لادا 2107 ام فيات تيمبرا

**ALMOSTABAL** · 22-06-2015 11:22 PM

السلام عليكم ورحمة الله وبركاته

اخوانى الأفاضل اعضاء المنتدى الكرام
اخوكم جديد فى المنتدى وجديد فى عالم السيارات كله وجديد فى السواقة كمان وحتاج مساعدتكم ضرورى
انا بأختصار مقبل على شراء سيارة استعمال فى حدود 30000 وطبعا كنت ناوى على لادا 2107 روسى انجكشن وبالفعل لقيت حجات كويسة موديل 2006 و2008 فى نفس الرنج بتاع المبلغ بس ليا اصدقاء بينصحونى اجيب فيات تمبرا وبصيت بصة على المعروض منها لقيت حجات موديل 92 و90 و 96 بحالات مختلفة
فأرجو منكم النصيحة لادا ام فيات تمبرا وأرجو من الأخوة الكرام الناصحين لى ان يقولو سبب فنى او من خبرتهم بالسيارة لترجيح احداهم على الأخرى
مع اخذ فى الأعتبار الأتى
1- انا جديد فى السواقة ودى حتكون اول عربية اركبها يعنى معرض لخبطات كتير فى الفترة الاولى من السواقة حسب ماأسمع
2- انا فى طريقى اليومى بمر على منطقة غير ممهدة وطبعا المطبات اللى زى الفل اللى بطول الطريق تقريبا فعايز حاجة تكون عفشتها كويسة جدا وتستحمل
3- تكون مش عايزها تعقدنى من العربيات والسواقة وكل شوية عند ميكانيكى بعمل حاجة وبصرف عليها يعنى اجيبها استعملها كام سنة كده وبعدها ابدأ احط ايدى فيها واصرف عليها

**ALMOSTABAL** · 23-06-2015 03:26 PM

انا فى انتظار نصائحكم ومقارنتكم بين السيارتين
مثلا . الصاج . العفشة . ماتقرفنيش فى صيانتها . عملية

**hon** · 23-06-2015 03:39 PM

اخى الفاضل ربنا يوفقك على خير
انا كنت فى شركة وتم شراء 4 سيارات لادا مصرى موديل 2012 2107 واستخدمت السيارة من الزيرو الى 160 الف كيلو
نصيحة اخ ابعد عن اللادا وخصوصا (المصرى) والله الاربع عربيات باظو فى اقل من سنتين عيوب صناعة + توكيل الورش افضل منه + تقفيل اى كلام عربية الفول متقفلة افضل منها+تكيف اقل ما يقال عنه انه نكتة بايخة الهواء يادوب بارد وبيسخن الماتور+لايوجد مميزات الا رخص قطع الغيار الى بتشتريها كل يوم الصبح عادى مع الافطار
طبعا لو احنا فى بلد محترمة عربية زى دى متمشيش ابدا
وصلى استخارة والله يوفقك الى الخير
تحياتى

**AymanEF** · 23-06-2015 07:19 PM

لادا
خلفى و مقصات مش كبالن و تنفع للطرق المكسره و ارخص منها مفيش او لو عرفت تجيب شاهين بس هتكون حالتها عايزه مصاريف بس ادام شاهين قدام لادا خليك فى الاحدث

**عبدة البروف** · 23-06-2015 07:29 PM

تيمبرا من٩٠-٩٦

**eng_amg** · 23-06-2015 09:08 PM

انا مش حتكلم عن اللادا.
بس كفاية أن التمبرا اول منزلت كانت بتنافس الفيكترا وكان ثمنها حوالي 96000 جنيه. لما كانت الهيونداي اكسيل ثمنها 34500 و اللادا كان ثمنها أقل من 30000 بكتير.

**abokoko** · 23-06-2015 09:49 PM

المشاركة الأصلية كتبت بواسطة eng_amg

انا مش حتكلم عن اللادا.
بس كفاية أن التمبرا اول منزلت كانت بتنافس الفيكترا وكان ثمنها حوالي 96000 جنيه. لما كانت الهيونداي اكسيل ثمنها 34500 و اللادا كان ثمنها أقل من 30000 بكتير.

خير الكلام
ما قل و دل

برافو يا بشمهندس

تمبرا

**Omar Mahmoud** · 23-06-2015 09:56 PM

تيمبرا احسن بمراحل

**ALMOSTABAL** · 01-07-2015 11:55 AM

جزاكم الله خيرا جميعا على افادتكم لى
انا الحمد لله ربنا وفقنى فى شراء سيارة تمبرا ستيشن موديل 95
كاملة مانول والحمد لله حالتها كويسة وفبريكة فى حجات كتير