مشكلة في فيرنا مجنناني ساعدوني بالله عليكم

**mobarez888** · 18-06-2015 04:19 AM

عندي فيرنا 2006 موتور 1500 cc تدور الصبح وهي باردة عادي جدا ، لو رحت مشوار وطفيت ودورت على طول تدور وهي سخنة عادي جدا من لمسه المشكلة بقا لو مشيت مسافة 10 كيلو مثلا وجيت بطلت واستنيت تلت ساعة اجي أدور مستحيل تدور ، لازم استنا عليها لا يقل عن ساعة لما تسقع عالآخر وبعدين أدور تدور عادي ن يبقى وهي باردة أوي تدور عادي وهي سخنة اوي تدور عادي وهي دافيه او هادية مستحيل تدور ، رحت للميكانيكي غير بوجيهات وغير فلتر بنزين والعيب قائم وبعدين غير قلب طرمبة البنزين والعيب قائم وأخر حاجة النهاردة غير كتاوت طرمبة البنزين وبرضة المشكلة قائمة ، هتجنن خلاص ومش عارف أعمل فيها إيه ؟ ساعدوني بالله عليكم

**AymanEF** · 18-06-2015 08:20 AM

هيا مشكله غريبه شيك على البطاريه الاول مش عارف حاسس انها مشكله بطاريه

**Abo_Mazen** · 18-06-2015 09:30 AM

شوف الكويلات أو الموبينه حسب ما يكون إسمها عندك ..بس برضه شيك عليها

**م أحمد** · 18-06-2015 09:56 AM

مش بتدور نهائيا و لا المارش بيدورها بس مش بتقوم ؟

لو مش بتدور نهائيا ممكن يكون عيب مارش

لو غير كدة ممكن يكون عنك loose فى الاسلاك يعنى سلك مهرب ، و لما السخونية بتيجى عليه بيقطع ، و ساعة لما بتدورها و هى سخن بيبقى نسبة كبيرة من عملية الدوران ناتجة عن كبس الموتور و هو سخن

**mobarez888** · 18-06-2015 10:17 AM

ألف شكر على الرد والاهتمام ، البطارية قستها لقيتها 13 لأني لسه مغيرها من 3 شهور ، والمارش بيدور عادي بقوة بس العربية مش بنطق معاه ، والمشكلة انها لو طفت على مطب مثلا لازم انزل ازق عشان اركن على جنب ، وبالنسبة لرد م / أحمد اعرف ازاي ان السلك فيه loose وانهو سلك اللي يمكن يكون فية تهريب