عفوا تصحيح بسيط، قصدي بكمبيوتر السيارة الـOBDii وليس الـEBD الخاص بنظام الفرامل، آسف على الخطأ
ولمقارنة السيارة ال2015 الموجودة عندنا وال2015 التي تباع في الخارج رجاء مشاهدة الصفحة
Brilliance V5 | ChinaAutoWeb
رقم العضوية : 174414
تاريخ التسجيل : 17Apr2015
المشاركات : 6
النوع : ذكر
الاقامة : القاهرة
السيارة: باليو
السيارة[2]: 128
الحالة :
الأعضاء الكرام،
كنت من فترة ناوي أشتري الـV5 وابتديت أعمل بحث عنها
في الأول عملت اختبار قيادة في التوكيل للعربية اللي حاطينها للتجربة، ودي كانت عاملة 9000 كيلو، يعني أظن لو فيها عيوب جوهرية حتبان في الاختبار، كانت ما شاء الله مريحة جدا في سواقتها مع ثبات جيد وعفشة مريحة بالرغم اني عملت الاختبار في المنطقة الوعرة اللي ورا التوكيل في شيراتون.
بعد الاستخارة ومراجعة المنتدي والمواضيع المختلفة عن البريليانس الـ V5 توكلت على الله واشتريت V5 كسر زيرو.
لما جيت أشتري العربية كشفت على معظم الملاحظات البسيطة اللي الناس بتحكي عليها في المنتدى، وكشفت عند الميكانيكي بتاعي بدل التوكيل، على أساس ان التوكيل في العادة بيتنصل من نتيجة كشفه لو حصل مشاكل بعد كده.
الميكانيكي طمنني ان مافيهاش مشاكل واضحة وحتى لو فيها حاجة المفروض انها لسه في الضمان.
عموما قعدت اسبوعين بالسي دي العادي بتاعها وبعدين قلت أجرب أركب الدي في دي، كنت عارف ان سعره في التوكيل بـ 7000 فقررت أشتري من المعروض في شارع دمشق اللي في حدود 3850 بالكاميرا الخلفية بس من غير شاشات مخادع.
في الغالب الموجود في دمشق مختلف عن الموجود في التوكيل وياريت اللي ركب اللي في التوكيل يحطلنا صورة من شاشته عشان نقدر نقارن.
الجهاز من دمشق كان فيه شوية عيوب:
-عند تركيب الجهاز أول مرة، كان الميكروفون بتاع البلوتوث مش شغال كويس وصوته ضعيف، واضطريت أستبدل الجهاز بواحد بميكروفون خارجي وأدفع الفرق
- الجي بي اس معاه خريطة قديمة تقريبا من 2010، قمت بتحديثها بنفسي لخرائط 2012، ولسه بدور على خرائط أحدث
-اليو اس بي مابيقراش فلاشات أكبر من 4 جيجا، وغالبا الموضوع ده له علاقة بالكابل الواصل من الجهاز للكونسول، لسه مش عارف أوصل لحله
-للأسف الفني اللي ركب الكاميرا ركبها أقرب لحرف العربية عن المنتصف، وبالتالي مجال الرؤية مش مضبوط تماما
-الجهاز مش بيقرأ معلومات كفاية من كمبيوتر العربية (CANBUS) غير يا دوب معلومات عن التكيف شغال ولا ﻷ وسرعة المروحة
-طبعا وجود التلفزيون في الجهاز، حتى مع تركيب الايريال، مالوش أي لازمة ﻷن اشارة التلفزيون أصلا وحشة
-امكانيات الصوت محدودة جدا والاكواليزر على قده
-برنامج تشغيل الـmp3 برضه امكانياته محدودة ومش بيقرا كل الفايلات
-الجهاز غير معلوم المصدر، وماشفتش معروض زيه غير في مواقع روسية، حاولت بلا جدوي الاتصال بمصانع مختلفة للحصول على معلومات أكثر، أو الحصول على تحديث للسوفتوير، بس للأسف مش عارف أوصل للمصدر
اجمالا مش خسارة كبيرة وعلى الأقل الجهاز بالجي بي اس بيزود طبعا من قيمة العربية
الملحوظة العامة عن العربية انها كويسة من ناحية الامكانيات والتقفيل بالمقارنة بالسعر، يعني مش حتلاقي عربية تانية بنفس جودة صالونها بنفس السعر
برضه ملحوظه سلبية ان أغلب الظن الموديلات الموجودة عندنا بالرغم انها هايلاين، الا أنها تفتقد بعض الامكانيات البسيطة الموجودة في نفس العربيات في بلاد تانية، يعني أنا شفت على النت عربيات فيها كروز كنترول وحساسات درجة الحرارة داخل وخارج السيارة، برضه بعض الامكانيات دي مكتوبة في دليل المستخدم والمفروض تكون موجودة في أعلى موديل.
وعلى فكرة الامكانيات دي مش حاجة غالية بس بتزود من قيمة العربية وراحتها في الاستخدام.
بعض الملحوظات البسيطة:
- كمبيوتر السيارة الـ EBD2 لا يتم قراءته من الاجهزة الموجودة في السوق، وسأستمر في البحث عن جهاز يقرأ من الـ ECU
- برضه الكمبيوتر الـ CANBUS مش بيطلع معلومات كفاية
- أصوات التزييق من الشنطة ومن احدي المرايات محتاجة زيارة للتوكيل أو لحد يعملها
أعتذر اني ماقدرتش أغطي كل حاجة، بس حاولت أعرض معلومات عن الحاجات اللي ركزت فيها أكتر
رقم العضوية : 174414
تاريخ التسجيل : 17Apr2015
المشاركات : 6
النوع : ذكر
الاقامة : القاهرة
السيارة: باليو
السيارة[2]: 128
الحالة :
عفوا تصحيح بسيط، قصدي بكمبيوتر السيارة الـOBDii وليس الـEBD الخاص بنظام الفرامل، آسف على الخطأ
ولمقارنة السيارة ال2015 الموجودة عندنا وال2015 التي تباع في الخارج رجاء مشاهدة الصفحة
Brilliance V5 | ChinaAutoWeb
رقم العضوية : 89096
تاريخ التسجيل : 21Feb2011
المشاركات : 588
النوع : ذكر
الاقامة : الاسكندرية
السيارة: استرا كوزمو 2012 + IX35 2015
السيارة[2]: سيات 133 + ماتريكس 2008
دراجة بخارية: SYM150, 200, 300 & 400 - CB600F- 919- F4i - Shadow 400 & 750 - Magna - R1
الحالة :
مبروك عليك العربيه والدي في دي
يديك خيرهم يارب ويكفيك شرهم
مايصدر [OVERLINE]عني [/OVERLINE]هو مجرد راي [OVERLINE]الشخصي البحت [/OVERLINE]وقد [OVERLINE]اختلف [/OVERLINE]او [OVERLINE]اتفق [/OVERLINE]مع الاخرين فى الفكرة ولكني علي استعداد [OVERLINE]لتعلم شئ جديد[/OVERLINE].
رقم العضوية : 27376
تاريخ التسجيل : 11Dec2008
المشاركات : 25
النوع : ذكر
الاقامة : القاهرة
السيارة: 2
السيارة[2]: 1
الحالة :
ممكن نعرف منك استهلاك البنزين قد ايه من غير تكييف وايضا بالتكييف
لانى سمعت ان التكييف بتعها قوى وبيحرق بنزين كتير
وياريت كمان لو عندك فكرة عن اسعار قطع الغيار
المفضلات