عربيه على ادي ب١٠٠٠٠ج، ليه الناس بتعتبرها نكته؟!

**mohamed.salama** · 07-07-2015 03:44 AM

بشكر حضراتكم جدا على التفاعل والردود .. انا بتابع من الموبايل .. وانا مش هرد على كل المشاركات علشات اللي بيقرا الموضوع يستفيد منه وعشان اسيب مساحة الكلام اكتر للناس اللي فاهمه وتقدر تفيد ..

- اولا : شايف اغلب الردود بترشح ليا النيفا، وشايف ان مبلغ ١٠٠٠٠ مش هيكفي واحده حالتها كويسه. فانا هضطر اكمل بالموتوسيكل الشتا اللي جاي كمان وامري لله وربنا يستر من الطريق . واعتقد ازيد من ١٥ الف مقدرش اجمع نهائي على الأقل الفتره دي.

- الأخ اللي سأل على اسم القريه اللي انا منها ()صهرجت الكبرى.
-الأخ اللي لاحظ انييي مكتئب، اكتب اسمي ف جوجل وانت تعرف ليه() محمد اسماعيل سلامه.
-الأخ اللي اقترح تروسيكل : حضرتك نسيت المشاركه انا كاتب اني بتبهدل عرق وتراب ، تغور البضاعه اهم حاجه انا يا عم.
- الأخ اللي اقترح البيتلز، اعتقد ضيقه ومش فيها مكا ينفع احط فيه بضاعتي الا لو عملت شبكه فوقها والله اعلم تبقى النيفا احسن.
- بالنسبه لل ١٢٨ اعتقد مفيش اكتر من ان ينصحك حد راكبها فعلا ويقولك بلاش، وده حصل في اكتر من مكان.
-بردو لسه ميال للفيات ١٢٧ سوبر فيورا اتنين باب. ديقه شويه بس مناسبه للفلوس اكتر.
- كل الشكر ليكم وياريت لو حد عنه عربيه نيفا عاوز يبيعها يعرضها وربنا يقدم ما فيه الخير.

**MaZaGAngeE** · 07-07-2015 04:48 AM

127 عربية كويسة و كانت معايا و كنت مبهدلها سفر و شنط و ناس و كانت ماشية زي الفل ..

بيتلز تحفه اقل عربية صرفت اليها صيانات .. كل سنة ونص بتقف عند الميكانيكي وتصرف 500 او 600 و عليها سنة ونص سفر ومرمطة ..

بولونيز و نيفا و ريتمو و لادا و بيويك اسكاي لارك ( بس عيبها 2500 سي سي ) برضه من العربيات الرخيصة بس مجربتهومش ..
و كان فيه سيات 133 بس مش بشوفها خالص و فيات قردة برضه و سكودا اللي موتورها ورا العربيات دي هتلاقيها رخيصة بس معرفش خاجة عن الصيانات بتاعتهم ..

**MaZaGAngeE** · 07-07-2015 04:50 AM

افتكرت كمان عربية ممتازة .. مازدا ربع نقل و شيفوورليه تمانينات هتلاقيهم برضه في حدود 10 الي 15 الف و دول احسن عشان البضاعه

**mohamed.salama** · 07-07-2015 07:40 AM

المشاركة الأصلية كتبت بواسطة mazagangee

127 عربية كويسة و كانت معايا و كنت مبهدلها سفر و شنط و ناس و كانت ماشية زي الفل ..

بيتلز تحفه اقل عربية صرفت اليها صيانات .. كل سنة ونص بتقف عند الميكانيكي وتصرف 500 او 600 و عليها سنة ونص سفر ومرمطة ..

بولونيز و نيفا و ريتمو و لادا و بيويك اسكاي لارك ( بس عيبها 2500 سي سي ) برضه من العربيات الرخيصة بس مجربتهومش ..
و كان فيه سيات 133 بس مش بشوفها خالص و فيات قردة برضه و سكودا اللي موتورها ورا العربيات دي هتلاقيها رخيصة بس معرفش خاجة عن الصيانات بتاعتهم ..

لو معرفتش اصبر لحد ١٥ الف هجيب 127 سوبر فيورا ، ويارب الاقي حاجه متتعبنيش .. المهم دلوقتي انا مش عارف اعمل ايه في الرخصه انا كنت نتسيها خالص اعملها ازاي وقبل واللا بعد ما اجيب العربيه افضل، مع العلم اني مبعرفش اسوق، بس انا حريف موتوسيكلات واعرف اساسيات القياده ومن يومين سوقت ٥٠٤ بيجو بس مزضتش امشي بيها كتير

**mohamed.salama** · 07-07-2015 07:41 AM

المشاركة الأصلية كتبت بواسطة mazagangee

افتكرت كمان عربية ممتازة .. مازدا ربع نقل و شيفوورليه تمانينات هتلاقيهم برضه في حدود 10 الي 15 الف و دول احسن عشان البضاعه

انا مش.بجيب بضاعه تستاهل ربع نقل، انا عاوز ملاكي.

**mohamed.salama** · 07-07-2015 07:43 AM

بردو هبص ع الانواع اللي حضرتك ذكرتها يمكن الاقي حاجه. وانا معرفش ايه التوع الاخير ده بس ٢٥٠٠ سي سي يبقى مفضلش غير جوز عساكر واعلن الحرب ههههههههه

**windofchange** · 07-07-2015 07:59 AM

سيتروين ax بس مشكلتها في رأيي قطع غيارها وصيانتها فالقاهرة ومعرفش فيه ناس قريبة منك ولا لأ وهي عربية هاتشباك عالية عن الارض 1400 سي سي ومكيفة

ForumRunner_20150707_065903.jpg

**mohamed.salama** · 07-07-2015 09:26 PM

بس دي حضرتك في رينج 20000 والمبلغ ده على حد علمي يجيب حاجات احسن ناهيك عن اني صعب جدا اوفره ، انا في السنه بالكتير اوي ممكن احوش 5000

**Ahmed Tarek 00** · 08-07-2015 04:58 AM

اللادا النيفا ياباشا

**Zing0** · 08-07-2015 09:55 AM

قدامك حلين
لو مستعجل يبقى الـ 127 أحسن حاجه فى حدود الـ 10000 و سهل تلاقيها بحالة كويسة بالمبلغ ده (متكونش معدومة يعنى)
الأفضل تستنى و تجيب نيفا, بس هتحتاج تزود المبلغ شوية, بس فرق شاسع بين النيفا و الـ 127
الأهم حالة العربية علشان حضرتك زى حالاتنا, من أصحاب الدخل المعدوم, فمش طالبه مصاريف على حاجه ميته.
أعانك الله