تنتيشة ع التاني والكمبيوتر قال حساس الاكسجين معني الكلام ده من فضلكم

**محمود فرنسا** · 09-06-2015 03:15 AM

السلام عليكم ورحمة الله وبركاتة
عندي مشكلة مش عارفلها العربية بتنتش ع التاني واوقات ع التالت كأنى بدوس وبشيل رجلي من ع البنزين ورا بعض تلت اربع مرات والكمبيوتر قال حساس الاكسجين الفني قالى من الشكمان بيقولي فيه تنفيسة روحت لبتاع الشكمانات قالى الشكمان تمام مفيش عندك غير علبة البيئة مكسورة وعايزه تتغير بـ 250 ج بس انا حاسس ان المشكلة دي ملهاش علاقه بالشكمان مع العلم اني لسه عامل سرفيس كامل ومغير زيت شل الاصفر ومغير حساس الكرنك
مش عارف المشكلة دي من رايكم ممكن تكون من ايه !!

مشكلة تانية

وانا ماشى بعد 40 بحس ان فيه تخبيطات جاية من ناحية البدالات وتحديداً الدبرياج
روحت غيرت بلي عجل يمين بـ بلي المانى العفشجي قالى كويسه وركبها وشيكنا ع المقصات والبارات وغيرنا جلبتين بارات وغيرت تلت قواعد موتور اصلي وبعد كل ده الصوت لسه زي ماهو ف البدالات مش عارف الصوت ده ناتج من ايه .

واخيراً
وانا ماشى على الدائري الصبح حسيت ان العجل بيطلع صوت زي تكتكه كدة مع ان العجل والجنوط جداد نزلت جسيت العجل لقيته مش سخن والجنوط طبيعيه برضو .

ياريت تفيدونا ياجماعة بأسرع وقت لانى بضبط العربية اليومين دول
وكل عام وانتم بخير ورمضان كريم عليكم جميعاً

**محمود فرنسا** · 09-06-2015 02:51 PM

92 مشاهدة ومفيش ولا رد
عموماً انا نازل دلوقتى رايح للميكانيكي يجربها تانى وهشوف هيقول ايه
ياريت ياجماعة اى حد عنده معلومة ميبخلش علينا بيها احنا داخلين على رمضان
اعتبرها صدقه جاريه يا اخى

**tasaka** · 09-06-2015 05:54 PM

انا موش فاهم تقصد ايه بعلبه البيئه مكسوره ؟ ام تقصد انها يتشخشخ من جوه

لو فيه تسريب هوا قبل حساس الاكسجين اللى على العلبه .. يبقى لازم تمنع التسريب ده علشان الحساس يعطى قراءه صحيحه .. بغض النظر عن انه سبب العطل ام لا

و هل العربيه بتأكل بنزين زياده ( الهواء الزياده لو فيه تسريب هوا .. حيخلى الكمبيوتر يزود نسبه البنزين ) ؟

**محمود فرنسا** · 10-06-2015 01:59 AM

المشاركة الأصلية كتبت بواسطة tasaka

انا موش فاهم تقصد ايه بعلبه البيئه مكسوره ؟ ام تقصد انها يتشخشخ من جوه

لو فيه تسريب هوا قبل حساس الاكسجين اللى على العلبه .. يبقى لازم تمنع التسريب ده علشان الحساس يعطى قراءه صحيحه .. بغض النظر عن انه سبب العطل ام لا

و هل العربيه بتأكل بنزين زياده ( الهواء الزياده لو فيه تسريب هوا .. حيخلى الكمبيوتر يزود نسبه البنزين ) ؟

المشكلة عندي ف صوت المكنه لما بزود على وضع المور بسمع صوت تنفيس كدة ف الاخر واحد بتاع شكمانات قالى علبة البيئة مكسورة اجيبلك واحدة ب 250 ج روحت لواحد تانى قالى علبة البيئة مفيهاش حاجه وقالى الصوت ده من العلبة اللى ورا وقالى بالتركيب ب 230 وكبس بأيدة الشكمان من ورا ومطلعش تنفيس ولا حاجه طلع بس زي هباب ف ايدة كأن عليه نقطة جاز
مش عارف اصدق مين ولا مين شكلي هروح لحد تانى ياريت لو حد يعرف بتاع شكمانات بيفهم ف المريوطية هرم فيصل المهندسين الدقى ميبخلش علينا

بالنسبة لموضوع اكل البنزين ف الحقيقة انا مش عارف لانى العوامة عندي كانت بتقرء غلط ولسه مغيرها امبارح بس وفولت النهاردة 30 لتر وهحسب الاستهلاك

**Abo_Mazen** · 10-06-2015 12:28 PM

أنا متعود على حاجه في العربية عندي ..لما يكون فيه مشكلة وبدور على حل ليها ..وأكتشف مشكلة تانيه مكانتش ظاهره ليا ..أو أكتشف مشكلة تانيه مكنتش ملاحظها ..أقوم أعالج المشكلة اللي أنا إكتشفتها ..ليه بقى ..؟؟عشان وأنا بدور على حل للمشكلة الأصلية أبقى قافل اي إحتمالات إن يكون فيه مشاكل تانيه فرعية ليها دخل بالمشكلة اللي أنا بدور على حل ليها

**محمود فرنسا** · 10-06-2015 03:17 PM

المشاركة الأصلية كتبت بواسطة abo_mazen

أنا متعود على حاجه في العربية عندي ..لما يكون فيه مشكلة وبدور على حل ليها ..وأكتشف مشكلة تانيه مكانتش ظاهره ليا ..أو أكتشف مشكلة تانيه مكنتش ملاحظها ..أقوم أعالج المشكلة اللي أنا إكتشفتها ..ليه بقى ..؟؟عشان وأنا بدور على حل للمشكلة الأصلية أبقى قافل اي إحتمالات إن يكون فيه مشاكل تانيه فرعية ليها دخل بالمشكلة اللي أنا بدور على حل ليها

المشكلة انك تلاقى حد يقدر يحل المشكلة مش يخليك تغير ف حاجات كتيره وف الاخر مفيش مشكلة تتحل
ياريت ياجماعة اى حد حصل معاه مشكلة من المشاكل اللى ذكرتها ويقدر يفيد ف حاجه يقولنا تجربته ومتشكر جداً على كل من اهتم بالرد والمشاركة