الموضوع: اية رايكم في دهانات باكين ؟

cmb ممتازة جدا بعد يوتن

السلام عليكم
حضرتك انا كنت شغال مندوب توريد خامات دهانات على مستوى مصر وكنت بعامل كل المصانع دى
باكين شركة تصنيف اول وبتتميز فعلا فى الالكيت ريزين وعندها محطة انتاج الالكيت دا هو خام المنتجات الزيتية بيستخرج من زيت الصويا هى مشهورة بىه على مستوى افريقيا وبتصدره
فلو عايز تدهن زيت متدورش وتتعب روحك هات باكين من موزع معتمد عشان تتلافى المضروب
بالنسبة للتشطبيات ذو الاساس المائى زى (النعجون الداخلى - البلاستك-الفنش النهائى) فى عدة شركات ممتازة وكلها بتتعامل مع نفس خامات التشغيل تصنيف أول (سايبس - يوتين - كابسى -cmb -باكين-glc) كل دول تصنيف اول وبيعاملوا نفس مورد خامات الريزين (فينافيل - ايجل ) الاسعار على حسب الماركة والاسم طبعا والشهرة
اشهر معجون داخلى سايبس وسعره معقول وجودة ممتازة
الدهان الخارجى كل الشركات الى ذكرتها ممتازين ويمكن cmb بيستورد خاماته بنفسه ومستواه ثابت بقالو سنين طويلة
الخلاصة كل دول اشترى منهم وانت مطمئن وخلى بالك من حاجتين
- تجيب من موزع معتمد ويفضل فرع الشركة نفسه عشان كل ماركة وليها العلامة المقلدة بتاعتها
- أوعى تمشى ورا رأى الصنايعى يقولك الماركة دى بقا ممتازة وانا مجربها ومعرفش اشتغل الا بيها ولو جبت ماركة تانية انا مش مسئول للاسف كل دا نصب و توقيع للزبون لان السوق دا بيقوم على بيزنيس بين اصحاب المصانع والصنايعية وفلوس من تحت الترابيزة والله هذا يحصل فى اغلب الصنايعية معدومى الضمير الا من رحم ربى
احتجت اى مساعدة انا تحت امرك
تحياتى

أكيد فيه فرق حضرتك و إلا يوتن ما يبيعش بأسعار أعلى و يتمسك بيها .

اليوتن معروف إنه قوى جدا من حيث مقاومة العوامل الجوية ( كدهان واجهات )

بالنسبة للداخلى بصراحة جربت باكين من زمان حوالى سنة 2000 و مكانش على درجة الجودة اللى كنت عايزها لإن الأبيض كان بيجير معايا .آخر مرة إستعملت يوتن و كويس جدا

المشاركة الأصلية كتبت بواسطة ahmedwagdy03

أكيد فيه فرق حضرتك و إلا يوتن ما يبيعش بأسعار أعلى و يتمسك بيها .

اليوتن معروف إنه قوى جدا من حيث مقاومة العوامل الجوية ( كدهان واجهات )

بالنسبة للداخلى بصراحة جربت باكين من زمان حوالى سنة 2000 و مكانش على درجة الجودة اللى كنت عايزها لإن الأبيض كان بيجير معايا .آخر مرة إستعملت يوتن و كويس جدا

حضرتك شركات التصنيف الاول تلتزم بالمعايير الدولية فى التركيبات وهذا هى الفيصل
يعنى مثلا تركيبة البلاستيك الابيض(15% ريزين وهو خام من البوليمارات وهو اساس المقاومة للعوامل الجوية- 10% تيتانيوم داى اوكسيد ودا اساس اللون الابيض فى التغطية- 15% كربونات الكالسيوم - 5% مانع عفونة ومانع ترسيب - 5% مواد أخرى -50% ماء مقطر)
حتلاقى حضرتك الشركات التصنيف الاول ملتزمة بالمواد الخام والنسب دى فحضرتك حتلاقى المنتج النهائى شبة متساوى او اختلافات بسيطة جدا لكن غير مؤثرة بس ماتشتريش منتج شركة كبيرة مكتوب عليه اقتصادى لان معنى الكلمة دى انو ابتدى يوفر فى الخامات الغالية ويلعب فى النسب عشان يطلع منتج رخيص
كمان يوتين بتعمل اعلانات وبتصرف على العبوة الخارجية دا غير انها شركة عالمية ملتزمة بهامش ربح يغطى مصاريفها العالية جدا
بس انا اوؤكد لحضرتك الاختلافات بين الشركات الدرجة الاولى بسيطة بس السيط بقا بيسمع
تحياتى