| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 38

  1. #1

    الصورة الرمزية Dr.EHAB GHAREE

    رقم العضوية : 146053

    تاريخ التسجيل : 10Jul2013

    المشاركات : 6

    النوع : ذكر

    الاقامة : الشرقيه

    السيارة: شيفروليه

    السيارة[2]: هيونداى

    الحالة : Dr.EHAB GHAREE غير متواجد حالياً

    افتراضي تقرير عن عربيتى الAudi Q3 بعد مرور سنه - Facebook Twitter whatsapp انشر الموضوع فى :

    hasad">

    طبعا زى اى حد حابب يبعد عن ثقافه القطيع بتاعت الكورى واليابانى واعاده البيع والهرى والفتى ده قررت انى اركب المانى خصوصا ان معشوقتى citroen ds5 لا تصلح للاستخدام الادمى فى الشرقيه.....ولما نقول المانى يعنى مرسيدس يعنى بى ام دبليو بحكم انتشارهم وشهرتهم فى الشوارع كل يوم.
    المهم رحت توكيل مرسيدس والقى العربيه الفاضيه اللى مفيهاش زرار ولا جنوط ولا اوبشنز ب 300 الف وعشان تاخد اوبشنز عايز تزود من 50 ل 100 الف عشان تركب الموديل اللى شوفته فى صور اعلاناتهم وانبهرت بيه ولما سالت مندوب المبيعات ادفع 300 الف ومفيش اوبشن يرد يقولى اصل دى مرسيدس........لا تعليق
    خرجت من مرسيدس رحت لBMW وكان الكلام مكرر ومش محتاج اعيده ...............وووووووو
    واصلك راكب BMW
    يعنى ادفع 300 الف فى طاسات وتكييف ببكر ولا فتحه سقف حتى بلاش بانوراما ونور اصفر معفن
    لحد ما نزلت Audi Q3 السنه اللى فاتت ودى بقا كنت متابعها من خلال اليوتيوب ومبهور بيها ومكانتش لسه نزلت مصر ساعه ما شوفتها.
    كنت كلمت التوكيل وسألت عليها وقالوا انها نزلت فى المانيا لكن قدامها شويه وتنزل مصركرى
    لحد ماكلمنى مستر عبدالرحمن السكرى من توكيل اودى وقالى انها جايه مصر وحتكون فى معرض اوتوماك الاهرام 2014 السنه اللى فاتت يعنى.
    والحمد لله اشتريتها وبقالها معايا سنه دلوقت من 2/7/2014 والحمد لله مبسوط بيها جدا وحبيت اكتب تقرير مفصل عنها عشان فى ناس كتير بتمر بنفس المحنه والمعاناه فى الاختيار
    1)الموتور 1400 تربو 150-160 حصان تسارع قوى جدا من 0-100 فى 9 ثوانى تقريبا
    2)الفتيس s-tronic والحمد لله ماشي معايا كويس جدا ومفيش احساس بالنقلات طبعا وطلقه تحت رجلك وخصوصا لو حتلعب شويه بال sport mode وعايز تهزأ اى حد بيجرى ويشد معاك عالطريق........حتسمع فتايين كتير يقولولك DSG سيبك منهم دول شويه بقر اخرهم يركبوا تكتك
    3)البنزين والحمد لله 92 شغال زى الفل (حطيت مرتين بس 95 خلال السنه)والناس المحترمه فى التوكيل قالولى كده وكلامهم طلع مظبوط بعد سنه كامله استخدام ومشي 22000كيلو والحمد لله
    ومسمعناش عن موتور ضرب زى مرسيدس c class ولا اوبل انسجنيا ولا غيره ولا غيره اللهم احفظنا
    4)المظهر العام الخارجى للعربيه بصراحه فيه انسيابيه وايروديناميك عالى اوى وشكلها مميز جدا جدا يعنى لما بقابل المرسيدس وال بي ام انا مببصش عليهم لكن هما بيبصوا جامد ويقلبوك من فوق لتحت لانها فعلا مميزه وجذابه انت unique وراكب head turner
