الموضوع: نيسان صنى سوبر صالون.. مشكلة بالار بي ام و تعطل العربية.. ارجو المساعدة

السلام عليكم اهل الجروب الكرام..
عندى مشكلة فى العربية مدوخانى.. نيسان سوبر صالون 2007..
العربية ساعات تبقي زى الفل و مفيش احلى من كدا... و ساعات اكون ماشي تقوم موقفة. الار بي ام يلخبط و يوقم نازل للصفر و تقف..
ممكن و انا ماشي على 60 او 70 .و دا قليل . لكن الاكتر لما اكون مهدي و ماشي على سرعة بطيئة او بعدى مطب.
غيرت البوجيهات مرتين منهم مرة بالتوكيل. غيرت الكونترول و الضفيرة. غيرت حساس الايدل و الايرماس
غيرت طلمبة البنزين بس اللى كانت فيها 1600 و الجديده 1300 .. و الصنايعية قالولى مفيش فرق..
العربية الار بى ام يلخبط و يقوم نازل للصفر و تبطل.. ادورها بعدها تدور.. ساعات تلخبط و ساعات لأ
ارجو الافادة لو سمحتم و لو فيه توكيل نيسان كويس فى مصر.

نفس المشكلة عندي ... بتبطل عند الاشارات و الزحمة و المطبات ... ارجو الافادة