مشكلة في ال 128

**Marwa Galal** · 18-06-2015 04:30 PM

انا معايا 128 معدل موديل 90..لاحظت من فترة كده وانا مسافرة بيها اني لما بانقل علي الرابع واجي عند سرعة 80 الاقي العربية بتترجرج مني والطارة بتتهز هي والمرايات لما سألت في الموضوع ده قالولي عايزة ترصيص عجل وظبط زوايا رحت عملت كل ده والراجل بتاع ظبط الزوايا لما كشف عليها قالي ان القنطرة والمراية اللي تحت العربية فيهم كسور وخلي السمكري يلحمهم وان العفشة مفيهاش حاجة..وانا راجعة بيها علي الصحراوي بعد ماظبطتها لقيت ان العربية اول ما انقل علي الرابع لما صوت الموتور يعلي الاقيها بتترجرج جامد كأني اديتها نقلة اعلي وهي مش واخدة سرعتها مثلا وعلشان الرجرجة دي تخف شوية باضطر ادوس بنزين واجري وساعات كمان بانقل علي الخامس واجري علي 100 او 120 والهزة دي بتكون قلت شوية بس لسة موجودة علي خفيف
لما سألت اتقالي ان ممكن تكون الشدادة اللي واصلة الموتور بصاج العربية فيها مشكلة وعايزة تتغير او يكون في مشكلة في قاعدة الموتور او ممكن يكون الكاوتش ملووح وهو اللي عامل الهزة دي وفي مشكلة كمان اني لما باجي ادوس فرامل علشان اقف لما باشيل رجلي من علي الفرامل والعربية بتقف باسمع صوت خبطة كأن حاجة بتتهز جوه الكبوت
حاليا انا مش عارفة المشكلة فين واوديها لميكانيكي ولا بتاع عفشة ولا اروح بيها فين

**J A G U A R** · 18-06-2015 05:43 PM

غالبا قواعد الماتور
شوفي ميكانيكى

**amr011111** · 19-06-2015 03:04 AM

بصرف النظر عن المشكله ديه يفضل طالما بتسافرى بالعربيه يبقى توديها لسمكرى يبصلك على الركبتين والعلب والشروخ عموما اللى فى الشاسيه وبالتوفيق

الرجرجه ديه لة على سرعه بطيئه بيبقى ياما بسبب كسر فى الركبه او ان الكوبلن خرج من مكانه
لو على سرعه عاليه ممكن ترصيص او طنابير والله اعلم

**eng_amg** · 19-06-2015 04:18 AM

مهم جدا في فيات سواء 127 - 128 - 131 - 132 ... جميع ارقام قئة 1×× أو ريجاتا الكشف الدوري علي الركبتين وفردتين الشاسيه وأيضا الكارتيره من صدر العربية ( الي بيركب فيها بطاحة المساعد ) لأنهم عمرهم قليل. وفي ناس بتركب شداد علي البطاحات في صدر العربية.
عموما اكشفي علي الحاجات دي عند سمكري كويس. ونصيحة أو لقيتي مشكلة في الركبة وقالك حلحمها اوليله لا وغيريها أفضل لأن أي لحام في العفشة حيفك تاني.

**Abo_Mazen** · 19-06-2015 02:57 PM

المشاركة الأصلية كتبت بواسطة eng_amg

مهم جدا في فيات سواء 127 - 128 - 131 - 132 ... جميع ارقام قئة 1×× أو ريجاتا الكشف الدوري علي الركبتين وفردتين الشاسيه وأيضا الكارتيره من صدر العربية ( الي بيركب فيها بطاحة المساعد ) لأنهم عمرهم قليل. وفي ناس بتركب شداد علي البطاحات في صدر العربية.
عموما اكشفي علي الحاجات دي عند سمكري كويس. ونصيحة أو لقيتي مشكلة في الركبة وقالك حلحمها اوليله لا وغيريها أفضل لأن أي لحام في العفشة حيفك تاني.

