ارجوا المساعدة في عفشجي في اسكندرية

**KARABANTAS66** · 07-06-2015 12:29 PM

الموضوع و ما فية عندي صوت كركبة كل لما اضرب فرامل في تويوتا كورولا 2007 فا لو ممكن حد يساعدني و يدلني علي صنايعي كويس في اسكندرية شغال في عفشة الكورولا ضرورى جدا

**SHERBINII** · 07-06-2015 01:59 PM

في واحد بتعامل معاه كويس جدا في شارع 30 في وش الأمن المركزي اسمه علي عفشه لو نزلت هناك وسألت عليه ألف مين يدلك , فاهم جدا وكشف مجاني عجبك كلامه واقتنعت بيه يشتغل معجبكش سيبه وامشي ومش حيدفعك حاجة

**mo7a_mo7a** · 13-06-2015 12:18 AM

حماة العفشجي (ورشة الاصدقاء) السيوف شماعة قبل ما توصل الميدان وانت جي من ناحية فتح الله الشارع قبل الاخير يمين عل ياول الشارع ورشة اصلاح كاوتش .. بس تروح بدري علشان ما شاء الله بيبقي زحمة جدا

تحياتي

**moosaleh** · 13-06-2015 02:20 PM

الحاج عبده بنزينه عفشجي امين جدا وسريع جدا في شغله مواعيده من بدري من 8:30 صباحا عنوانه شارع متفرع من شارع عبد المنعم علي ناصيته معرض سجاد دمنهور وتليفونه 033919557 وماتضايقش منه علشان هو التعامل بتاعه ناشف شويه بس ميزه الامانه تغطي علي اي حاجه .

**Abo_Mazen** · 13-06-2015 02:59 PM

المشاركة الأصلية كتبت بواسطة moosaleh

الحاج عبده بنزينه عفشجي امين جدا وسريع جدا في شغله مواعيده من بدري من 8:30 صباحا عنوانه شارع متفرع من شارع عبد المنعم علي ناصيته معرض سجاد دمنهور وتليفونه 033919557 وماتضايقش منه علشان هو التعامل بتاعه ناشف شويه بس ميزه الامانه تغطي علي اي حاجه .

يعني قليل الذوق في المعاملة مثلا ولا إيه ؟؟؟؟!!!!!!

**moosaleh** · 13-06-2015 03:40 PM

المشاركة الأصلية كتبت بواسطة abo_mazen

يعني قليل الذوق في المعاملة مثلا ولا إيه ؟؟؟؟!!!!!!

لا مش قليل الذوق يعني كلامه قليل ومش بيرحب بالزبون اوي يعني هما تلات كلمات بس نتيجه الكشف علي العربيه ايه وقطع الغيار المطلوبه ونشتغل فيها ولا لا والحساب كذا وسلام .