بيجو 305 في الإسكندرية - تقييم ونصيحة

**AlexaLaw** · 28-06-2015 08:53 PM

السلام عليكم ورحمة الله وبركاته

عاوز تقييم كامل اذا سمحتولي عن عيوب ومميزات البيجو 305 موديل 1979
و هل في أماكن لبيع قطع غيارها في الإسكندرية ؟

و لو حبينا نقارن بينها وبين الفيات 128 و البولونيز ايهم احسن .

و كل عام وانتم بخير

**hugan** · 28-06-2015 11:16 PM

مش عارف ظروفها في اسكندريه
لكن القاهره
نادرا لما تتشاف في الشارع
قاربت علي اﻻنقراض
لو البلونيز منتشره اكتر في اسكندريه
افضل

**MASERATI** · 29-06-2015 03:50 AM

السلام عليكم و رحمة الله و بركاته

موديل 79 طبعا موديل قديم. و أنا من رأيى أن ال305 مش أفضل عربية فى البيجو القديم, يعنى لو تعرف تزود و تجيب 505 يبقى أفضل بكتير. و يا سلام لو تقع فى 405. لكن 305 مو 1979, يبقى أنت بتشترى حاجة عشان تصرف عليها كل يوم.

و ربنا يوفقك و ييسرلك الأحوال ان شاء الله.

**م أحمد** · 29-06-2015 09:29 AM

العربية بتبدأ من 10 آلاف و انت طالع و طبعا قيمتها اعلى بكتير مكن الرقم مقارنة بال 128
ميزتها عن ال 28 اوسع و اقوى
بس للاسف موتورها مقلوب و صياناته صعبة دا احد العيوب و العيب التانى قطع الغيار اللى هتلاقيها قليلة

**Abo_Mazen** · 29-06-2015 02:24 PM

العربية دي رغم إنها قديمة قوي كده ..بس تحسها ناعمه كده في سواقتها ودبرياجها ..بس مشكلتها قطع غيارها نااااار يا حبيبي نار ..على سبيل المثال وده على لسان واحد كانت معاه من 8 سنين كمان مش اليومين دول ..كوبلن كامل يعني أكس + كوبلن داخلي + راس كوبلن ..بألف ونص ..الكلام ده كان في 2005 ..يا ه ..ده من عشر سنين كمان ..والكلام ده في إسكندرية على فكره

**AlexaLaw** · 29-06-2015 09:53 PM

المشاركة الأصلية كتبت بواسطة maserati

السلام عليكم و رحمة الله و بركاته

موديل 79 طبعا موديل قديم. و أنا من رأيى أن ال305 مش أفضل عربية فى البيجو القديم, يعنى لو تعرف تزود و تجيب 505 يبقى أفضل بكتير. و يا سلام لو تقع فى 405. لكن 305 مو 1979, يبقى أنت بتشترى حاجة عشان تصرف عليها كل يوم.

و ربنا يوفقك و ييسرلك الأحوال ان شاء الله.

للاسف بالبحث عن 405 و 505 سعرها يجاوز ال30 و بالنسبة ل305 هل لمجرد انها قديمة هصرف عليها كل يوم ولا في اسباب تانية سوء قطع غيارها مثلا لأني قريت ان في ندرة في قطع غيارها لكن في المقابل قطع الغيار معمرة جدا هل الكلام ده حقيقي لأن كان الموضوع اللى قريته من 2010 تقريبا .

**AlexaLaw** · 29-06-2015 09:56 PM

المشاركة الأصلية كتبت بواسطة م أحمد

العربية بتبدأ من 10 آلاف و انت طالع و طبعا قيمتها اعلى بكتير مكن الرقم مقارنة بال 128
ميزتها عن ال 28 اوسع و اقوى
بس للاسف موتورها مقلوب و صياناته صعبة دا احد العيوب و العيب التانى قطع الغيار اللى هتلاقيها قليلة

فعلا معظم العيوب دي قريتها عنها لكن هل ده يهون كونها تستحق المعاناه دي في سبيل عربية معمرة تستحمل السفر و في 2015 دلوقتي هل قطع غيارها مازالت موجودة ؟!

**AlexaLaw** · 29-06-2015 09:58 PM

المشاركة الأصلية كتبت بواسطة abo_mazen

العربية دي رغم إنها قديمة قوي كده ..بس تحسها ناعمه كده في سواقتها ودبرياجها ..بس مشكلتها قطع غيارها نااااار يا حبيبي نار ..على سبيل المثال وده على لسان واحد كانت معاه من 8 سنين كمان مش اليومين دول ..كوبلن كامل يعني أكس + كوبلن داخلي + راس كوبلن ..بألف ونص ..الكلام ده كان في 2005 ..يا ه ..ده من عشر سنين كمان ..والكلام ده في إسكندرية على فكره

طيب مفيش عند حضرتك فكرة دنيتها عاملة ازاي دلوقتي في قطع الغيار ؟ لأن 128 لقيت ان قطع غيارها غير معمرة و لا تستحمل السفر و بقيت في حيرة والله مش عارف اجيب ايه بالظبط