    5)الاضاءه ودى تتميز بها اودى عن اى ماركه تانيه فى العالم كله......نحطى عنها شويه
    lightening packageاكثر من رائع بدايه من زينون عالى وواطى-مصابيح شبوره اماميه-مصابيح شبوره خلفيه-عدسات طبعا-اضاءه داخليه بلون تلجى جميل فى كل حته حتى الدواسات تحت رجلك كمان قدام وورا منوره-تشغيل اوتوماتيكى للاضاءه الخارجيه فى الانفاق والاماكن المظلمه او وقت الغروب-ليدات اماميه وخلفيه من اجمل واحلى الليدات اللى بتتميز بها اودى مش المهرجان اللى مركباه هيونداى وكيا-وكنت حنسي guide me home اللى الاضاءه بتفضل منوره بعد ماتقفل العربيه وتمشي لمده 10 ثوان تقريبا عشان تنورلك الطريق لحد ماتدخل البيت وطبعا فى الشارع حتلقى ناس بتشاورلك او السايس بيناديك ويقولك ياباشا ياباشا....(مش حيقولك يا استاذ) الحق النور مولع لسه!!!!!!!
    كده خلصنا lightening technology
    6)مرايات ضم كهرباء طبعا باشارات فى المرايات........ طب ايه الجديد يا عم اودى
    طبعا لازم يكون فى حته مميزه وهى ان فيه ميمورى للمرايات بتخزن ظبطتك وانت بترجع لورا عليه عشان لما تيجى تدىR وانت بتجرش فى البيت تقوم المرايه اوتوماتك تتحرك لتحت او لجوه حسب ظبطتك عليها قبل كده......مش تقعد تظبط كل مره تروح تركن خصوصا لو جراشك ضيق او صعب فى ركنته
    بس العيب الوحيد بصراحه ان المرايات مش مع الريموت ولكن لها زرار داخلى تقفلها وتفتحها منه فكتير تنساها مفتوحه وتكسل تدور تانى وتقفلها
    شويه اوبشنز كتير عالسريع كده :-
    7)المساحات اماميه وخلفيه وفيه كمان washing system للمصابيح الاماميه
    8)حساسات ركن اماميه وخلفيه بradar system على الشاشه وطبعا مع الصوت
    9)سقف بانوراما وستاره تعتيم تحت السقف وطبعا السقف بيفتح مش لوح ازاز راكب فوق راسك وخلاص
    10)كمبيوتر رحلات بيحسبلك الهوا اللى بتتنفسه كمان لو عايز
    11)بلوتوث ومايك صوته نقى جدا جدا واللى بيكلمك ناقص يسمع صوت نفسك وطبعا اوامر صوتيه
    12)مثبت سرعه
    13)عجله القياده تليسكوبيه بتظبطها زى مانت حابب
    14)طاره multi function طبعا وكل حاجه تحت صوابعك
    15)شاشه نقيه وموقعها متميز اعلى التابلوه وبتعرضلك كل حاجه من خلال i-drive system
    16)تكييف dual zone ديجيتال مع وجود هوايه تكييف للكنبه الخلفيه وتلاجه بالglove box وتكييف طبعا تلاجه
    17)كونسول متحرك مع حامل اكواب وطفايه بلوجو اودى عشان السجاير وطبعا محدش يستجرى يطفى فيها سيجارته لانى ممكن ارتكب فيه جنايه
    18)الفرش جلد وخامه نضيفه
    19)كراسى كهرباء ليا وللى جنبي تتحرك فى كل الاتجاهات مع ساند للفقرات القطنيه لنا احنا الاتنين(ناس محترمه بتعامل اللى راكب جنبي زيه زى اللى دافع 360 باكو) اهو صاحبنا برده
    20)مرايا داخليه بزر تعتيم وموجوده مرايا بالشماسات الداخليه الاماميه مع اضاءه تلجى عشان تشوف جمالك