مع إن ال 132 وال 131 دفع خلفي وال 127 وال 128 جر أمامي ..وفي فرق جوهري وكلي ونصفي في عفشة الفئتين ..اللي هي الدفع الخلفي أو الجر الأمامي ..

بالنسبة للمشكلة دي في قنطرة حديد بتبقى ماسكه الفتيس من تحت ..بتلاقيها كده كبيره وماسكه من صدر العربية من تحت لغاية نص الفتيس ..ودي اللي بتبقى شايله الفتيس مع المكنه من تحت ...أهي القنطره دي بقى مشهور أنها بتتشرخ في العربية دي ..والقنطره دي بتتفك وتتغير ..وفي ناس بتلحمها لحام كهربا ..عشان هي كبيره ولحام الغاز مش هيضبط معاها ..وفي ناس بتغيرها على بعضها ..هي عموما عامله في حدود 400 جنيه إستعمال ..ضروري جدا يتبص على القنطره دي ..وبعدين اللي يبص عليها ينزل تحت العربية ويكون معاه بلادوسه ويبص كويس عشان هي من ناحية الفتيس بتبقى مدفونه شوية بين الفتيس والمكنه ..ولو يقدر الميكانيكي يفكها ويطلعها بره ويبص عليها عشان ممكن تكون مشرخه من ناحية فوق ومش باينه ..ويتبص برضه على الركب اللي راكب فيها المقص ..تكون مشرخه أو حاجه ... ويتبص برضه على القنطره اللي قدام بالعرض اللي راكب فيها الميزان عشان برضه مشهور قوي في العربيه دي إن القنطره دي بتشرخ وبتفارق الوش بتاع العربية ..والشداد اللي فوق اللي راكب على المكنه وملحوم في صدر العربية ..هو الشداد ده لو فيه حاجه هتلاقي الفتيس بيرزع مع النقلات بس برضه يتبص عليه ..بس مادام المشكلة ظاهره قوي كده وفجه يبقى في الغالب المشكلة في القنطره بتاعة الفتيس اللي من تحت اللي أنا قلت عليها دي ..آه حاجه كمان ..خلي السمكري يقيس ما بين مسمارين المساعدين اللي فوق ..لازم المسافه بين المسمارين اللي فوق يكونوا 99 سم بالضبط ..لا تزيد ولا تقل ..لإن لو زات يبقى كده الشاسيه مفتوح ...وإحتمال يكون الكوبلن بيملص من مكانه مع السرعة العالية ..أو ممكن حضرتك تجيبي شريط أو مازوره وتقيسي المسافه ما بين مسمارين المساعد اللي فوق ..لازم المسافة بينهم تكون 99 سم

**Marwa Galal** · 19-06-2015 06:50 PM

واضح ان الموضوع كبير عموما انا حادور علي ميكانيكي كويس واروحله وربنا يستر
ومتشكرة جدا علي مساعدتكم

**Marwa Galal** · 19-06-2015 07:03 PM

المشاركة الأصلية كتبت بواسطة abo_mazen

مع إن ال 132 وال 131 دفع خلفي وال 127 وال 128 جر أمامي ..وفي فرق جوهري وكلي ونصفي في عفشة الفئتين ..اللي هي الدفع الخلفي أو الجر الأمامي ..

