بيجو 2008

**shifoo68** · 17-06-2015 03:09 PM

عاجبانى جدا البيجو 2008 الهاى لاين شكلها الخارجى جميل والصالون الداخلى فخم وخصوصا خامات الفرش ةالتابلوة يمكن تكون ضيقة شوية عن السيراتو 2014 لأنها معايا بس سوإلى أخبار البيجو موتور وسحب وثبات والاهم العفشة ةةةة لأن السيراتو ناشفة بصراحة هل ارتاح فى الموضوع دة طبعا إعادة البيع حتبقى ضايعة بس ملاحظ انتشار فى عربيات البيجو فى الشارع عايز حد يفيدنا فى ال 2008 بالذات عن تجربة وشكرا

**nav man** · 17-06-2015 10:55 PM

استاذنك لو تشوف مواضيعي عن العربية.انا الحمدلله عامل بيها 26000 كم ومافيش مشاكل.معلش انا مجربتش السيراتو علشان احكم عليها.وممكن تعمل تيست درايف للعربية في التوكيل علشان تحكم.واي استفسار انا معاك.

**shifoo68** · 18-06-2015 12:56 AM

المشاركة الأصلية كتبت بواسطة nav man

استاذنك لو تشوف مواضيعي عن العربية.انا الحمدلله عامل بيها 26000 كم ومافيش مشاكل.معلش انا مجربتش السيراتو علشان احكم عليها.وممكن تعمل تيست درايف للعربية في التوكيل علشان تحكم.واي استفسار انا معاك.

شكرا لرد حضرتك ورمضان كريم عليك أولا ياريت تقولى انطباع حضرتك عليها اية و العفشة بتاعتها وحاجة تانية أهم من العربية التوكيل والصيانة قطع الغيار نظامهم اية الخدمة برضة مهمة لأن فى توكيلات مضيعة العربيات بتاعتة زى السوبارو مع أنها عربية لا اختلاف عليها ومحترمة جدا

**Ashraf Fawzy** · 18-06-2015 01:24 AM

مش حالة عامة فى البيجو 2008 لكن لازم تاخد فكره عن تصرف التوكيل مع عميل إتعرض لحادثة بنفس الموديل نتيجة إنكسار الأكس و هوا ماشى, و رغم إن العميل عامل تأمين على العربية فضل شهرين فى إجراءات حماية المستهلك و طبعاً عمل كشف فى كلية هندسة المطرية و طلع من الأوائل, و قابلت مالك العربية فى حماية المستهلك و هو شخص محترم و مهذب و رب أسرة, فمن المستبعد و خصوصاً إنه عامل تأمين يكون بيرمى بلاه على التوكيل و يقعد هوا و أسرته شهرين من غير العربية, و بالنسبة لنتيجة التقرير فطلع تقرير هندسة المطرية إنه أكل مطب فالأكس إنكسر و بالتالى ليست مسؤلية توكيل بيجو و لا مسؤلية شركة بيجو.

**shifoo68** · 18-06-2015 04:31 PM

المشاركة الأصلية كتبت بواسطة ashraf fawzy

مش حالة عامة فى البيجو 2008 لكن لازم تاخد فكره عن تصرف التوكيل مع عميل إتعرض لحادثة بنفس الموديل نتيجة إنكسار الأكس و هوا ماشى, و رغم إن العميل عامل تأمين على العربية فضل شهرين فى إجراءات حماية المستهلك و طبعاً عمل كشف فى كلية هندسة المطرية و طلع من الأوائل, و قابلت مالك العربية فى حماية المستهلك و هو شخص محترم و مهذب و رب أسرة, فمن المستبعد و خصوصاً إنه عامل تأمين يكون بيرمى بلاه على التوكيل و يقعد هوا و أسرته شهرين من غير العربية, و بالنسبة لنتيجة التقرير فطلع تقرير هندسة المطرية إنه أكل مطب فالأكس إنكسر و بالتالى ليست مسؤلية توكيل بيجو و لا مسؤلية شركة بيجو.

شكرا لرد حضرتك معنى كلامك انها عربية ضعيفة المكونات مطب كسر اكس واحنا هنا شوارعنا كلها مطبات وبلاغات سواء الجانبية أو الرئيسية يعنى الكورى امتن من الاوروبى انا لا أعتقد ذلك

**Ashraf Fawzy** · 18-06-2015 06:10 PM

المشاركة الأصلية كتبت بواسطة shifoo68

شكرا لرد حضرتك معنى كلامك انها عربية ضعيفة المكونات مطب كسر اكس واحنا هنا شوارعنا كلها مطبات وبلاغات سواء الجانبية أو الرئيسية يعنى الكورى امتن من الاوروبى انا لا أعتقد ذلك

ده مش كلامى, ده كلام لجنة الفحص الهندسى فى كلية المطرية.

**nav man** · 24-06-2015 02:09 AM

انا اسف علي التاخير في الرد.اولا العربية قوية وانا هالكها سفر ومطبات وحفر.ثانيا العربية مش عفشة 4×4 دي كروس اوفر يعني تعتبر عفشة سيدان ولو اني مش بعملها كدا خالص.انا مش بعلق علي الصور انا بس بقول انها بقالها معايا من شهر 3 /2014 والحمد لله مافيش اي مشاكل واكلت بيها حفر ومطبات كتير.وربنا يصبر صاحب الصور.قطع غيارها اسعارها كويسة وارخص من الكوري والياباني.