك قوي من الحته دي ..ممكن يكون الوش إتقشط منه كتير شوية ..وبكده العربية دي هتفضل تسخن

**sameh_loza** · 01-06-2015 07:55 PM

بمناسبة السخونية
انا عندي العربية بتاكل مياه يعني كل يومين لازم املا قد لتر ميه الصبح
روحت لبتاع الريتادير نظف الريتادير ولكن بقيت مشكلة ترسيب الميه منين ؟
روحته تاني بعد ثلاثة اسابيع قالي مش من الريداتير وغطاء الريتاتير كويس واداني احتمالين هما :
1. يكون في ترسيب من طبب الماتور
2. في مشكلة في خرطوم الراجع من عند صدر العربية من تحت
افادوني افادك الله
العربية فيرنا 2006 اوتو

الموضوع: الفيرنا و الحرارة

LinkBack

أدوات الموضوع

عرض

-

-

-

-

-

المواضيع المتشابهه

حل مشكلة الحرارة وقرفها ومشاكلها للابد انسي الحرارة

حل مشكلة الحرارة وقرفها ومشاكلها للابد انسي الحرارة

الي خبراء الفيرنا , ماالفرق بين الفيرنا و الفيرنا ستار ؟؟؟

اختلاف مؤشر الحرارة مع الحرارة الفعليه

رجاء المساعدة في زيادة مؤشر الحرارة في الفيرنا

الكلمات الدلالية لهذا الموضوع

المفضلات

المفضلات

ضوابط المشاركة