الموضوع: غلطة عمري - عملت محضر في اللي خبطني ! لازم تقري وتتعظ

#وطن_العك

شكراً لك لنقل التجربه القاسيه التى تعرضت لها وحمداً لله على سلامتك وفعلاً ماحدش يدخل أى قسم إلا لو كان معاه واسطه وربنا يعوض عليك فى تلفيات العربيه

والله حصل معايا حاجة تجنن اي حد
كنت ماشي بالعربية في الشمال و داخل ع اشارة والكل بيوقف جئت عربية سريعا من اليمين راحت خبط واحده وافقه جانب الرصيف و بعدين حك عربيتي من اليمين بتاعي المهم الدنيا انقلبت و الشارع وقف بصراحه الواد اللي خبط الست و قف كان عايز اسعاف باي طريقة المهم طبعا الشعب المصري اول ما شاف النجدة و الاسعاف جئت مسكوا الراجل قال ده كان عايز يهرب هو بصراحه هو كان عايز يسعف الست باي طريقة المهم قولت انا اروح أقول الكلام ده لظابط الموجود المهم قالي تعالي معايا معليش ع القسم و اكسب ثواب بدل ما الراجل يروح في داهية آكتر من كده روحت هناك قاعد معاه الظابط الراجل كان محترم معايا جدا بصراحه المهم أخذ مني الكلمتين قال ليه معليش انتظر بس نصور البطاقة بتاعتك أقولت ماشي شويه داخل علينا واحد طلع ﻣﺤﺎﻣﻲ الراجل صاحب العربية
الظابط بيقول الاستاذ جي يشهد انه الراجل بتاعك كان عايز يسعف الست برغم انه العربية بتاعته اتحكت المحامي ضحك زاي عادل آدم اثبت ده في المحضر الظابط قالوا ليه عشان هو السبب هو قفل عليه فا خبط الست طبعا انا اتجنت قوي قولت هو في ايه
المهم الظابط قالي اهدا بس سكت المهم بعد ما قعد ساعة لقيت الظابط بيقول هي عربيتك فين تقوله وافقه امام القسم قالي انا المفروض أخذ المفاتيح دلوقتي بس انتا أقفله كويس بكره تأخذ افراج من النيابة المهم قولت هو في ايه انا مالي قال مليش عربيتك جئت في القضية طبعا انا خلاص كنت عايز أولع في المحامي و الظابط

المشاركة الأصلية كتبت بواسطة gmakram

اولا الحمدلله انها جات على قد كدا مين عارف ممكن يكون ربنا منع عنك مصيبه كبيره باللي حصل

ثانيا انا متخيل حرقه الدم والاعصاب والمجهود اللي عديت به وقد ايه هي سخيفه انك تبيت عربيتك في المضبوطات لكن متزعلش من اللي هقوله انا لا اقصد اى معني وحش من الكلام ولكني فقط بحاول اطرح قدامك الموضوع بحياديه مش اكتر...انت لما حصلك موقف اتظلمت فيه اللي هو انك اتخبط قمت لجأت لحقك القانوني وطلبت انك تأخد حقك بالقانون ولك في هذا كامل الاحترام طبعا...ليه متضايق ان القانون برضو هيتطبق عليك في مخالفتك اللي هي الفاميه؟ انت هنا مخالف وتستحق ان يطبق عليك القانون...خلاصه الكلام انا زي ماقلت لا اقصد اى شماته او اى معني وحش من ورا كلامي...فقط عايز اوصلك ان موقفك في موقف الخبطه وموقف الفاميه وجهان فيهم تناقض

مره اخيره اعتذر لو كلامي ضيقك

تحياتى

كلام تمام بس ناقص حاجة بسيطة ان الفاميه اتشال و ما خدش حقه من اللى خبطه العدل لا يتجزا لازم كل واحد ياخد حقه مش ناحية اتطبق القانون و ناحية ماخدش حاجة ده بيشجع على شريعة الغاب و اخد الحق بالدراع طالما مش هعرف اخده بالقانون و بيولد سخط بين الناس من الدولة