    21)منتصف الكنبه الخلفيه بيتحول لمخدع كبيرمع 2حامل اكواب عشان لو اتنين قاعدين ورا يفرشحوا براحتهم مع واجب الضيافه بتاعهم
    22)نظام صوتى اكثر من رائع Audi multimedia بصوت مجسم نقى جدا لسماعات منتشره بكل شبر جوا العربيه 14 سماعه وصب ووفر مالوش حل موجود ومثبت فى منتصف الاستبن فى اسفل الشنطه الخلفيه
    23)دواسات موكيت بمثبت فى الارضيه
    24)زجاج كهربائى لل 4 ابواب وطبعا لو نسيت صباعك او ابنك سايب ايده والازاز قفل مش حيحصل حاجه لان الازاز حيرجع تانى ومش حيقفل على ايدك زى ماحصلى مره قبل كده فى عربيه واحد صاحبى
    25)قفل اوتوماتيكى للابواب مع حركه العربيه وطبعا تحكم لغلق النوافذ الخلفيه كامان للاطفال عشان ميفتحوش الازاز اللى ورا لو حابب
    26)الراديو طبعا بيتعمل بحث اوتوماتيكى لجميع القنوات المتاحه وبتترص قدامك على الشاشه
    27)حساسات لضغط الهواء بال4 اطارات بحيث لة فرده ريحت منك بتظهرلك لمبه عالشاشه وكمان بتظهرلك رساله بمكان الفرده وعنوانها
    28)اماكن تخزين بال 4 ابواب وبالتابلوه
    29)الشنطه مساحتها كبيره مع امكانيه ثنى الكنبه الخلفيه بالكامل والكرسي الامامى كمان لو حابب انك تعزل من البيت ولا حاجه
    30)تقفيل الشنطه رائع ونضيف اوى فمابالك بالتقفيل بتاع الصالون
    31)عده ومثلث الامان موجودين ومتقفل عليهم فى الشنطه الخلفيه
    32)جنوط سبور والاستبن زيه زى اى فرده راكبه مقاس 17
    33)طبعا كل انظمه الامان abs-ebd-esp و6 ايرباج و............... الخ الخ
    34)العفشه طبعا multi link ودى طبعا من احسن انظمه التعليق متحسش اوى بطرقنا المتبهدله والحفر والمطبات
    35)العربيه مرتفعه عن الارض ومفيش اى مشكله فى اى مطب مهما كانت حمولتك ومش حتحتاج تفشق عالمطب
    36)انا كده تقريبا غطيت معظم النقط اللى انا فاكرها وممكن يكون فى اوبشنز انا مكتشفتهاش لسه لحد دلوقت
    واعتقد ان اخر نقطه تهم الكل هى التوكيل
    بصراحه التوكيل بمقره الجديد بالقطاميه ناس محترمه جدا بعد اول صيانه بيتصلوا بيك ويطمنوا منك عالعربيه لا وكمان الشركه الام فى المانيا بيتصلوا بيك وياخدوا منك تقييم شامل للعربيه وكمان بيسالوك هل توكيل القطاميه اتصل بيك بعد الصيانه ولا لا
    قطع الغيار والصيانات مش غاليه على فكره انا عملت صيانه ال5000 مجانا كهديه من التوكيل وعملت صيانه ال15000 وغيرت فيها تيل امامى وخلفى بسبب طرق الشرقيه الزباله اللى كل 5 متر تلقى مطب وتقريبا على سبيل المثال كان تيل امامى ب 800ج وهو قريب كده من سعر تيل كيا سيراتو
    وممكن دلوقت تعمل تست درايف اللى للاسف مكانش متاح عندهم السنه اللى فاتت
    ويكفى انى كل ما اسافر القاهره او اسماعليه او بورسعيد بشوف ناس راكبه Q3 دليل انها بدأت تنتشر بشكل كويس ويخليها تمسك سعر فى حال نيه البيع
    انا حسيب رقم موبايلى لو حد حب يستفسر عن حاجه لانى مبدخلش المنتدى كتير 01006824242 (د.ايهاب غريب)
    والله على ما اقول شهيد


