+111111111111
رقم العضوية : 157318
تاريخ التسجيل : 13Mar2014
المشاركات : 2,257
النوع : ذكر
الاقامة : Stuttgart-Hamburg
السيارة: E63 AMG / Audi R8 / Audi A6
السيارة[2]: peugeot 508 2015 Highline
دراجة بخارية: Honda NC700X
الحالة :
أحب أطمن كل اللي يرغبوا في اقتناء هذه الجميلة الفرنسية و أقولهم أنا عامل بالعربية 28000 كم و فضلت أمونها فترة مش قليلة (تقريباً 9000 كم) بنزين 92 عادي و بيمشيها زي الفل دون أدني مشكلة ... أنا في الفترة الحالية بأمونها 95 نظراً لأن الفرق في السعر بينهم شهرياً 400 جنيه و ده مبلغ مش كبير و مش أزمة بالنسبالي ... اللي بيفرق في العربية بين 92 و 95 هو ارتفاع صوت الموتور نسبياً بفرق يكاد يكون غير ملحوظ و عند الحرق فقط أما في السرعات العادية يحافظ علي هدوءه و بالنسبة للسحب يتحسن قليلاً مع ال95 لكن ب 92 أداء العربية مرضي جداً ... اللي يمونها 95 ياخد باله من حاجة مهمة العربية بتجري لوحدها يعني أنا أعتقد في الفترة اللي كنت بأمونها 92 كنت علي طريق العين السخنة و ماشي 120 و التفت أتكلم مع اللي جنبي لقيت العربية وصلت 180 و أنا مش واخد بالي و المشكلة إنك مش هتحس إنها بتجري لأن ثباتها ممتاز ... بالنسبة للناس اللي قرأت في الbrochure أو علي المواقع الأجنبية إن العربية بتاخد 95 و الbrochure المصري إنها بتاخد 92 ف أنا أحب أطمنهم إن ده مش نصب علشان الوكيل يبيع و خلاص لأن حصل فعلاً تعديل في العربية بيخليها compatible مع ال92 المصري و عموماً المثل بيقول "اسأل مجرب و لا تسأل طبيب" :)
في المجمل العربية مناسبة جداً لمصر و لشوارعها و أنا بأعتبرها أحسن عربية في فئتها نظراً لكثرة مميزاتها و انعدام مشاكلها بعكس أختها الانسيجنيا التي ظهر فيها مشاكل مؤخراً و في 2 أعضاء محترمين نقلوا تجربتهم مع مشاكل الانسيجنيا كاملة ممكن تتطلعوا عليها في قسم أوبل و صدقوني أنا رأيي ده بكل حيادية مش لأني من ملاك الPeugeot
نصيحة لكل الناس اللي بتمون 95 في مصر عموماً ... أحسن gas station ممكن تمون منها هي "إمارات مصر" و أنا مليش مصلحة في إني أعملها دعاية لكن عايز أساعد الأعضاء الكرام في المحافظة علي مواتير عربياتهم
كان في عضو فاضل متخوف من موضوع ال95 في ال508 و قرر إنه يجيب كورولا بدلاً منها لكن أنا مع كامل احترامي للكورولا أحب أقوله بلاش تحرم نفسك من إنك تستمتع بعربية زي ال508 و تنزل لفئة أقل خوفاً من حاجة و علي فكرة في نقطة مهمة جداً لازم الكل ياخد باله منها و هي إن العربيات ديه كلها أرزاق يعني ممكن تلاقي واحد معاه Mercedes S class و مغلباه بدليل إن واحد جاري معاه انسيجنيا من قبل ما أشتري أنا الPeugeot و أعتقد عمل بيها 32000 كم و ماظهرش معاه مشاكل و راضي جداً عن أداء العربية في حين إن الأعضاء الكرام هنا ظهر معاهم مشاكل
في النهاية أحب أختم كلامي و أقول ربنا يوفقكم جميعاً لما فيه الخير إن شاء الله و يا رب كل اللي نفسه في عربية يركبها ... تحياتي لكم جميعاً :)
رقم العضوية : 32627
تاريخ التسجيل : 10Feb2009
المشاركات : 1,939
النوع : ذكر
الاقامة : cairo
السيارة: اكسارا
السيارة[2]: فيات 128
دراجة بخارية: i hope
الحالة :
+111111111111
يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
أبو كمال
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
تقريرك جميل و حيادى .
انا من مؤيدين ال 508 لانها عربيه فعلا اثبتت نجاحها و انتشارها , تفوقت على الباسات و الانسيجنيا .
خلينا نكون صرحاء , 90% من العربيات الجديده الافضل لها 95 , حتى اللى بيقولوا دى معدله و تمشى ببنزين 92 , الموضوع موضوع تصنيع عالمى و تكنولوجى عالمى , انه يكون ظروفك هيه المشكله او ظروف البلد و البنزين ده مش عيب فى العربيه و لا الشركه المنتجه .
العربيات دى هاتمشى ببنزين 92 و ما فيش مشاكل على المدى القصير لانهم بيعدلوا طرمبة البنزين انها تقبل 92 و لكن مواصفات الموتور القياسى معاه و اللى هايأثر على كفاءته و عمره على المدى الطويل ال 95 .
انا مش فاهم ليه اللى بيركب عربيه من 200 الف و انت طالع بيتكلم على البنزين ؟ ؟
زى ما انت قلت , العربيات دى بمعنى تانى قرف و نصيب و توقعوا فى شرا اى عربيه مهما كان مركتها انه يكون فيه مشكله لانه التكنولوجيا متسارعه فى تصنيع العربيات بطريقه خياليه .
نصيحه لاى شخص مقبل على شراء سياره , ما تشتريش عربيه انت مش قد مصاريفها , العربيات الجديده و الحديثه قطع غيارها غاليه جدا , يعنى ايه تشترى عربيه ب 300 الف و الاقيه كاتب يسأل عن مين بيبيع قطع غيار بره التوكيل بسعر رخيص ؟؟
و ربنا يبارك لك فى الجميله 508 :)
اللهم بارك لنا فيما رزقتنا
رقم العضوية : 157318
تاريخ التسجيل : 13Mar2014
المشاركات : 2,257
النوع : ذكر
الاقامة : Stuttgart-Hamburg
السيارة: E63 AMG / Audi R8 / Audi A6
السيارة[2]: peugeot 508 2015 Highline
دراجة بخارية: Honda NC700X
الحالة :
شكراً لمشاركتك يا فندم و فعلاً كنت عايز أضيف نقطة مهمة ... لما يبقي مكتوب في الbrochure إن العربية بتقبل 92 و هي معروف عنها إنها بتاخد 95 ده مش معناه نصب ولا لزيادة المبيعات ... هم كاتبين إن الrecommended هو 95 و ده للحصول علي أفضل أداء من العربية إنما لو مونتها 92 مش هتقول لأ ... تحياتي :)
رقم العضوية : 73467
تاريخ التسجيل : 20Jun2010
المشاركات : 2,015
النوع : ذكر
الاقامة : cairo
السيارة: Brilliance fsv 2010
السيارة[2]: Fluence E3S 2014
الحالة :
رقم العضوية : 49795
تاريخ التسجيل : 13Oct2009
المشاركات : 50
النوع : ذكر
الاقامة : Tanta
السيارة: -
السيارة[2]: Peugeot 206
الحالة :
تقرير ممتاز و جايب من الآخر :)
المفضلات