بالنسبة للمشكلة دي في قنطرة حديد بتبقى ماسكه الفتيس من تحت ..بتلاقيها كده كبيره وماسكه من صدر العربية من تحت لغاية نص الفتيس ..ودي اللي بتبقى شايله الفتيس مع المكنه من تحت ...أهي القنطره دي بقى مشهور أنها بتتشرخ في العربية دي ..والقنطره دي بتتفك وتتغير ..وفي ناس بتلحمها لحام كهربا ..عشان هي كبيره ولحام الغاز مش هيضبط معاها ..وفي ناس بتغيرها على بعضها ..هي عموما عامله في حدود 400 جنيه إستعمال ..ضروري جدا يتبص على القنطره دي ..وبعدين اللي يبص عليها ينزل تحت العربية ويكون معاه بلادوسه ويبص كويس عشان هي من ناحية الفتيس بتبقى مدفونه شوية بين الفتيس والمكنه ..ولو يقدر الميكانيكي يفكها ويطلعها بره ويبص عليها عشان ممكن تكون مشرخه من ناحية فوق ومش باينه ..ويتبص برضه على الركب اللي راكب فيها المقص ..تكون مشرخه أو حاجه ... ويتبص برضه على القنطره اللي قدام بالعرض اللي راكب فيها الميزان عشان برضه مشهور قوي في العربيه دي إن القنطره دي بتشرخ وبتفارق الوش بتاع العربية ..والشداد اللي فوق اللي راكب على المكنه وملحوم في صدر العربية ..هو الشداد ده لو فيه حاجه هتلاقي الفتيس بيرزع مع النقلات بس برضه يتبص عليه ..بس مادام المشكلة ظاهره قوي كده وفجه يبقى في الغالب المشكلة في القنطره بتاعة الفتيس اللي من تحت اللي أنا قلت عليها دي ..آه حاجه كمان ..خلي السمكري يقيس ما بين مسمارين المساعدين اللي فوق ..لازم المسافه بين المسمارين اللي فوق يكونوا 99 سم بالضبط ..لا تزيد ولا تقل ..لإن لو زات يبقى كده الشاسيه مفتوح ...وإحتمال يكون الكوبلن بيملص من مكانه مع السرعة العالية ..أو ممكن حضرتك تجيبي شريط أو مازوره وتقيسي المسافه ما بين مسمارين المساعد اللي فوق ..لازم المسافة بينهم تكون 99 سم

طيب حضرتك متعرفش ميكانيكي او بتاع عفشة كويس في اسكندرية لحسن الصنايعية هنا بيشتغلوني جامد اوي منهم لله

**Abo_Mazen** · 19-06-2015 07:13 PM

المشاركة الأصلية كتبت بواسطة marwa galal

طيب حضرتك متعرفش ميكانيكي او بتاع عفشة كويس في اسكندرية لحسن الصنايعية هنا بيشتغلوني جامد اوي منهم لله

الميكانيكي اللي أنا بتعامل معاه موجود في أبو يوسف ..في الشارع اللي جنب بي تك مباشرة ..بس وحضرتك نازله من الواحد وعشرين هيبقى الشارع اللي لازق في بي تك من بعد مش من قبل ..بالنسبة لحداد العفشة في واحد إسمه الشيخ محمد ...بعد مشويات زراعه قدام مستشفى أحمد حلمي ..بس الراجل ده بيقفل يوم الجمعة وبيفتح الأحد يعني أجازته غير الصنايعية التانيين بالإضافة إنه فاتح بقيت أيام الأٍسبوع طبعا ..حضرتك قوليلي عاوزه ميكانيكي قريب من فين وأنا ممكن أسأل لحضرتك على حد كويس ..طب أقولك ..والله العظيم الفكره دي لسه جايه على بالي حالا ..أقولك على حاجه ..عارفه حضرتك بنزينة موبيل اللي جنب مركز خدمة عملاء موبينيل اللي في سموحه ..البنزينه دي فيها شركة خدمات ..بتقدم خدمات ضبط زوايا وترصيص وخدمات بيع إطارات وبطاريات وكشف على السيارة ..الشركة دي إسمها ناسيتا ..ممكن حضرتك تروحي وتقوليلهم عاوزه اكشف على العفشه ..الشركة دي فاتحه برضه في بنزينة موبيل اللي في رشدي في شارع أبو قير ..بس بتاعة سموحه دي الوصول ليها أسهل ..هي بنزينة موبيل اللي ورا مركز خدمة عملاء موبينيل قدام نادي أصحاب الجياد ..بصراحه ..بيكشفوا على العفشه حته حته .بيفلوها ..ويبص لحضرتك على القنطره وعلى كله كله ..وناس فاهمين في العفشه ..هيقول لحضرتك في إيه بالضبط ..حضرتك هتروحي بقى للعفشجي أو الميكانيكي تقوليله ميفكرش ..يشتغل بس ..بصراحه ..أنا بعمل كده في العفشه عندي ..أروح أكشف عندهم ..وأروح اصلح بره

