مشكلة هتجننى فى نيسان صنى 2008

**mr_mizo** · 29-06-2015 12:03 PM

السلام عليكم ورحمة الله وبركاته

يا اخوانى انا معايا نيسان صنى 2008 ex salon ومن ساعة مجبتها من سنتين ونص وانا عندى فيها مشكلة هتجننىىىىىىىىىىىىىىى بمعنى كلمة هتجننى

العربية بتبقى ماشية حلو اوى وبعدين اول ماجى مثلا عند مطب او حفرة او اجى اهدى عشان اقف او ابطء السرعة بشكل عام الاقيها كركرت كدة وترعش اكنها هتبطل والاقى مؤشر عداد الاربى ام عمال ينزل تحت الصفر اكنها هتبطل بالظبط ومجرد مادوس بنزين المؤشر يعلى تانى وبعدين يرجع يكركر تانى ولو فضلت على كدة من غير ماازودها بنزين الاقيها بطلت !!!!!!!!!!

تخيلو بقى عربية اتوماتيك تبطل

عملت كل المحاولات :

1- كشفت عليها بجهاز كشف الاعطال عند كذه سنتر وكلهم الجهاز بيطلعلم no faults يعنى مفيش اعطال كهربا

2- غيرت البوجيهات

3- نضفت الرشاشات

4- غيرت فلتر بنزين

5- غيرت فلتر زيت

6- غيرت البطارية

المشكلة الاساسية انى كل ماكنت اغير حاجة من اللى غيرتها فوق دى الاقى الموضوع ده اختفى فترة وبعدين ترجع تانى بعدها باسبوعين مثلا

وبالتالى مش قادر احدد ايه السبب الحقيقى لان كل المحاولات اللى فاتت برده الحوار رجع تانى بعدها

عملت شيك على حرارة العربية والمية بتاعتها وبرده سليمة

مش عارف ايه السبب وهاتجننننننننننننننن وطبعا العربية كدة معكننة عليا جداااا احساسى انها هتبطل كل ما ابطء ده مخلينى حاسس انى راكب 128

ارجووووووووكم اللى عنده حل او فكرة عن المشكلة دى يدلنى عليييييييه

**mr_green** · 29-06-2015 12:36 PM

نضف البوابة و الرشاشات و غير البوجيهات و غير فلتر البنزين

و أهم من كل دول غير محطة البنزين إللى بتتعامل معاها و إن شاء الله تظبط

و متسبش مؤشر التانك ينزل تحت الربع نهائى

إن شاء الله تظبط

**Abo_Mazen** · 29-06-2015 12:41 PM

طيب ما تجرب كده تعمل نص تفويلة بنزين 95 ؟؟؟..

إيه رأيك ؟؟؟

**mr_mizo** · 29-06-2015 12:51 PM

المشاركة الأصلية كتبت بواسطة abo_mazen

طيب ما تجرب كده تعمل نص تفويلة بنزين 95 ؟؟؟..

إيه رأيك ؟؟؟

مجربتش فعلا الموضوع ده خالص ....بس هلى تقصدوا ان المشكلة ممكن تكون فى البنزين ...وبصراحة انا كذا مرة اسيب العريبة لحد ما لبمة البنزين تنور بس مش دايما

هجرب حوار ال 95 ده

**john55** · 29-06-2015 02:44 PM

http://www.nilemotors.net/Nile/316333-a.html ممكن تكون في مشكله في ضفيره الكهرباء ودا لنك لموضوع ممكن يفيدك

**mr_mizo** · 29-06-2015 07:28 PM

المشاركة الأصلية كتبت بواسطة john55

http://www.nilemotors.net/Nile/316333-a.html ممكن تكون في مشكله في ضفيره الكهرباء ودا لنك لموضوع ممكن يفيدك

اوباااااااااااااااااااا كله الا الضفيرة ..... انا قريت الموضوع وبجد قلقت جداااااا...... بس انا اوتوماتيك مش مانوال

وكمان موديل 2008 مش 2010 -2011 اللى بيقوالو ان حصل فيها المشكلة

انا قريت ان اللى كان عنده مشكلة زى بتاعتى فى الاخر غير حاجة اسمها TBS و Idol وتقريبا دول حساسات ولا ايه مش فاهم بس بيقول الدنيا اتظبطط عنده

حد يعرف ايه الحساسات دى وتغيرها يتكلف كام واغيرها فين ؟ عند مركز صيانة عادى ولا لازم التوكيل ؟

**megodahab** · 08-07-2015 03:49 AM

الله يعينك علي مشكلتك وقبل الحساسات زي ما قالك واحد من الشباب روح لكهربائي نظيف خليه يشيك علي الضفيره ممكن يكون سلك مرخي او عامل تماس عندك وبرضه تشيك علي طرمبة البنزين

**dr amt** · 08-07-2015 10:03 AM

هل لما بتكون واقف بالعربية وشغلت النكييف الموتور بيطفي ؟؟ ولو فضلت شغالة اول ما تعمل الفتيس على d بتفصل منك ؟
أقترح على حضرنك تغير محطة البنزين اللي بتتعامل معها ...... ممكن تكون المشكلة من البنزين (ممكن مغشوش ) وربنا معاك