الموضوع: تنشنة اثناء السير عند تقليب النور العالي اول مرة - لانوس

السلام عليكم ورحمة الله وبركاته

شباب النهاردة طلعلي اختراع جديد
وهو أني وانا ماشي عادي في آمان الله، أجي اقلب نور عالي ، اول ما ابدأ اقلب ف اول مرة احس تنشنه ف العربية وكأنها كانت عايزة تقف بس غيرت رأيها وكملت مشي عادي.

دا من ايه دا يا شباب، العربية عندها صغطه ولا ايه

أشربها ميه طيب ؟

المشاركة الأصلية كتبت بواسطة aymanshebl

اكشف على الدينامو

المشاركة الأصلية كتبت بواسطة Abo_Mazen

شوف الدينامو ..شوف الموبينا

المشاركة الأصلية كتبت بواسطة SHERBINII

دينامو مش بيشحن والبطارية حتفضي شحن خلي بالك

المشاركة الأصلية كتبت بواسطة A.Elmosallamy

نفس اللي كان بيحصل عندي بس النور ساعتها كان مقلوب العالي واطي و الواطي عالي و كان فيه تلميس في العربية صلحت الحاجات دي الدنيا اتظبطت و التلميس كان جاي من توصيلات الشاشة اللي مركبها

شكرااااااا ياجماعة علي اهتمامكم
انا قولت اروح لواحد صاحبي بيفهم بردوا ف عربيّات قبل ما اروح لمكانيكي ويفضل يخترعلي
صاحبي اول ما قولتله الكلام قالي ممكن يكون سلك البطارية مهزوز لانها حصلت معإه قبل كدا، فتحنا الكبوت لقينا فعلا سلك الموجب او السالب مش فاكر المهم هو اللي من ناحية اليمين تقريبا مفكوك وملمس بس فهو ربطهولي وخلاص الحمدلله مبقتش تعمل الحركه دي تاني

والحمدلله لا طلعت موبينه ولا دينمو، لسه كنت مغير سير كاتينه ومش طلباها فك ف العربيه تاني خااااالص

شكرًا ليكم تاني ياجماعة وبارك الله فيكم ع المساعدة.
في آمان الله