الموضوع: كورولا vs امبريزا

سوبارو عربيه هايلة لو مش فارقه معاك الفلوس وعاوز تصرف دم قلبك ف التوكيل وبعد 5 سنين تبيعها بتراب الفلوس او تخليها جنبك عشان مش هتلاقيلها بيعه

انا مازدا عجباني بس انا اخري 180 او 190 بكتير اوييييي فانا حاسس ان المازدا core الي هيا ب 178الف هتكون فاضية مش زي الب 210 الف

المشاركة الأصلية كتبت بواسطة 4fun14

سوبارو عربيه هايلة لو مش فارقه معاك الفلوس وعاوز تصرف دم قلبك ف التوكيل وبعد 5 سنين تبيعها بتراب الفلوس او تخليها جنبك عشان مش هتلاقيلها بيعه

قطع غيار السوبارو أرخص كتير من تويوتا في التوكيل وخارج التوكيل.
مشكلة السوبارو هي إعادة البيع اذا ما قورنت بأي حاجة ياباني أخري
لدرجة أن في ناس متعلمة وحاملي شهادات عليا وبيفهموا في السيارات وميعرفوش سوبارو ولو سمع عنها سمع خير يقول أهه مش دي صيني بردو. ..

سوبارو امبريزا افضل فى كل شى حتى اسعار الصيانات الدوريه ارخص من التويوتا و من كل السيارات اليابانى و الالمانى و الكورى (فى نفس الشريحه). . . . . السوبارو هى الصفقه الرابحه جداً

سوبارو أفضل في كل شيء، وإذا كنت لا تغير السيارة إلا كل 5 سنوات فأكثر فستكون هي الصفقة الرابحة بلا أدنى منافسة، وأنا عندي رأي متواضع بعد إذن الجميع، وهو أن أي سيارة مهما كانت، عند بيعها بعد 5 سنوات أو أكثر من الاستعمال، تفقد الكثير جدا من ثمنها، يستوي في ذلك كل السيارات من كل الماركات.. والله أعلم.

يا جماعه الناس هنا ممكن تاخد بنصايحكم ..هيا مش حروق ندوسها ع الكيبورد وخلاص
ممكن حد يسخر 200 الف جنيه وتكون كل ما يملك بناء على نصيحه حد منكم..يعنى اللى بيقول ان السوبارو احسن فى كل شىء ويسكت..طب قولى احسن فى ايه بالتفصيل!
انا مش شايف فى السوبارو اى ميزه عن الكورولا غير انها 4*4 وانها esp
ودى مميزات ملهاش قيمه فى مصر..بس هنقول انها ثابته ودى برضه مش ميزه اوى لحد مش جراى ومعظم مشوايره جوه البلد.. احنا مش فى بلد جبلية ولا بنعمل كامب فى الصحرا ولا الظروف الامنية تسمح بده اصلا
فى المقابل الكورولا اعتمادية واعاده بيع وتوكيل الكل بيشهدله واسرع وفيها اوتوبارك واوفر فى استهلاك الوقود ومرايات طى وليدات وحركات
وانا مش عاوز ادخل فى جدال عقيم بس اكيد اعاده البيع الواقعه دى ليها سبب..واكيد الناس بتشتم فى توكيل ابو غالى لسبب..
لو كانت عربيه بتريح صاحبها مكنش باعها بسعر واقع