ديهاتسو جراند تيريوس حادثة ورد غير منطقي من الوكيل

**سامح منصور** · 24-06-2015 04:41 PM

قبل كل شيء حمد لله علي سلامة السائق و بنته

دي أهم حاجة

ثانياً : المفروض يبقي الشكوي لو لا قدر الله كانت العكس وهو إن الإيرباج ما فتحش في حادثة زي دي

وش العربية كله ضايع

بالنسبة لشركات السيارات المفروض أهم حاجة بيهتموا بيها سلامة الركاب اللي هي أهم من السيارة نفسها

الشكوي دي واضح إن صاحب العربية بعد ما ربنا كرمه وخرج بالسلامة عايز أي تعويض عشان العربية اللي اتبهدلت

بعيد عن أنه خطأ مين ولا إن الإيرباج في مصلحته إنه يفتح أهو ضمن هوجة الهجوم علي التوكيلات سواء صح أو غلط

أنا مع إن كل واحد يتحمل نتيجة خطأه مش يحمل حد تاني نتايج أخطائه

وشايف اللي كان أكيد يخليني أتضامن مع صاحب الحادثة إن وسيلة أمان في السيارة ما اشتغلتش وأدت إلي لا قدر الله أذية إنسان .

قوله ربنا يأجره في مصيبته وإنا لله وإنا إليه راجعون

**egyptiandiver** · 24-06-2015 04:45 PM

حمدا لله على سلامتهم

**Ahmedsanad** · 24-06-2015 05:24 PM

حضرتك اللي غلطان انك مش رابط الحزام اولا و انك مقعد بنتك او طفل ايا كان عالكرسي اللي قدام سواء رابط حزام او لا
ثانيا لو حضرتك شوفت كل دول العالم المتقدمه قبل ما بتاخد الرخصه لازم تاخد دوره عن الامان في السيارات و اول حاجه في السلامه و الامان انك تربط الحزام عشان الايرباج لو فتح من غيره بيعمل مشاكل ده معناه ان الايرباج بيفتح حتي لو مفيش حزام عشان في حساس في مقدمه السياره.
ثالثا ممنوع اي شخص اقل من ١٦٠ سم يقعد قدام عشان حزام الامان ممكن هو اللي يموت الشخص ده يخنقه
للاسف مفيش في مصر كلام من ده حد بيقوله و احنا ماشين كده و خلاص و زعلانين كمان الشركه مغلطوش ابدا دول حافظوا علي حياتك انت غلط مش هما
الف سلامه عليك و علي بنتك و اسف لو الرد ضايق حضرتك

**upaupa** · 24-06-2015 06:45 PM

لا افهم وجهة نظرك .... حادثة بسرعة 70 كم-ساعه تكافىء سقوط سيارة بركابها من ارتفاع خمسة ادوار على الاقل ...يعنى لو الايرباج ما بتفتحش الا اذا كان حزام الامان مربوط كان زمان الاب والابنه فى حاله خطيره جدا (على اقل تقدير) .... يعنى كويس انهم لم يربطوا عملية فتح الايرباج بعملية ربط حزام الامان (يبدو انهم عارفين اهمالنا وعدم اهتمامنا بقواعد الامان) ..والحقيقة انا اعتقد ان الاخوة الذىن وضحوا لنا ان الايرباج يفتح دون ربط حزام الامان فى الخبطة الامامية فى جميع السيارات المحترمة رأى منطقى وصحيح واشكرهم على هذا التوضيح ...والحمد لله على سلامة الاب والابنة

**bassem.naguib** · 24-06-2015 08:52 PM

أولاً حمد لله على سلامة اللي كانوا في العربية

ليس شرطاً أن يكون حزام الأمان مربوط علشان الإيرباج يفتح ... وعلشان كدة بتبقى فيه تحذيرات في مانيوال العربية بربط حزام الأمان لتلافي الإصابات التي قد تنشأ من فتح الإيرباج والتي من أهمها الكسور في القفص الصدري وتهتكات في الرئة .

ملحوظة : اللي بيختلف فقط سرعة فتح الإيرباج تختلف إذا كان الحزام مربوط أم لا .. وكل ده قد يكون في أجزاء من الثانية .

**احمد فهمى** · 24-06-2015 10:32 PM

الالماني والكرولا الجنوب افريقي srp وده الاير باج مش مرتبطه بالحزام بس لا ده بتفتح فمكان الخبطه فقط يعني لو الكل رابط حزام وخبطه فى ناحيه هتفتح ببى عندو الخبطه حتي او من مكان الخبطه زي اللي فى الباب او الكرسي او القايم لكن الsrs إللي عندك نظام قديم ومش مرتبط بالحزام فمتتعبش نفسك مع الوكيل ولعلمك انت غلطان عشان مش رابط الحزام ولو مكنش فيها اير باج اصلآ كان الموضوع هيكون اضعاف اللي حصل

**mo7a_mo7a** · 27-06-2015 01:01 AM

اولا الف حمد الله علي سلامتك

ثانياً الايرباج لازم يفتح عادي حتى من غير حزم الامان لان السرعة عالية والحادثة شديدة
في عربيات بعينها هي اللي مواصفاتها بتمنع انن الايرباج يفتح لو الحزام مش مربوط ودي مواصفة امريكي في الاساس
لكن المواصفات الاسيوي والخليجي والمصري وفوق ده كله الاوروبي بتسمح ان في حالة الحوادث الامامية الشديدة ان الايرباج تفتح علشان تحمي الركاب

انا بنصحك بالحق
احمد ربنا ان الايرباج فتح ورغم الاصابات اللي عندك وعد بنتك كان الموضوع حيكون عواقبه اكتر بكتير لو مكنش الايرباج فتح
اقل ما فيها بنتك ربنا يحفظها كان ممكن تعدي من الزجاج الامامي وتتنطر برة العربية
متخليش احساسك بانك المخطئ يوديك لسكة تدور فيها علي سبب تاني

احمد الله واشكر فضله ان الحادث مكنش نتائجه اكتر من كده
والف سلامة عليك وعلي بنتك مرة تانية
وحندعيلك بالشفاء وان ربنا يخلف عليك خير

خالص تحياتي