زيت موتور موبيل 5w30

**moosaleh** · 01-06-2015 02:09 PM

هل زيت 5w30 مناسب لكورولا بدلا من الزيت اللي بيستخدمه التوكيل 5w50 لموتور سياره جنوب افريقي عداد 54000 km لأنه اخف واكيد ممكن يريح الموتور من اللزوجه العاليه لزيت التوكيل وسؤال تاني انا اول مره هغير زيت بره التوكيل افتح الطبه احسن ولا جهاز الشفط لتنزيل الزيت القديم والفلتر اجيب الحشو الداخلي احسن ولا فلتر عادي بالعلبه الخارجية ولكم جزيل الشكر.

**akmm** · 01-06-2015 03:16 PM

عموما السياره تعتبر لسه بسم الله مشاء الله جديده الزيت لزوجه 5w30 افضل من اللزوجه 5w50 وممكن ترجع لكاتالوج السياره .... وعند تغيير الزيت الافضل فك الطبه لتصريف الزيت وما يتبقى من اى شوائب في الكارتيره وبالنسبه للفلتر الاصلى دايما افضل .

**svneleven** · 01-06-2015 03:22 PM

احسن حاجة سيادتك تشوف ال كاتالوج بتاع العربية هتلاقي مكتوب فيه انسب زيت ل عربيتك. ال 5w30 خفيف و عربيات كتير بتبخره بسرعة.

**yasser100** · 01-06-2015 03:26 PM

التوكيل بيحط 5w50 ؟؟ ده مش زيت 10000 كم , معروف انه المواتير اليابانى و الكورى بتستخدم زيوت لزوجه خفيفه نسبيا لانه خلوص البساتيم فيها ضيقه , طول عمر التيوتا زيوتها 5w30 , 0w30 , 10w30 و الكلام ده فى كتالوجاتها .

علشان خاطرى ما حدش يطلع يقول لى اصل فيه زيوت لزوجه عاليه لدرجات حرارة الجو العاليه و لزوجه منخفضه لدرجات حرارة الجو المنخفضه , الكلام ده خطأ على عمومه , فيه حاجه اسمها درجة حرارة بداية التشغيل فقط .

طبعا 5w30 موبيل هايكون ممتاز معاك و هاتحس بالفرق جامد .

**yasser100** · 01-06-2015 03:29 PM

المشاركة الأصلية كتبت بواسطة svneleven

احسن حاجة سيادتك تشوف ال كاتالوج بتاع العربية هتلاقي مكتوب فيه انسب زيت ل عربيتك. ال 5w30 خفيف و عربيات كتير بتبخره بسرعة.

مافيش حاجه اسمها تبخره بسرعه , اى زيت لازم بيكون مجهز يشتغل فى درجات حراره 300 مئويه و ما فوق . اللى يتبخر ده مضروووب , مش انواع كبيره زى شل و موبيل و توتال و من اماكن موثوق منها .

**tasaka** · 01-06-2015 03:38 PM

5w50 ده رقم غريب .. انت متأكد انه ده اللى بيحطوه فى التوكيل ؟
5w30 يوفر بنزين .. بس اتاكد انه موجود فى الكتالوج
الحل الوسط اعتقد هو 5w40 .. بس اتاكد انه موجود فى الكتالوج

و دور على انواع تانى غير موبيل .. لان كتير من الاعضاء بيقولوا ان فيه انواع تانى افضل

و طبعا اتأكد ان الزيت موش مغشوش فى الانواع الثانيه

**moosaleh** · 01-06-2015 08:58 PM

أولا اشكر الجميع علي الرد والأهتمام بالموضوع بس أحب اقول حاجه مهمه ان الواضح كده ان التوكيل شغال اي كلام مختار موبيل زيت معتمد من تويوتا بس مختار اعلي لزوجه ليه مش عارف انا بصراحه دايما بحب اتعامل مع التوكيل لكن بصراحه الواحد بدأ يفقد الثقه فيهم وبعدين انا كمان هحاول اطلب منهم زيت 5w30 وهشوف ردهم ايه لان بصراحه كده انا حاسس ان الموتور مخنوق من زيت 5w50 تقيل جدا علي الموتور

