الموضوع: تقرير عن تركيب انوار LED لشنطة وارقام اللوحة للعربية هاي لاين ix35

بسم الله الرحمن الرحيم
السلام عليكم و رحمة الله و بركاته

تقرير عن تركيب انوار LED لشنطة وارقام اللوحة للعربية هاي لاين ix35
فى الاسكندرية

اليكم تفاصيل الاسعار والتركيبات

* عدد 2 لمبة لنور اللوحات - السعر للمبات الاتنين 10جنية - اجمالي 10جنية

* عدد 1 لمبة لنور الشنطة - السعر للمبة واحدة 10جنية - اجمالي 10جنية


عملية الشراء

كل الحاجة كانت من عند نفس المحل فى شارع صلاح الدين علي الترام علي صف مدرسة الدون بوسكو لانى شايف انهم احسن سعر فى السوق والخامات الموجودة فى السوق كلها متشابهة – لان كمان جربتهم امبارح في نور الصالون


عملية التركيب

التركيب حصل عندي فى الجراج لانى امبارح كنت فاضي ومش لاقي اي حاجة اعملها وقلت طالما بدات يبقي اكمل بقى


طريقةالتركيب

نور الشنطة - الفكرة انك تفك الباغة الموجودة بحاجة رفيعة بلاستيك عشان متتكسرش او تتجرح ولما بتتطلع بتلاقى ان اللمبة موصوله علي فيشة بتشدها وبتتطلع معاك اللمبة القديمة وتركب الجديدة

نور اللوحات - الفكرة هنا مختلفة لانك عشان تفك الباغة الموجودة لازم الاول تدوس علي كبسونة موجودة في الباغة ذات نفسها ولما بتتطلع بتلاقى ان اللمبة موصوله علي فيشة وطريقة فتح الفيشة دي انك بتلفها عكس اتجاه عقارب الساعه براحة خالص لانها رقيقة وبتتطلع معاك اللمبة القديمة وتركب الجديدة

معلش بس انا مش عارف ايه ال bcm وحاولت اقرا حاجات فى ويكيبيديا بس النتايج طلعت بحاجات هلامية

اشرحلي ايه هوا واهو افهم منك معلومة جديدة