أبرز عيوب ومشاكل أفينسيس 2006؟

**Ahmedology** · 13-06-2015 07:37 PM

السلام عليكم.

كل سنة وانتم طيبين يا جماعة ويعود عليكم رمضان بكل خير إن شاء الله.

عندي استفسار بخصوص أبرز عيوب ومشاكل تويوتا أفينسيس موديل 2006 وتفرق إيه عن موديل 2007 (لأن فيه ناس قالتلي حصل بعض التعديلات في موديل 2007)؟

وليه يا ترى أسعارها منخفضة كسيارة مستعملة؟ يعني بالمقارنة ياريس 2007 تكاد تكون بنفس سعر أفينسيس 2006! هل ده معقول؟ ليه سعرها منخفض كدة؟

أرجو إني ألاقي إجابات لاستفساراتي عندكم، وشكراً جزيلاً مقدماً :)

**omar101970** · 15-06-2015 08:19 PM

عربيه نادره جدا فى السوق المصرى ووغير موجوده بالخليج

**Ahmedology** · 16-06-2015 07:56 PM

شكراً يا أ/عمر. بس ده مش عيب أوي يعني، أنا كنت أقصد عيوب ميكانيكية، عيوب تصميم، مشكلة مزمنة بتواجه أصحابها، وهكذا..

**omar101970** · 17-06-2015 08:04 AM

بوجه عام التويوتا معروف عنها الاعتماديه.
فى رايى اكبر مشكله للافنسيس ان الريسيل فاليو حايكون قليل.
وحضرتك اتاكد من توافر قطع غيارها.
وطبعا ملاك العربيه يفيدوك اكتر.

**Ahmedology** · 17-06-2015 04:05 PM

تمام معاك حق فعلاً في نقطة قطع الغيار دي، فعلاً مش متوفرة أوي برة التوكيل..

**Ahmedology** · 18-06-2015 09:53 AM

حد عنده أي معلومات تانية يا جماعة..؟!

**أبو عبدالله** · 18-06-2015 11:34 AM

العربية دي من اكتر العربيات المحترمه اللي لم تأخذ وضعها في السوق المصري
وعموما كتير بيقتنوها
العربية ليس لها اي عيوب معروفة
العربية الموديل 2007 في تعديلات في الشبكة الامامية والفوانيس ومكان شاشة الكمبيوتر في الداخل
العربية سعرها جامد جدا جدا خصوصا انها فئة العربيات العائلية الكبيرة

العربية سعرها نازل لسبب واحد خلف اسباب سوقية وراه
الا وهو المانوال
العربية بتنزل مانوال فده قتلها زس ما قتل الفورد مونديو برضه

غير كده العربية دي تحفة والله بالنسبة لسعرها
اللي مش فارق معاه الفتيس بجد يبقى خساره ميجبهاش

وعموما هو سعر اعادة البيع بتاعها دلوقتي مش هينزل اكتر من كده يعني انت شاريها رخيصه اساسا
وربنا يوفقك