**tasaka** · 01-06-2015 11:07 PM

المشاركة الأصلية كتبت بواسطة moosaleh

أولا اشكر الجميع علي الرد والأهتمام بالموضوع بس أحب اقول حاجه مهمه ان الواضح كده ان التوكيل شغال اي كلام مختار موبيل زيت معتمد من تويوتا بس مختار اعلي لزوجه ليه مش عارف انا بصراحه دايما بحب اتعامل مع التوكيل لكن بصراحه الواحد بدأ يفقد الثقه فيهم وبعدين انا كمان هحاول اطلب منهم زيت 5w30 وهشوف ردهم ايه لان بصراحه كده انا حاسس ان الموتور مخنوق من زيت 5w50 تقيل جدا علي الموتور

اسألهم عن سبب اختيار هذه اللزوجه .. و لو اقتنعت بالرد يبقى كمل معاهم

دى صفحه الزيت من موبيل .. و هم ما عندهمش لزوجه 5W-40 .. اللى عندهم لزوجه 0W-40 و 5W-50 .. يمكن ده السبب انهم اختاروه

5W-50 Oil | Mobil 1 Peak Life 5W-50

كلما زاد الرقم الاخير كلما زادت الحمايه ضد التأكل .. و لكن رقم 50 كتير برضه على ما اظن

5W-30 يوفر بنزين و صوت موتور اهدأ .. و لكن حمايه اقل فى جونا الحار .. عموما انا كنت قرأت فى المنتدى او كتالوج سياره ان الجمعيه الامريكيه توصى ب 5W-30 لمنطقه الشرق الاوسط

الفيصل فى الموضوع ده .. اللزوجات المسموح بها الكتالوج

**moosaleh** · 02-06-2015 12:05 AM

المشاركة الأصلية كتبت بواسطة tasaka

اسألهم عن سبب اختيار هذه اللزوجه .. و لو اقتنعت بالرد يبقى كمل معاهم

دى صفحه الزيت من موبيل .. و هم ما عندهمش لزوجه 5W-40 .. اللى عندهم لزوجه 0W-40 و 5W-50 .. يمكن ده السبب انهم اختاروه

5W-50 Oil | Mobil 1 Peak Life 5W-50

كلما زاد الرقم الاخير كلما زادت الحمايه ضد التأكل .. و لكن رقم 50 كتير برضه على ما اظن

5W-30 يوفر بنزين و صوت موتور اهدأ .. و لكن حمايه اقل فى جونا الحار .. عموما انا كنت قرأت فى المنتدى او كتالوج سياره ان الجمعيه الامريكيه توصى ب 5W-30 لمنطقه الشرق الاوسط

الفيصل فى الموضوع ده .. اللزوجات المسموح بها الكتالوج

اللينك ده من موبيل بيوضح الزيت المناسب لتيوتا
Which oil for your car? | Mobil 1™ Egypt

**moosaleh** · 02-06-2015 12:12 AM

المشاركة الأصلية كتبت بواسطة tasaka

اسألهم عن سبب اختيار هذه اللزوجه .. و لو اقتنعت بالرد يبقى كمل معاهم

دى صفحه الزيت من موبيل .. و هم ما عندهمش لزوجه 5W-40 .. اللى عندهم لزوجه 0W-40 و 5W-50 .. يمكن ده السبب انهم اختاروه

5W-50 Oil | Mobil 1 Peak Life 5W-50

كلما زاد الرقم الاخير كلما زادت الحمايه ضد التأكل .. و لكن رقم 50 كتير برضه على ما اظن

5W-30 يوفر بنزين و صوت موتور اهدأ .. و لكن حمايه اقل فى جونا الحار .. عموما انا كنت قرأت فى المنتدى او كتالوج سياره ان الجمعيه الامريكيه توصى ب 5W-30 لمنطقه الشرق الاوسط

الفيصل فى الموضوع ده .. اللزوجات المسموح بها الكتالوج

اللينك ده من موبيل بيوضح الزيت المناسب لتويوتا
Which oil for your car? | Mobil 1™ Egypt
وطبعا التوكيل معندوش غير نوع واحد يستخدم لجميع الموديلات وهو 5w50
وده اكيد مش صح.