هيونداي اكسنت 99 اوربي 1500 سي سي انجكشن

**محمود الغندور** · 31-05-2015 03:15 PM

بالزقازيق .. هيونداي اكسنت 99 1500 سي سي انجكشن مانوال .. فرامل abs ..اير باج .. زجاج كهربا .. مرايات كهربا .. مفتاح مشفر .. سنتر وانذار .. فابريكا بره وجوا وعليها لزق كاربون للحفاظ عالفبريقا .. تكييف تلاجه .. طقم صوت
لا تحتاج اي مصاريف نهائي .. مطلوب 47 الف .. للتواصل 01150060412 واتس اب للصور على نفس الرقم

**EgyArmy** · 03-06-2015 07:04 AM

بعادتى مبحبش اعلق على سعر حد كاتبه بس هوا المطلوب 47 ؟
لو الرقم ده صح احب اقول لحضرتك ان العقل و المنطق يخلينى انصحك نصيحه لوجه الله
انا مثلا المشترى لو معايا الرقم ده ايه يخلينى اشترى عربيه اكسنت اصلا و فيه مليون بديل تانى ؟
يعنى السعر الى حضرتك كاتبه ده حتى و لو قابل للتفاوض انت حطيت العربيه فى فئة سعرية مختلفه عن الاكسنت او بمعنى اصح هدور على حاجه اعلى كعربيه و كموديل و قطع غيارها اوفر برضه
و على فكرة انا واخد بالى انها 1500 مش 1300
فياريت نعقلها كدة لان العربيه فى الشارع بقالها اكتر من 16 سنه مانا بنفس السعر ممكن اجيب موديلات اعلى بكتير و اقوى فى الاعتماديه

**محمود الغندور** · 04-06-2015 03:09 AM

يا فندم دي مختلفه عن الاكسنت العاديه تماما وحالتها نادره وشاذه وتستاهل السعر ده وانا صارف عليها اكتر من 5 الاف غير اني كنت شاريها ب46 وانا عارف ان متوسط الاكسنت العاديه المصري بتتكلم في 37 و 38 بس دي حاجه تانيه خالص يا فندم تقدر تسأل عليها حد عارفها او ركبها على غير اني بقولك انها من الاكصدام للاكصدام بوية المصنع وحالتها فوق الممتازه وشبعانه مش هايتصرف عليها قرش لسنتين قدام وعلى فكره هي جابتلي 43 و 44 ومابعتش .. ويافندم ده الشاهين بتتباع ب 35 دي ماتتباعش ب 45 يعني ازاي لو حضرتك سالت حد عارفها الاوربي دي هايقولك انها احسن من الكرستاله ومن الدايو نوبيرا كمان .. بس هو اللي فاهم الموديل ده بس هو اللي بيقول تستاهل انما غير كده بيقولولي 30 كمان