موبينيل من فشل لفشل

**Samah AbdAllah** · 29-06-2015 12:11 AM

موبينيل وسرقة خطوط العملاء

من شهر تقريبا حاولت اعمل مكالمة فوجئت ان بيظهرلى رسالة فشل تسيجل الشريحة استغربت جدا وشيلتها و حطيتها تانى وبرضه مفيش فايدة
* المهم اتصلت بخدمة العملاء سالتهم
** الاول قالى يمكن الشريحة باظت اقوله باظت ازاى قالى اخدت كهربا زيادة ممكن
طيب نراجع البيانات قوليلى الارقام اللى عالشريحة قولتهاله

اذ فجأة يقولى لا حضرتك غلط هى الشريحة معاكى من امتى اقوله من سنتين واكثر
قالى لا حضرتك استبدلتى الشريحة يوم 15/5/2015
*لا حضرتك انا مستبدلتش الشريحة ممكن يكون الخط وقف مثلا وبيعتوه لحد تانى
** لا يا افندم الخط باسم حضرتك
* طيب ازاى يعنى يتم استبدال الشريحة ومين استبدالها
** حضرتك هنوقف الخدمة عن الشريحة و5نعمل شكوى ايام وحد من القسم المختص يرد عليكى
* هو حضرتك ازاى حد يطلع شريحة يعنى باسمى من غير بطاقة ولا غيره
** لا حضرتك ده ممنوع طبعا وهناخد اجراء حاسم ممكن نفصل الشخص اللى عمل كده لو في احد الفروع ولو موزع ننهى التعامل معاه
ولحد انهاردة مفيش رد وكل ما اتصل اسمع نفس الرد لسة جارى فحص الشكوى
بس دلوقتى بقا لقيت واحد بيكلمنى وده رقمه 01211707017
ويقولى ده خط احمد وانتى سحبتيه منه انتى مين ومعرفش ايه
اتعصبت طبعا وزعقت
اسم اللى اخد خطى يا #موبينيل
احمد ابراهيم من الغربية

واتصلت بالشركة لقيت موظف خدمة العملا بيقولى هنقدملك طلب اقوله طلب ايه دى شكوى بقالها شهر ادينى حد من المديرين
وبعد ربع ساعة انتظار يدينى مدير يقولى حضرتك عاوزة تعرفى ايه
ده اجراء داخلى مش هنقولك عليه
طيب انا حقى يرجع ازاى وكنتوا بتقولوا استنى اتصال على اساس هتقولولى دى شئون داخلية
لا كنا هنعتذر لحضرتك
طبعا انا انفعلت واتعصببت وتون صوتى بقا اعلى واكثر انفعالا وهو الللى عليه حضرتك عاوزة ايه يعنى
يعنى واحد ياخد خطى باسمى وبياناتى وعنوانى ورقم بطاقتى يعمل اى مصيبة ولا يقتل قتيل ادبس فيها انا
يقولى حقك طبعا بس حقك رجعلك برجوع الخط
هو انت كمان هتمنعنى من الخط اللى بياناته كاملة باسمى لالالالالالالالالالالا قمة الاهمال واللامبالاة

شهر ولسة معرفتوش ده حصل ازاى !!
شهر ومفيش اى اجراء مع اللى عمل كده !!
شهر ومفيش اى تواصل مع العميل ولا تعبروه !!

افتكر حصل خطأ في رقمى في فودافون قسما بالله في نفس المكالمة اللى كنت بكلم فيها خدمة العملاء اتقالى الخطا حصل في انهى فرع في انهى محافظة ومعاده بالساعة والثانية واتحلت في نص ساعة

لكن اللامبالاة دى مشوفتهاش في حياتى وكله كوم وده شان داخلى كوم تانى
والعميل اللى حصل معاه كده ايه الوضع يعنى

# موبينيل _من فشل_ لفشل

**SYD** · 29-06-2015 12:20 AM

للأسف موبينيل مستوي خدمة العملاء مش قد كدة
لكن فودافون الصراحة معلمين وتعتبر أحسن خدمة عملاء ومتابعة للمشكلة ودقة في الشغل
لكنهم بردو ساعات كدة بيعملوا حركات قرعة لسحب الرصيد او المغالطة في الفاتورة

تحياتي

**Bassem Youssef** · 29-06-2015 12:37 AM

ال 3 شركات عايزين الحرق

**tarek12** · 29-06-2015 01:14 AM

انت غلطانه عشان مسألتيش عن الوكيل الذى قام بسحب الشريحه بتاريخ 15 / 5
لانه مهم جدا
دا بيحصل فى الارقام الممييزة و ايضا فى الارقام ذات الرصيد العالى

و واحد اعرفه معاه رقم(( فوافون )) حصل معاه نفس الكلام
و بالبحث و التحرى وجد الاتى
ان هناك ناس غير امناء فى خدمه عملاء فودافون يقومون بتسريب بيانات اصحاب الخطوط مثل الاسم بالكامل و الرقم القومى و العنوان لبعض الوكلاء ليقومو باستخراج بدل تالف للشريحه و بعد استخراج بدل التالف يقوم باخذ ما بها من رصيد
و دا اللى حصل مع الشخص الذى اعرفه حيث فوجىء بان تم سحب الشريحه بتاعته
و سرقه ما بها من رصيد و اتضح ان الذى قام بسرقتها عمال فى وكيل يدعى (( العطار )) بالمنيا

و الاجراء القانونى 1- عمل محصر بان تم سحب الشريحه و انك لم تكون مسؤلا عما لو بدر منها فى هذه الفتره

2- عمل بلاغ فى شرطه الاتصالات بالواقعه و ذكر بالوكيل الذى قام بسحب الشريحه

نعود لنذكر يجب ان تعرفى من قام بسحب الشريحه و ذلك من خلال خدمه عملاء الشركه عشان هم عرفين من الذى سحب و كوده و عنوانه و اسمه