كل شىء عن ال a113

**AMRSPEED** · 03-06-2015 01:07 AM

ياريت الموضوع ده يتسبت ويكون بخصوص اى حاجه فى ال 113
انا دى تالت عربيه اسبيرانزا ليا بعد ال516 وال 620
حاليا معايا 620 و113
واتمنى كل واحد عنده استفسار فى اى حاجه كلنا نشارك مع بعض مثل موضوع كل شىء عن ال 620 وشكرا

**AMRSPEED** · 04-06-2015 03:57 AM

فين رجاله ال ١١٣ عايزن نتفاعل مع بعض

**hugan** · 06-06-2015 02:32 PM

مبروك
طب ما تبتدي بتقرير تعريف عن العربيه

**abo_anas** · 06-06-2015 07:33 PM

مؤشر الحرارة بيعدى النص بشرطة وخاصة لما بكون واقف مثلا فى اشارة
ممكن حد يفيدنى المشكلة فى ايه

**MMMERO** · 10-06-2015 04:08 PM

لا يا باشا مؤشر الحرارة بيعدى النص بحاجة بسيطة جدا و يبفضل ثابت على كدة لا بنزل ولا بيطلع وهو دة الطبيعى بتاعة
أنا اللى انا شايفة فى الصورة بتاعتك مش طبيعى خالص

**bassemali** · 13-06-2015 02:19 AM

انا هابتدي وأقول رأيي في ال 516 بعد عشرة 4 سنين .. من الأخر عربيه كويسه جدا جدا جدا وليست ممتازه .. عيوبها كلها تنحصر ف التجميع الزفت المصري وضعف في جودة الخامات المستخدمه عموما وخامات الصالون خصوصا .. ولكنها أفضل 100 مره من الانوس والفيرنا والأفيو كمان في كل شيء .. في الثبات والتكييف ووسع الصالون والأوبشن والشكل وأحلى حاجه بشوفها انا شخصيا إن قطع غيارها الأصليه في التوكيل مش غاليه .. فمش محتاج أروح أجيب لها قطع غيار من السوق انا بجيب القطعه الأصليه من التوكيل وأريح دماغي .. إنما الانوس والفيرنا لازم تجيب قطع غيارهم من السوق لإن في التوكيل غاليه وإنت وحظك ياجيبت حاجه كويسه ياجيبت حاجه تعبانه تغيرها مرتين تلاته لكن مع الإسبرانزا قطع الغيار من التوكيل مضمونه .. على سبيل المثال طقم الكاتينه بره بيعمله حوالي 800 أو 850 جنيه وف التوكيل أخدوا 1200 جنيه .. يعني هو أصلا ف التوكيل مش غالي .. يبقى مافيش داعي غني أستنصح وأسترخص .. ده رأيي فقط .

**Abo_Mazen** · 13-06-2015 09:51 AM

المشاركة الأصلية كتبت بواسطة bassemali

انا هابتدي وأقول رأيي في ال 516 بعد عشرة 4 سنين .. من الأخر عربيه كويسه جدا جدا جدا وليست ممتازه .. عيوبها كلها تنحصر ف التجميع الزفت المصري وضعف في جودة الخامات المستخدمه عموما وخامات الصالون خصوصا .. ولكنها أفضل 100 مره من الانوس والفيرنا والأفيو كمان في كل شيء .. في الثبات والتكييف ووسع الصالون والأوبشن والشكل وأحلى حاجه بشوفها انا شخصيا إن قطع غيارها الأصليه في التوكيل مش غاليه .. فمش محتاج أروح أجيب لها قطع غيار من السوق انا بجيب القطعه الأصليه من التوكيل وأريح دماغي .. إنما الانوس والفيرنا لازم تجيب قطع غيارهم من السوق لإن في التوكيل غاليه وإنت وحظك ياجيبت حاجه كويسه ياجيبت حاجه تعبانه تغيرها مرتين تلاته لكن مع الإسبرانزا قطع الغيار من التوكيل مضمونه .. على سبيل المثال طقم الكاتينه بره بيعمله حوالي 800 أو 850 جنيه وف التوكيل أخدوا 1200 جنيه .. يعني هو أصلا ف التوكيل مش غالي .. يبقى مافيش داعي غني أستنصح وأسترخص .. ده رأيي فقط .

كانت مع واحد قريبي ..اللي هي a113..وكان رأيه في التوكيل إنه كله تهريج ..وكانه كاسرين ليه كارتة الإيموبليزر ..وعمل معاهم مشكلة وغيروها بعد حوارات وتعطيل وقلة أدب

**AMRSPEED** · 18-06-2015 05:50 PM

بعد تحربتى لمده حوالى شهر لل ١١٣ موديل٢٠١٢
اولا هبتدى بمميزاتها
العربيه واسعه وصالونها شكله حلو
الماتور سحبه كويس
العربيه ثابته الى حد ما بالنسبه لوزنها وحجما تعتبر كويسه جدا
عيوبها او العيوب والمشاكل اللى وجهتنى -:
١- المساعدين بتوعها زفت بالذات اللى قدام وان شاء الله هشوفلهم بديل
٢- التكيف مش عاجبنى بالذات بالنهار بالليل جيد
٣- ف نتشه مع السلانسيه
٤- بتسحب بنزين بالنسبه لحجمها وانها ١٣٠٠ تعتبر بتسحب
لحد دلوقت ده انطباعى عنها واى. جديد هعرفكو

**MMMERO** · 21-06-2015 12:18 PM

باشا بالنسبة للمساعدين فأنا معاك ومؤيد 100% وياريت تقول لينا على بديل بعد ما تجرب علشان انا دخت وملقيتش حاجة مؤكدة مرة يقولوا ان هى تصميمها كدة ومش هتعرف تعمل فيها حاجة وناس تقول غيروا المساعدين بمساعدين دايو ماتيز وناس تقولك ان العيب جاى من السوست مش المساعدين وركبولها سوست بتوع السوزكي ال7 راكب.
بالنسبة للتكييف فا التكييف بتاعها حلو جدا ماشاء الله سواء بالليل او بالنهار ولو العربية واقفة فى الشمس بشغلة على سرعة 3 وبعديها بشوية بسقع وبخلى السرعة على 2 بس فراجع كدة شحن الفريون.
بخصوص سحب البنزين خلى بالك ان العربية دى 1300 2 كامة والسحب الطبيعي بتاعها من غير التكييف حوالى 240 كيلو فى الصفيحة وبالتكييف بتعمل حوالى 200 كيلو ودة برضوا يرجع للبنزينة واللى انت بتحط منها