سؤال لملاك بيجو 301 و الفرق بين موديلات القديمة و موديل 2016

**tooooma** · 24-06-2015 06:20 PM

السلام عليكم
انا امبارح رحت شفت 301 2016 الجديدةفي معرض B Auto ب 131000 و لاحظت عدم وجود الشاشة البيلت ان و مكانها فاضي و في كاسيت جديد
كنت عايز اعرف ايه فايدة الشاشة و هل كل المعلومات كانت بتتعرض عليها زي استهلاك البنزين و الرحلات و خلافه و هل الكلام ده بيتعرض في شاشة العدادات ولا لأ
و استهلاك البنزين عامل كام
و تنصحوني اجبها ولا اروج اجيب الستروين خصوصا ان عليها تخفيض و كده كده توأم بس اختلاف الشكل من بره مع العلم ان الشاشة و الكاسيت القديم فيها زي ما هو و سعرها 124000

**mahmed0100** · 24-06-2015 10:30 PM

ده فيديو بيوضح استخدام من استخدامات شاشه البياناتغير اظهار رقم المتصل علي موبايلك بعد توصيل العربيه بالبلوتوث علي الموبايل
و ححاول ارفع ليك صوره استهلاك البنزين علي مده طويله للعربيه معايا عموما هي حوالي ٩ لتر في ال١٠٠ كيلو جوه البلد و توصل لحد ١٢ لو بتمشي في زحمه زحمه يعني و بالتكييف طبعا

اللنك:
http://youtu.be/xE3Jj5S1FZU

**ENG.MaRk** · 25-06-2015 12:27 AM

سيتروين صفقة أحسن من بيجو لو سعرها زي ما حضرتك بتقول لأنها أرخص ب 7000 و كمان فيها كماليات أكتر و وكيلها "عز العرب" كويس و العربية تقريباً مفيهاش مشاكل ... ربنا يوفقك لما فيه الخير إن شاء الله :)

**tooooma** · 25-06-2015 01:09 AM

طيب يعني انا من غير الشاشة مش هعرف استهلاك البنزين و باقي الكماليات دي؟ صح كده؟ و نقطة البنزين دي مهمة جدا عشان انا طريقي طويل شوية بس سريع و مش بيقف خالص.
و ايه رأيك اروح للسيتروين لو كده ولا بلاش؟

**tooooma** · 25-06-2015 01:15 AM

انا شفت الفديوهات بتاعتك و اعتقد ان من غير الشاشة دي مش هتظهرلي اي معلومه من اللي بيظهر عندك

**medoobad** · 25-06-2015 05:46 PM

كل المعلومات بتظهر علي شاشة الكاسيت و الشاشة اللي في التابلوه ماعدا صورة العربية بتاعت سنسور الباركنج ... بس الصوت بيعوضها

**tooooma** · 25-06-2015 05:57 PM

يعني متوسط استهلاك البنزين و كمبيوتر الرحلات و التانك يمشي العربية قد ايه و خلافه هيظهر في شاشه العدادات عادي؟

و ياريت تقولي استهلاك البنزين معاك كام في المتوسط

**mahmed0100** · 26-06-2015 07:23 PM

انت حتشوف على شاشه التابلو اللى بين العدادت البيانات زى البيزلاين
لكن مش بنفس سهوله و طريقه العرض على الشاشه الكبيره بتاعت الكاست

اسم بيجو فى مصر افضل من ستروين حتى فى اعاده البيع بعد عمر طويل

**tooooma** · 26-06-2015 11:03 PM

شكلي هجيب البيجو عشان اعادة البيع في المستقبل
و انا كان مهم عندي اعرف اذا كانت شاشة العدادات هتعرض الكلام ده ولا لأ
طريقة العرض مش مهمة قوي, اهم حاجة تتعرض
شكرا لمعلوماتك و فديوهاتك الحلوة