شراء السيارة بعقد مسجل من غير امضاء كمشتري

**mzaki** · 29-06-2015 01:41 PM

السلام عليكم

فى عربية عجبتني بحاول اشتريها ، البائع بيقولي ممكن يعملي العقد المسجل بدون امضاء مشتري

السؤال بقة لو رحت انقل ملكية فى المرور لازم ارجع تانى الشهر العقاري امضي كمشتري و لا اروح المرور على طول ؟

**SHERBINII** · 29-06-2015 02:11 PM

لأ بتروح على طول أظن لكن هو ليه يشترط إنك ماتمضيش مشتري يعني لو حضرتك ناوي تسجل في خلال شهر ماتمضي مشتري هو ماله البايع

**mzaki** · 29-06-2015 02:14 PM

المشاركة الأصلية كتبت بواسطة sherbinii

لأ بتروح على طول أظن لكن هو ليه يشترط إنك ماتمضيش مشتري يعني لو حضرتك ناوي تسجل في خلال شهر ماتمضي مشتري هو ماله البايع

شكرا على الرد ، هوة مش مشترط بس هوه تبع حلوان و دا مشوار بعيد عنى مش عاوز اعملة

**SHERBINII** · 29-06-2015 03:49 PM

المشاركة الأصلية كتبت بواسطة mzaki

شكرا على الرد ، هوة مش مشترط بس هوه تبع حلوان و دا مشوار بعيد عنى مش عاوز اعملة

مع احترامي حضرتك برده بتشتري عربية ولازم تبقى حاضر تسجيل العقد في الشهر العقاري قدام عينك , مبقاش فيه حاجة مضمونة دلوقتي

**ayaamna** · 29-06-2015 05:01 PM

انت تحضر كتابة العقد وما تمضيش وترخص قبل انتهاء الترخيص بشهر
دا افضل لك
انا عملت كده
مبروك مقدما

**mzaki** · 30-06-2015 09:31 PM

شكرا يا رجالة

**Omar Sarray** · 30-06-2015 10:18 PM

مفيش حاج هاسمها بعيد او مش بعيد دى تبقى مصيبه لا قدر الله لو مش ماضى اى حاجه ممكن مثلا ياخدو العربيه منك لانك مش ماضى فى شهر العقارى انا بصراحه اكرهه الحاجه دى بحب كل حاجه رسمى وبعدين ايه مفيش امضاء مشترى مفيش كلام ده اله بقى لو حاجه تانيه

**HishamShafai** · 01-07-2015 12:30 AM

بص فائدة إنك لا تمضى مشترى إنك لا تدفع الرسوم الباهظة للتسجيل و تؤجل ذلك لحين التجديد قبل الذهاب للمرور تذهب لوحدك بالعقد للشهر العقارى تمضى مشترى و تدفع الرسوم حسب موديل السيارة.

**lada2010** · 08-07-2015 12:14 AM

انا اقول معلومة فى الموضوع انا اشتريت عربية بعقد مسجل وفى الشهر العقارى مفيش فى العقد خانة مشترى وسالت الموظف فى الشهر العقارى قال مش لازم تمضى مشترى اهم شى ما يعدى سنة على العقد المسجل ولسة لم اذهب للمرور من شهر فبراير اللى فات مع ان الرخصة منتهية وحتى لو قفلت ممكن اروح الشهر العقارى امضى امام الموظف مشترى بتاريخ اللى اروح فية المرور

**alaamousa** · 12-07-2015 06:57 PM

السلام عليكم ورحمة الله وبركاته

يا باشا الموضوع اسهل من كده بكتيير حضرتك في نوعين من العقد المسجل

الاول انك تمضي مشتري وفي هذه الحالة لازم ترخص السيارة في موعد اقصاه شهر
الثاني انك متمضيش مشتري وفي هذه الحالة السيارة مثلا اذا كان بها رخصة ثلاث سنوات مش محتاج تنقل ملكية طوال هذه المده وتمشي بالسيارة عادي دون الحاجة الملحة للتجديد ...

في كلا الحالتين السيارة ملكك والملك لله وحده ومسجله شهر عقاري وفي كلا الحالتين بتدفع قيمة العقد المسجل
وطبعا القيمة عليك كاملة اما في حالة التوكيل فعلى البائع

تكرم وقولي نوع السيارة ايه ان شاء الله اقولك قيمة التسجيل

اذا كنت باذن الله حابب تعرف مميزات اخرى عن التسجيل والتوكيل تفضل انا تحت امر حضرتك
تقبل مروري