ايهما افضل الشكل الجديد ام الشكل القديم ارجو الافاده

**ashmawe** · 03-06-2015 02:20 AM

الساده المحترمين صديق ليا بيشتري عربيه نيسان صني زيرو ومحتار بين الشكل القديم والجديد ارجو الافاده ايهما افضل ولماذا من كل النواحي سواء التحمل واسعار قطع الغيار وسعر اعاده البيع واستلاك البنزين وقوه الصاج والوسع والثبات واي ملوظات اخري لكم عليها ارجو الافاده لانه حيستلم خلال اليومين الجيين وشكرا

**abo_salah** · 03-06-2015 03:02 AM

والله يا باشا انا جربت الاتنين القديمه صاجها اقوي و 1600 سي سي الجديده صاجها ضعيف بالنسبه للشكل القديم وموتور 1500 سي سي ....
الشكل الجديد اوسع سواء صالون او شنطه ... الشكل القديم ضيقه جدا .. الكنبه صغيره جدا جدا جدا مفيش مساحه لحد طويل يقعد ورا ....
الجديده اوبشن اكتر .. سواء المروحه اللي بتنقل هوا للكنبه .. او سواء المالتي فانكشن والبلوتوث و السنسورز
القديمه مفيهاش مالتي فانكشن يادوب تكييف وازاز كهربا وسنتر وخلاص شكرا ....
استهلاك البنزين اعتقد ال 1600 اكيد هاتستهلك بنزين اكتر من ال 1500 ....
السعر في حاله اعاده البيع ؟؟؟ اعتقد اي عربيه صني مش بتجيب سعر عالي في اعاده البيع .. بس ليا واحد صاحبي كان معاه الشكل الجديد 2013 كان شاري من الوكيل ب 112 الف ... وباعها من شهرين ب 95 - 100 الف في الحدود دي ...
اسعار قطع الغيار اكيد القديم سعره اقل لانها متوفره في السوق بقالها كذا سنه
واكيد سعرها هايكون ارخص من الجديد ولو اني كل قطع الغيار عامه سعرها بقي عالي شويه لاي عربيه جديده
بالنسبه للتحمل .... اي عربيه هاتتحمل المهم الاهتمام والاعتناء بيها كويس والصيانات الدوريه كلها تتعمل
الشكل الجديد بالنسبه للثبات صاحبي بياسفر بيها 180 كم/الساعه وما شاء الله ماشتكاش منها خالص
بس ملحوظه وده اللي مضايقني في الشكل الجديد خفيفه شويه بسبب الصاج
ضعيف جدا جدا جدا
بس مش هانكر .... انا بصراحه بافكر اجيبها بغض النظر عن موضوع الصاج الضعيف ...
بالنسبالي احسن من الشكل القديم بمرااااحل

**Omar_4ever** · 03-06-2015 05:35 AM

الشكل الجديد ال 2015 كويس وعالجوا فيه عيوب كتير
الشكل الجديد موتور 1500 بدل 1600 في القديم
الشكل الجديد اوسع بمراحل
الشكل الجديد صاج ورق
الشكل القديم حاليا سعره عالي في المستعمل
الشكل الجديد فيه اوبشنز كتيرة جدا عن الشكل القديم خصوصا الهايلاين

**pinocchio** · 20-06-2015 06:52 AM

حضرتك قارن بين سعر الشكل القديم و الجديد هتلاقى الفرق بسيط جدا مع ان فى فرق كبير فى الكماليات ودة يرجع لان القديمة سمعتها ممتازة وعربية مرغوبة فى السوق لحد النهاردة مع ان شكلها قديم جدا . اما الجديدة فسمعتها سيئة جدا فى السوق وظهر فيها عيوب كتير ومشاكل كتير وناس كتير اشترتها وندمت بعكس القديمة مفيش حد اشتراها وندم