مطلوب نصيحه فى مقاس ونوع كاوتش

**rotanamasoud** · 31-05-2015 08:52 PM

ياريت حد يقولى عشان انا محتار فى المقاس لعربيه تمبرا جنوط اسبور
المقاس الحالى 185-60-14
ركب سابقا بدون مشاكل 185-65-14----175-65-14
انا محتار بين المقاسين دول 195-65-14 و195-60-14
خايف اركب 195-65-14 يحك
واحيانا بقول كبر دماغك وركب المقاس 185-65-14 لان ال65 يتحمل الحفر اكتر
بجد محتار جدا
تانى حاجه ايه المركه المتوسطه السعر وذات افضل اداء فى ناس بتشكر فى التركى وحاجه تحير ومش عايز اسيب نفسى لبتاع الكاوتش يبعلى اللى هو عايزه

**Samir_Adel** · 31-05-2015 09:18 PM

اوعي تعلي من ال 60 ل 65 عشان العربية هتعوووووووم! خليك في مقاس الفابريكة. و ارشحلك بيريلي ايطالي مش الروماني.. كاوتش سعرة متوسط و طري.. و دة يياخد و يدي في الصدمة فا من الصعب انة يكون بلالين.

**aw2100** · 01-06-2015 04:33 AM

ماتعرضش الكاوتش قوى علشان ده بيخرب العفشه ويستهلكها بسرعه واشترى يوكوهاما يابانى a drive مركبه عندى كاوتش 10/10 ومبروك على الكاوتش الجديد !!

**rotanamasoud** · 01-06-2015 07:14 PM

المشاركة الأصلية كتبت بواسطة samir_adel

اوعي تعلي من ال 60 ل 65 عشان العربية هتعوووووووم! خليك في مقاس الفابريكة. و ارشحلك بيريلي ايطالي مش الروماني.. كاوتش سعرة متوسط و طري.. و دة يياخد و يدي في الصدمة فا من الصعب انة يكون بلالين.

اوك على 60 مع انى فى اعتقادى مش حتعوم للدرجه

المشاركة الأصلية كتبت بواسطة aw2100

ماتعرضش الكاوتش قوى علشان ده بيخرب العفشه ويستهلكها بسرعه واشترى يوكوهاما يابانى a drive مركبه عندى كاوتش 10/10 ومبروك على الكاوتش الجديد !!

اوك على 185

المشاركة الأصلية كتبت بواسطة svneleven

شوف سيادتك لو مقاس 185/60 هو الاصلي بتاع العربية يعني مكتوب علي القايم يبقي 195/60 مناسب جدا لأنه هيعلي العربية شوية حوالي 6 مم و مش هتعوم و لا حاجة و هيكون مريح للعفشة عن ال 185/60 و كمان هيتحمل ال حفر زي ال 185/65 تقريبا و بكده تبقي اخدت كل المميزات. يعني كاوتش عريض يتحمل ال حفر و مريح للعفشة و هيعلي العربية شوية عشان المطبات و الحمولة و ضامن انه مش هيحك في الرفرف ان شاء الله. ال 195/65 مالوش اي داعي تركيه هيعلي العربية جامد و احتمال يحك في الرفارف.

هى العربيه جايه من بره ومختلفه عن المصرى لانها فبريكه جنوط اسبور وواطيه و4 فرامل سكينه واصلها مكنه 2000 بس اتغيرت ل1600 اما الكتالوج بيقول 175-65-14 فانا حختار الوسط ل185-60-14 زى اللى راكب

**rotanamasoud** · 01-06-2015 07:19 PM

روحت النهارده لممدوح غطاطى فى الداون تاون واللى كان موجود هانكوك اندونيسى 185-60-14 انتاج 6/2014 توكلت على الله وركبت بالترصيص وتغيير البلوف والنيتروجين الفرده ب400 هى كسعر كويسه وككوتش كويسه ولا انا اتدحك عليا