**Marwa Galal** · 19-06-2015 07:31 PM

المشاركة الأصلية كتبت بواسطة abo_mazen

الميكانيكي اللي أنا بتعامل معاه موجود في أبو يوسف ..في الشارع اللي جنب بي تك مباشرة ..بس وحضرتك نازله من الواحد وعشرين هيبقى الشارع اللي لازق في بي تك من بعد مش من قبل ..بالنسبة لحداد العفشة في واحد إسمه الشيخ محمد ...بعد مشويات زراعه قدام مستشفى أحمد حلمي ..بس الراجل ده بيقفل يوم الجمعة وبيفتح الأحد يعني أجازته غير الصنايعية التانيين بالإضافة إنه فاتح بقيت أيام الأٍسبوع طبعا ..حضرتك قوليلي عاوزه ميكانيكي قريب من فين وأنا ممكن أسأل لحضرتك على حد كويس ..طب أقولك ..والله العظيم الفكره دي لسه جايه على بالي حالا ..أقولك على حاجه ..عارفه حضرتك بنزينة موبيل اللي جنب مركز خدمة عملاء موبينيل اللي في سموحه ..البنزينه دي فيها شركة خدمات ..بتقدم خدمات ضبط زوايا وترصيص وخدمات بيع إطارات وبطاريات وكشف على السيارة ..الشركة دي إسمها ناسيتا ..ممكن حضرتك تروحي وتقوليلهم عاوزه اكشف على العفشه ..الشركة دي فاتحه برضه في بنزينة موبيل اللي في رشدي في شارع أبو قير ..بس بتاعة سموحه دي الوصول ليها أسهل ..هي بنزينة موبيل اللي ورا مركز خدمة عملاء موبينيل قدام نادي أصحاب الجياد ..بصراحه ..بيكشفوا على العفشه حته حته .بيفلوها ..ويبص لحضرتك على القنطره وعلى كله كله ..وناس فاهمين في العفشه ..هيقول لحضرتك في إيه بالضبط ..حضرتك هتروحي بقى للعفشجي أو الميكانيكي تقوليله ميفكرش ..يشتغل بس ..بصراحه ..أنا بعمل كده في العفشه عندي ..أروح أكشف عندهم ..وأروح اصلح بره

اي ميكانيكي كويس في نطاق العجمي وياريت لو يكون قريب من جامع القويري انا ممكن اجرب اللي حضرتك بتتعامل معاه ده بس ياريت تقولي اسمه..بصراحة انا مجربتش اروح سموحة قبل كده بالعربية بس حاجرب واروح اكشف عليها الاول هناك علشان الموضوع مش مستحمل فتي من الصنايعية وكل واحد يخترعلي اختراع بقي ويبهدلوني

الموضوع: مشكلة في ال 128

LinkBack

أدوات الموضوع

عرض

-

-

-

-

المواضيع المتشابهه

مشكلة الغيار الرابع فى نوبيرا 2 اتوماتيك و كام مشكلة كمان

هل مشكلة الدبة فى الخلف سكودا a7 مشكلة فردية ام جماعية دعوة للنقاش

مشكلة خطيرة جدا فى جين تو موديل 2012 وللاسف مشكلة توكيل وصيانة وضمان

السير عكس الطريق ... مشكلة شخصيه سائقين ولا مشكلة تصميم الطرق ؟؟؟

مشكلة فتيس الكرولا الجديدة مشكلة عالمية على النت

الكلمات الدلالية لهذا الموضوع

المفضلات

المفضلات

ضوابط المشاركة