  2. #2

    الصورة الرمزية d/ahmed mosaad

    رقم العضوية : 145528

    تاريخ التسجيل : 21Jun2013

    المشاركات : 13

    النوع : ذكر

    الاقامة : helwan

    السيارة: lancer

    السيارة[2]: elentra

    الحالة : d/ahmed mosaad غير متواجد حالياً

    افتراضي -

    تقرير هايل ربنا يباركلك فيها يا دكتور بس ممكن توضح الفئات بتاعتها ايه واسعارها كام والف شكر علي المجهود الرائع


  3. #3

    الصورة الرمزية ENG.MaRk

    رقم العضوية : 157318

    تاريخ التسجيل : 13Mar2014

    المشاركات : 2,257

    النوع : ذكر

    الاقامة : Stuttgart-Hamburg

    السيارة: E63 AMG / Audi R8 / Audi A6

    السيارة[2]: peugeot 508 2015 Highline

    دراجة بخارية: Honda NC700X

    الحالة : ENG.MaRk غير متواجد حالياً

    افتراضي -

    تقرير ممتاز


  4. #4

    الصورة الرمزية رامي مصطفى

    رقم العضوية : 148915

    تاريخ التسجيل : 20Sep2013

    المشاركات : 1,350

    النوع : ذكر

    الاقامة : المنصوره-العاشر من رمضان

    السيارة: Terios 2000

    السيارة[2]: lanos2013&tempra 93

    دراجة بخارية: No

    الحالة : رامي مصطفى غير متواجد حالياً

    افتراضي -

    تقرير ممتاز
    وخصوصا الناس ايللي بتهزأها وانت بتعديها!!!!!!!!!!
    والبقر بتوع dsg ايللي آخرهم يركبوا توكتوك!!!!!!!!!!!


  5. #5

    الصورة الرمزية AHMEDJUDDY

    رقم العضوية : 155838

    تاريخ التسجيل : 10Feb2014

    المشاركات : 654

    النوع : ذكر

    الاقامة : القاهره

    السيارة: فانتازيا سبورت 2012

    السيارة[2]: النترا 2012

    الحالة : AHMEDJUDDY غير متواجد حالياً

    افتراضي -

    ربنا يبارك لك فيها و يكفيك شرها
    ....... هي دي الناس اللي بتحب الركوبه ومش فارقه معاها اعاده البيع


  6. #6

    الصورة الرمزية banzai

    رقم العضوية : 150353

    تاريخ التسجيل : 21Oct2013

    المشاركات : 548

    النوع : ذكر

    الاقامة : egypt

    السيارة: bugattk

    السيارة[2]: bugatti

    الحالة : banzai غير متواجد حالياً

    افتراضي -

    اقتباس المشاركة الأصلية كتبت بواسطة رامي مصطفى مشاهدة المشاركة
    وخصوصا الناس ايللي بتهزأها وانت بتعديها!!!!!!!!!!
    لاحظت كتير فى المنتدى التهويل بالذات فى تقييم اصحاب العربيات
    تسارع من 0-100 فى 9 ثوانى ده مش تسارع محرك رياضى يهزأ المحركات اللى ادامه , اللى محرك عربيته تسارعه من 0-100 فى 7.5 ث و انت نازل هو اللى يقدر يقول الكلمه دى
    هتسمع كتير كلمة ممتاز و رائع و محصلش و معجزه اثناء تقييم السياره الجديده من اصحابها فى المنتدى
    رغم ان لو واحد بيقيم عربيته الفيرارى مبيقولش ممتاز خالص بيستخدم مفردات لغويه معقوله لانه عارف ان فيه منافسين بيقدموا منتجات لها ما لها و عليها ما عليها بالظبط كسيارته

    فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ


  7. #7

    الصورة الرمزية hemahom

    رقم العضوية : 36900

    تاريخ التسجيل : 31Mar2009

    المشاركات : 135

    النوع : ذكر

    الاقامة : cairo

    السيارة: فيات 127

    السيارة[2]: دايو نوبيرا 2008

    دراجة بخارية: noooo

    الحالة : hemahom غير متواجد حالياً

    افتراضي -

    فئاتها واسعارها لو سمحت

    د. ابراهيم الشعار


  8. #8

    الصورة الرمزية عﻻء سالمان

    رقم العضوية : 174660

    تاريخ التسجيل : 23Apr2015

    المشاركات : 417

    النوع : ذكر

    الاقامة : مدينة نصر

    السيارة: باسات 2015

    السيارة[2]: ﻻنسر بومة 2008

    الحالة : عﻻء سالمان غير متواجد حالياً

    افتراضي -

    الأودى منافس مباشر لبى ام وعربيتك منافسة للفئة x .. أودى لها سمعة طيبة فى الخليج وهيا امل فولكس فاجن جروب الى مخططة لزيادة مبيعات اودى من ضمن البﻻن لرفع المجموعة بشركاتها العشرة من المرتبة الثانية للمرتبة اﻷولى عالميا بحلول عام 2018


  9. #9

    الصورة الرمزية Maxpayne81

    رقم العضوية : 170881

    تاريخ التسجيل : 19Jan2015

    المشاركات : 20

    النوع : ذكر

    الاقامة : Cairo

    السيارة: BMW

    السيارة[2]: Audi

    الحالة : Maxpayne81 غير متواجد حالياً

    افتراضي حببتني في عربيتي يا عم :) -

    انت عرفتني حاجات مكنتش عارفها في عربيتي يا إيهاب
    الفئات يا جماعة baseline فيه كل حاجة ما عدا السقف و الشنطة الكهربا و التفييم و الكاميرا الخلفية و السمات كي ب345
    الهايلاين ب 385
    انا معايا الفيس ليفت 2015 لو حد عنده استفسار
    د/ باسم


  10. #10

    الصورة الرمزية ahmed_h_g

    رقم العضوية : 8588

    تاريخ التسجيل : 08Apr2008

    المشاركات : 5,810

    النوع : ذكر

    الاقامة : Ras Ghareb/Red Sea

    السيارة: 000

    السيارة[2]: Proton wira 2005

    دراجة بخارية: لا يوجد

    الحالة : ahmed_h_g غير متواجد حالياً

    افتراضي -

    hasad">

    ربنا يباركلك فيها



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. تقرير مصور عن الصيانه الأخيره فى عربيتى
    بواسطة Hesham.H في المنتدى أوبـــــل
    مشاركات: 13
    آخر مشاركة: 07-12-2014, 10:50 PM
  2. اخيرا تقرير عن عربيتى الماروتى الجديدة..
    بواسطة amgadshah في المنتدى سـوزوكى
    مشاركات: 23
    آخر مشاركة: 15-09-2013, 09:25 AM
  3. تقرير عن عربيتى الجديدة
    بواسطة Hussein_Ramdan في المنتدى كـــــيا
    مشاركات: 85
    آخر مشاركة: 06-01-2013, 01:23 AM
  4. تقرير كامل عن عربيتى هيونداى فيرنا 2000 سى سى.
    بواسطة Fadi Ezzat في المنتدى هيــونــداى
    مشاركات: 40
    آخر مشاركة: 10-02-2012, 02:40 AM
  5. عربيتى مرور دمياط وعايز انقلها القاهرة اعمل ايه
    بواسطة AAAH في المنتدى ساحة المرور وموضوعات التأمين في مصر
    مشاركات: 6
    آخر مشاركة: 29-03-2010, 04:08 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2