الموضوع: هل مراتك او ابنك ....... اصحابك !!!!!!!!

الساده الكرام

كنت سرحان شويه و خطر على دماغى السؤال ده و فكرت فيها و حسيت انه ما ينفعش

كل واحد لما يتزوج بيبقى نفسه مراته تبقى زوجته و حبيبته و صاحبته و عشيقته

بس للاسف بعد فتره لن يجد فيها الا انها زوجته و وواخده شويه من ابوه

طيب فين الافكار الورديه بتاعة مراتك تبقى صاحبتك و انت اقرب اتنين لبعض و الكلام ده

نقلت التفكير لمثال اخر

كل شويه يقولوا المفروض انك كأب تكون صديق لابنك و ده مهم فى التربيه و خلافه الى اخر الرغى النظرى

بس برضه لقيت انه مينفعش بالمعنى الحرفى للصداقه

لان مش معقول ابنى اللى هو صاحبى هيقولى النهارده عملت كذا ( حاجه مش حلوه ) و انا كصاحبه

يا اما هاشجعه و اقوله انت فنان وواد جامد ( و كده انا هابوظ الواد )

او هاقوله ما يصحش كده و افهمه الغلط بالراحه و ساعتها الواد هايقول على صاحب (خنيق) و يسيبنى

او اتقمص دور الوالد و اقوله و دينى لو عملتها لاطلع تيييييييييييييييييييييييي يييييييييييييييت مع حاجه بدنيه على الماشى و هو و نصيبه

قلم , شلوت , حزام

---------------------

المشكله مع الزوجه اكبر من كده

هاتخاف تبقى صديقتك و تحكى لها كل اللى بيحصل معاك

لانها هتاخد و تدى معاك مفيش مشاكل و ممكن كمان تقولك على اراء و نصايح هايله

بس بمجرد ما تقعد و تدى مع نفسها , هتلاقيها بتستخلص حاجات عجيبه من اللى انت حكيته

و برضه هاتكون عاقله و مش هاتكلمك فى حاجه

انما عندها الرام ما بيصفرش نفسه مع ريستارت اليوم , الرام عندها و لا اجدعها هارد

و فى خاصيه انك لما بتحكى جديد , بتعيد تجميعه مع القديم اللى عندها و تجعلهم نسيج واحد

مش لازم يبقى الكلام فى حاجه مشينه

ممكن تكون بتحكى فى كلام عادى


المشكله ان بعدين هتلاقى بيتقالك , انت عاوز تعمل كده

فاكر لما قولتيلى مين عمل كده و فىالاخر اتجوز سكرتيرته هههههههههههههههههه


مين بقى شجيع و عرف يخلى هو و المدام اصحاب

او هو و ابنه اصحاب


عن نفسى , مش قادر ليس لعله و لكن لتجنب وجع الدماغ المستقبلى

انا صريح ,