موضوع محير جدا برجاء الافادة

**TRABYA** · 07-07-2015 04:45 AM

انا عندي مشكلتين مع التكييف
اولا لما بشغل التكييف بيكون في صونة ونه مستفزة بتطلع من الكباس ولما اطفي التكييف الونه دي بتروخ
ثانيا لما بكون مشغل التكييف باليل المواسير بترسب تلج ، هل دي حاجة حلوة ولا وحشة

ارجو الافادة مع حلول المشاكل
شكرا و اسف لو طولت عليكم

**AymanEF** · 07-07-2015 05:33 AM

التكييف العادى لما بيجيب تلج يبقى ناقص فريون و عايز يتشحن و المفروض ان لو الفريون ناقص الكباس يفصل اكتر عشان مبخربش شيك على الفريون و الضغط غالبا منه

**mbx4e** · 03-08-2015 07:53 AM

حليت الموضوع؟

**mbx4e** · 11-08-2015 04:01 AM

دي مشكله في الاكسبانشن مع تفريغ سيء

**TRABYA** · 12-08-2015 02:33 AM

معلش انا اسف انا مش فاهم حاجة

**JOHN SAM** · 13-08-2015 02:04 AM

اولا الشحن الزايد لدايرة التكييف بالفريون يعمل 3 اشياء

1- تبريد زائد بداخل السيارة ( ترسيب تلج )
2 - تحميل على الكباس ( يطلع صوت ونة )
3 - سخونة في السربنتينة الخارجية
الفريون مش بيتشحن بالضغط
الفريون بيتم شحنه بالوزن بالجرام وكل سيارة ليها حجمها

**mbx4e** · 13-08-2015 05:06 PM

المشاركة الأصلية كتبت بواسطة JOHN SAM

اولا الشحن الزايد لدايرة التكييف بالفريون يعمل 3 اشياء

1- تبريد زائد بداخل السيارة ( ترسيب تلج )
2 - تحميل على الكباس ( يطلع صوت ونة )
3 - سخونة في السربنتينة الخارجية
الفريون مش بيتشحن بالضغط
الفريون بيتم شحنه بالوزن بالجرام وكل سيارة ليها حجمها

انت عارف اقل ميزان شحن بكام ١٥٠٠-ل ٢٠٠٠ في السوق وصيني
والصنايعيه معظمهم مابعرفوش يقروا او يكتبوا
ثقافة الزبون ارخص وافر وعايز الاحسن اداء وبيصلح لما الحاجه تبوظ ولما يحتاجها بس يفكر في تصليحها مش بيفكر يصين قبل ما يصلح لانها مصاريف ووقت الاحتياج هو الصيف دا الموسم بتاعهم فامش هايقعد في عربيه يوم او نص يوم عشان يزبط التكييف مقابل ١٥٠ جنيه وهو بيشتغل شهرين تلاته في السنه وقاعد الباقي يجيلي زبونين تلاته في الاسبوع
وثقافة معظم الفنيين اوفر في التكلفه عشان الزبون مابيدفعش او زي مابيقولوا مابيقدرش الاحسن وعايز اداء من غير تكلفه
الصنايعي مش ساحر وبالذات في مجال التكييف (العده مكلفه جدا)
عارف طقم الكشف بالصبغه بكام (١٥٠٠) غير الصبغه
كيلو فريون اولاد رزق ٦٥جنيه من الشركه دا غير تكلفة المشوار
اقل تكلفه للشحن بكام في السوق بكام ١٥٠جنيه دابالتفريغ
عارف طرمبة الفاكيوم الصيني بكام اقل شيء (١٥٠٠)
لو الصنايعي اشتغل صح هتلاقي تكلفة الشحن عالية ممكن تعدي ٣٠٠جنيه
وجهاز الشحن بالكومبيوتر الخرافي بيعدي ٣٠الف دا غير صيانته
وعشان تحدد اي عيب في الدوره لازم تشحن عشان تبدأ تكشف العيب مش كل دي تكلفه
احسب كدا خطوات الشحن ولو هاتستخدم كيلو اخوان رزق وصبغه وميزان وكبس وطرمبة فاكيوم نظيفه وحساسات حراره برا وجوا وقبلهم تكبس تكلفة الشحنه المبدأيه عشان تبدأ تحدد العيب كام؟
مع ملاحظة ان العميل بيقولك دا عايز يتشحن طب ايه اللي خرج الشحنه مش مقتنع انه بيسرب طب عرفت منين انه عايز شحن اصل مابيسقعش......تاتاتا
من الاخر احنا كشعب عندنا ثقافة جهلxاستغلال
من جميع الاطراف زبون وفني وسوق ومستورد وحكومه مابتنظمش وبتستغل وسياسة غلاء على الخلق في حاجه تافه (التكييف ومكوناته وكمان صيني )
بالمناسبه الاعراض اللي عند الاخ بتحصل في اكتر من حاله نقص او زياده شحنه اوعيب اكسبنشن او تفريغ سيء ودي بتتعرف من قراية الضغوط ومعرفة درجة الحراره والرطوبه المحيطه