الموضوع: هل النيو التو عربيه يستاهل يدفه فيها فلوس؟؟؟ good deal!!!

المشاركة الأصلية كتبت بواسطة omar117

بلاش حضرتك خالى حضرتك فى :
1-دايو لانوس 2011
2-هيونداى فيرنا 2010
3-نيسان صنى 2007
4-تويوتا ياريس 2006
5-ميتسوبيشى لانسر 2006

هو ترتيب حضرتك مبني على الاحدث ولا فيه معايير تانيه بنيت عليها الترتيب؟

اى عربيه زيرو هتسافر بيها اى حته ان شاء الله بدون مشاكل
بالنسبه انه حرام يندفع فيها فلوس فالمشكله انك بتبقى مرتبط بميزانيه معينه
وعايز تجيب عربيه تريحك مش عربيه مستعمله تقعد كل شويه تشوف عربيه فى حته شكل وتدور هترفعها فين علشان تكشف عليها
وبرضه بعد الكشف مش هيبان معاك كل حاجه

فانا لو منك اجيب الالتو عادى جداً
وشوف لو اسرتك صغيره ومش بتاخد شنط كتير معاك الاسكندريه يبقى تمام

بص ...أنا مش هقولك الألتو واسعة ..ولا هقولك شيالة ..يعني تحمل فيها بالخمس أشخاص عادي .ولا هقولك تجميعها في السرعات إيه ...لإن هي مفيهاش ولا حاجه من الحاجات اللي قولت عليها
لكن هقولك إن أهم ميزتين فيها ..بالنسبة لي على الأقل ..توفير غير طبيعي في الوقود ...قطع غيار في متناول إيدك ...
بالنسبة بقى لموضوع السفر ..لك أن تعرف إن شركة مشاوير ..ودي شركة توصيل طلبات للمنازل ..كانت جايبه الألتو والماروتي وبيسفروهم من القاهرة لإسكندرية ومن إسكندرية لمرسى مطروح ..وكانت العربيات دي شغالة رايح جاي ولا كانت عامله ليهم مشكلة ..بس للأمانة ..تم الإستغناء عن الألتو من شركة مشاوير والإبقاء على الماروتي ..وده لإن قطع غيار الألتو بصراحه ..أغلى شوية من قطع غيار الماروتي ودي كانت عملية غير إقتصادية بالنسبة لصاحب شركة مشاوير

هقولك أنا ليه بحب الألتو
1- عربية إنجيكشن ..يعني نعومة الصوت والمحرك والقيادة بتاعة العربيات الإنجيكشن
2- خامات التقفيل بتاعتها كويسة ..يعني تحس وإنت راكبها إنك راكب عربية حديثه من بتاعة الأيام دي ..مش زي الماروتي مثلا تصميم قديم وشكل قديم
3- قطع غيار متوافرة ..صحيح مش عند أي حد ومش عند البقال زي اللادا وال 128 ..بس موجوده وليها التجار بتوعها
4- أهم حاجه بقى بالنسبة لي أنا شخصيا ..وفي ظل الظروف الإقتصادية البشعة اللي إحنا فيها دي ...توفير البنزين الغير عادي واللي بتحدي إنك تلاقيه في أي عربية تانيه من السعات اللترية التانية ...

أما بقى إن هي مفيهاش باور ..فهي فعلا الطارة بتاعتها مش محتاجه باور أصلا ..هي أخف وأنعم بكتيييييييييييييييييييييي ييييييييييييير من ال 128 مثلا ...والتكييف بتاعها كويس جدا على حجم الكابينة بتاعتها ..بس بيشرب البنزين شرب ...

ده رأيي ..خلي بالك ..العربية دي المحرك بتاعها المونيوم بالكامل ..وده موضوع تاني بقى ممكن نبقى نتكلم في بعدين .عشان حكاية المحرك الألمونيوم دي بتفرق معاك في وزن المحرك وإستهلاك البنزين والتسارع بتاع العربية بالنسبة للسعة اللترية بتاعتها

اعتقد ان الانوس احسن منها في حاجات كتير.. اللتو ضيقه وتكييفها بيأثر ع السحب.. وصغيره وده هيأثر ع الثبات بتاعها بالذات ف المواقف الطارئه.. وسعر اعادة البيع بتاعها وحش وزبونها قليل وقطع غيارها غاليه حبتين بس معمره الصراحه انا ركبت الشكل القديم بتاعها (2007) كانت 1100 سي سي لمدة 7 شهور تقريبا.. واللي انا ذكرته ده هو العيوب اللي انا شوفتها فيها.. ماعرفش الجديده ايه نظامها بس اعتقد مش هتفرق كتير