الناس اللي جربت الالنترا من 2011 وطالع.. افيدوني

**4fun14** · 12-06-2015 11:42 PM

انا كنت ناوي علي لانسر شارك.. بس اختي في الامارات معاها الالنترا 2012 ومبسوطه منها وبتنصحني بيها
وجوزها رغم انه معاه نيسان التيما بس بيحب الالنترا عنها!
لعبولي ف دماغي من خصوصا لما عرفت ان الانترا بفتحه سقف ب 170 يعني زي الشارك الكامله واباه تفاديت العيوب الشهيره بتاعه ضيق الشنطه والعزل السئ وضعف السحب مقارنه بالالنترا..
المطلوب منكم تنقلولي انطباعكم او تقييمكم للفتره اللي استخدمتوا فيها العربيه ولو تعرفوا مقارنه عادله بينها وبين الشارك يباه كتر خيركم
وياريت تقولولي اذا عيب علبه الدريكسيون اتعالجت ولا لا.. وهل توكيل غبور كويس وبيغير الحاجات اللي فيها مشاكل فعلا ولا بيماطل؟
والالنترا ثابته لغايه سرعه كام؟
وهل فعلا اي خبطه الصمكري بيتنح فيها ومبيعرفش يرجعها زي الاول بسبب الكيرفات والتمويجات الكتير؟
واثه الفرق بينها وبين السيراتو عشان هنا ف قسم المقارنات كله رجح السيراتو ومقلش اسباب.. وانا لما بصيت علي اوبشنز السيراتو لقيتها زي الالنترا في نفس الفئه السعريه..
اسالتي كتير بس محتاج خبرتكم
وشكرا مقدما

**zizo gamal** · 13-06-2015 03:56 AM

انا معايا الانترا 2015 الي بفتحة سقف و جنط و abs . هي عربية حلوة اوي و ثبات كويس و مريحة و ابشن مش بطال .
الشارك انا مبحبهاش دا غير ان فيها اكتر من 7 فئات ( وكيل و خليجي )
الانترا تتميز عن الشارك انها اوسع و احسن في الاوبشنز و الشكل و الماتور اقوي و قطع غيارها موجودة و رخيصة بالنسبة لل شارك و الثبات تقريبا واحد ..
غبور كا صيانة كويس مش بطال .. و لو العربية فيها حاجة ضد عيوب الصناعة هيعملهالك مفيش مشكلة
السيراتو بقي اخت الانترا هو هو المصنع و هو هو التقفيل و هي هي الخامة بس السيراتو احلا في الاوبشن .. و الانترا احلي من السيراتو في الوسع بتاع الصالون ..
نصيحة اخوية بقي و فكك من الكلام دا كلة ..
لو تقدر تركب سيراتو هاي لاين اللي فيها ليد من ورا اتوكل علي الله لو مقدرتش اركب الانترا اللي هي ب 170
و ربنا معاك ان شاء .. بس ابقي قولي انت اخترت اية في الاخر

**4fun14** · 13-06-2015 07:32 AM

السيراتو الهاي لاين بتوصل لفوق ال 200 الف.. لو عرفت اوصل الميزانيه لكده هفكني من كل ده واجيب كورولا طبعا
رغم ان السيراتو فعلا عامله اوبشنز زي الرز ف الفئات العالية
هل سمعت جديد عن عيوب علب الدريكسيون ف الالنترا؟
ومتشكر اوي لاهتمامك

**Mecha** · 13-06-2015 10:29 AM

http://www.nilemotors.net/Nile/466520-2015.html

**Mecha** · 13-06-2015 10:31 AM

http://www.nilemotors.net/Nile/464480-a.html
www.nilemotors.net/Nile/304665-2010.html
www.nilemotors.net/Nile/269823-2012.html

**zizo gamal** · 13-06-2015 06:47 PM

المشاركة الأصلية كتبت بواسطة 4fun14

السيراتو الهاي لاين بتوصل لفوق ال 200 الف.. لو عرفت اوصل الميزانيه لكده هفكني من كل ده واجيب كورولا طبعا
رغم ان السيراتو فعلا عامله اوبشنز زي الرز ف الفئات العالية
هل سمعت جديد عن عيوب علب الدريكسيون ف الالنترا؟
ومتشكر اوي لاهتمامك

لا يا باشا مفيش فيها مشكلة .. دي كانت في 2012 و حلوها دلوقتي و في صنايعية بيحلو الموضوع دا بسهولة

**4fun14** · 14-06-2015 09:40 AM

طيب سؤال سريع
انا اعرف ان مواتير الهيونداى عموما والالنترا خصوصا قوى جدا وسريع بس المشكله في الثبات
هل الثبات على 140 مثلا مقبول؟ولا يباه اخرك كام قبل ماتحس ان العربيه بقت خفيفة؟

**zizo gamal** · 15-06-2015 04:37 PM

المشاركة الأصلية كتبت بواسطة 4fun14

طيب سؤال سريع
انا اعرف ان مواتير الهيونداى عموما والالنترا خصوصا قوى جدا وسريع بس المشكله في الثبات
هل الثبات على 140 مثلا مقبول؟ولا يباه اخرك كام قبل ماتحس ان العربيه بقت خفيفة؟

لو ب جنط 16 العربية حلوة لغاية 160 170 .
انا عن نفسي بجيب 200 و بكون مش مقلق بس دا علي طريق سفر

**4fun14** · 16-06-2015 09:43 AM

شكرا يا أستاذ زيزو..إجابات مختصرة ووافية

**4fun14** · 18-06-2015 09:54 AM

طيب كام سؤال كمان معلهش:
1- الصيانات بتتعمل كل 10 الاف كيلو ولا كل 5؟
2-متوسط سعر الصيانه في التوكيل كام؟
3-امبارح عضو عمل قائمة بأسعار قطع غيار الشارك جابلى اكتئاب الحقيقة ومش قادر الاقى موضوع هنا مشابه عن الالنترا..هل الالنترا أسعارها زى الشارك ولا اغلى ولا ارخص؟